ꠔꠃꠞꠣꠔ ৩: ꠟꠦꠛꠤꠀꠘ 26:13 - Siloṭi Asmani Kitab (Latin lipi)

¹³ Kial rakio, ami Alla-u tumrar Mabud. Mishor desh taki ami-u tumrare azad ḳori anchi, zate tumra Mishori oḳlor gulami kora na lage. Tumrar gordona taki zual bangia falaia, mata usa ḳori aṭibar haloto ami-u tumrare anchi.

Siloṭi Asmani Kitab (Nagri lipi)

¹³ ꠈꠤꠀꠟ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ। ꠝꠤꠡꠞ ꠖꠦꠡ ꠕꠣꠇꠤ ꠀꠝꠤꠃ ꠔꠥꠝꠞꠣꠞꠦ ꠀꠎꠣꠖ ꠇꠞꠤ ꠀꠘꠍꠤ, ꠎꠣꠔꠦ ꠔꠥꠝꠞꠣ ꠝꠤꠡꠞꠤ ꠅꠇꠟꠞ ꠉꠥꠟꠣꠝꠤ ꠇꠞꠣ ꠘꠣ ꠟꠣꠉꠦ। ꠔꠥꠝꠞꠣꠞ ꠉꠞ꠆ꠖꠘꠣ ꠕꠣꠇꠤ ꠎꠥꠀꠟ ꠜꠣꠋꠉꠤꠀ ꠚꠣꠟꠣꠁꠀ, ꠝꠣꠕꠣ ꠃꠌꠣ ꠇꠞꠤ ꠀꠐꠤꠛꠣꠞ ꠢꠣꠟꠔꠅ ꠀꠝꠤꠃ ꠔꠥꠝꠞꠣꠞꠦ ꠀꠘꠍꠤ।

ছিলটি আছমানি কিতাব (বাংলা লিপি)

¹³ খিয়াল রাখিও, আমি আল্লাউ তুমরার মাবুদ। মিসর দেশ থাকি আমিউ তুমরারে আজাদ করি আনছি, যাতে তুমরা মিসরী অকলর গুলামি করা না লাগে। তুমরার গর্দনা থাকি জুয়াল ভাংগিয়া ফালাইয়া, মাথা উচা করি আটিবার হালতো আমিউ তুমরারে আনছি।

ꠔꠃꠞꠣꠔ ৩: ꠟꠦꠛꠤꠀꠘ 26:13 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 14:8

Mabude Mishoror bashsha Feraunor dilre fashan ḳorilla, he Boni Israilor ḳore ḳore ḳedanit ailo. Era zebla himmot ḳori aṭia zaira, ou shomoy he erare dorat ailo.

ꠔꠃꠞꠣꠔ ২: ꠢꠤꠎꠞꠔ 20:2

“O Boni Israil oḳol, ami Alla-u tumrar Mabud. Mishor deshor gulami taki ami-u tumrare ḳalas ḳori anchi.

ꠔꠃꠞꠣꠔ ২: ꠢꠤꠎꠞꠔ 6:7

Heshe tumrare amar nizor bonda banaimu, ami nize tumrar Alla oimu. Teu tumra buzbae, ami Alla-u tumrar Mabud, ar Mishori oḳlor baror tol taki ami-u tumrare basaisi.

ꠔꠃꠞꠣꠔ ৩: ꠟꠦꠛꠤꠀꠘ 25:38

Mono rakio, ami Alla-u tumrar Mabud. Asta Kenan desh dan ḳorar kiale, ar tumrar afon Mabud oar kiale, ami-u tumrare Mishor desh taki bar ḳori anchi.

ꠔꠃꠞꠣꠔ ৩: ꠟꠦꠛꠤꠀꠘ 25:42

Huno, Boni Israil to ḳali amar gulam. Ami tarare Mishor desh taki azad ḳori anchi, erlagi dusra ḳeuror gulamir lagi tarare besar eḳtiar nai.

ꠔꠃꠞꠣꠔ ৩: ꠟꠦꠛꠤꠀꠘ 25:55

Mono rakio, Boni Israil to ḳali amar gulam. Ami tarare Mishor desh taki azad ḳori anchi, tara ḳali amar. Ami Alla-u tumrar Mabud.