ꠔꠃꠞꠣꠔ ৩: ꠟꠦꠛꠤꠀꠘ 24:9 - Siloṭi Asmani Kitab (Latin lipi)

⁹ Bade imam Harun ar tan bongshodore fobitro Kaba goror shimanar bitre ou ruṭi kaiba, ita oilo Mabudor name agunit deoa kurbanir zinishor maze ek kas fobitro zinish. Ita to imam oḳlor faona, ou niom hor-hamesha zari roibo.”

Siloṭi Asmani Kitab (Nagri lipi)

⁹ ꠛꠣꠖꠦ ꠁꠝꠣꠝ ꠢꠣꠞꠥꠘ ꠀꠞ ꠔꠣꠘ ꠛꠋꠡꠗꠞꠦ ꠙꠛꠤꠔ꠆ꠞ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠜꠤꠔꠞꠦ ꠅꠃ ꠞꠥꠐꠤ ꠈꠣꠁꠛꠣ, ꠁꠔꠣ ꠅꠁꠟ ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠎꠤꠘꠤꠡꠞ ꠝꠣꠎꠦ ꠄꠇ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ। ꠁꠔꠣ ꠔ ꠁꠝꠣꠝ ꠅꠇꠟꠞ ꠙꠣꠅꠘꠣ, ꠅꠃ ꠘꠤꠅꠝ ꠢꠞ-ꠢꠣꠝꠦꠡꠣ ꠎꠣꠞꠤ ꠞꠁꠛ।”

ছিলটি আছমানি কিতাব (বাংলা লিপি)

⁹ বাদে ইমাম হারুন আর তান বংশধরে পবিত্র কাবা ঘরর সীমানার ভিতরে অউ রুটি খাইবা, ইতা অইলো মাবুদর নামে আগুনিত দেওয়া কুরবানির জিনিসর মাজে এক খাছ পবিত্র জিনিস। ইতা তো ইমাম অকলর পাওনা, অউ নিয়ম হর-হামেশা জারি রইবো।”

ꠔꠃꠞꠣꠔ ৩: ꠟꠦꠛꠤꠀꠘ 24:9 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 27:21

Milon-tambur shahadot shondukor samne ze fordaḳan taḳbo, ou fordar bare Harun ar tar fuainte hainja taki fozor forzonto, Mabudor samne serag guin deḳa-huna ḳorba. Amar ou hukum zanu Boni Israile oarishor for oarish dori hor-hamesha amol ḳore.”

ꠔꠃꠞꠣꠔ ৩: ꠟꠦꠛꠤꠀꠘ 10:12

Bade Harun ar tan baki duio fua Ali-Azor ar Isamarre Musae ḳoila, “Mabudor name agunit deoa kurbanir logor dan-gomor sodgar ze ongsho baki roise, ota dia ḳamir saṛa ruṭi banaia kurbani kanar ḳandat nia tumra ḳaio. Ita to ḳas fobitro zinish.

ꠔꠃꠞꠣꠔ ৩: ꠟꠦꠛꠤꠀꠘ 10:17

“Gunar koforar kurbanir gust tumra Kaba goror shimanat ḳailae na ḳene? Ita to ḳas fobitro zinish. Mabudor samne Boni Israilor gunar kofora adae ḳoria, tarar dush-ḳosuri mafir lagi ita to tumrare deoa oisil.

ꠔꠃꠞꠣꠔ ৩: ꠟꠦꠛꠤꠀꠘ 21:22

Oile ou kurbanir ḳani kaoa tar lagi zaiz, ita fobitro ba ḳas-fobitro oile-o zaiz ase.

ꠔꠃꠞꠣꠔ ৩: ꠟꠦꠛꠤꠀꠘ 24:10

Boni Israilor maze ola eḳ beṭa asil, zegur baf oilo Mishori ar ma Boni Israil zatir. I beṭae ar Boni Israilor aroḳ beṭae kempor bitre maramari laglo.

ꠔꠃꠞꠣꠔ ৩: ꠟꠦꠛꠤꠀꠘ 3:17

Tumra bongshor for bongsho doria ou niom manio, zekunu zagat boshot ḳoro na ḳene kunudin sorbi ba lou ḳaio na, ita haram.”

ꠔꠃꠞꠣꠔ ৩: ꠟꠦꠛꠤꠀꠘ 6:11

Bade tain ou lebas bodlaia, dusra lebas findia, ou salire kempor bare kunu fak-saf zagat nia falaiba.

ꠔꠃꠞꠣꠔ ৩: ꠟꠦꠛꠤꠀꠘ 6:16

Sodgar malor bad-baki ongsho imam Harun ar tar fuainte ḳaiba. Tara itar maze kunu ḳamir na mishaia ruṭi banaiba, banaia Milon-tambur uṭano kunu pak zagat boia ḳaiba.

ꠔꠃꠞꠣꠔ ৩: ꠟꠦꠛꠤꠀꠘ 6:9

“Tumi Harun ar tar fuaintore hikai deo, zalail kurbani adae ḳorar musla oilo, kurbanir foshu fozor forzonto hara rait kurbani kanar agunir ufre roibo, ar aguino zalail roibo.

ꠔꠃꠞꠣꠔ ৩: ꠟꠦꠛꠤꠀꠘ 8:3

Ar tumi tamam Boni Israilre Milon-tambur duaror ḳandat dola ḳoro.”

ꠔꠃꠞꠣꠔ ৩: ꠟꠦꠛꠤꠀꠘ 8:31

Bade Musae Harun ar en fuaintore ḳoila, “Tumra Milon-tambur duaror samne ou gust rando, randia hono boia ḳelafoti shomzibar ṭukrir ruṭi dia ota ḳao. Amare to age ou ḳota zanail oise, ita ḳali tumi ar tumar fuainte ḳaibae.

আছমানি কিতাব: মালাখি 1:12

Oile tumra amar namre beijjot ḳorrae. Tumra to ḳoirae, “Mabudor kurbani kana kunta-u nae, i kurbanir kunu dam-u nai.”

ꠁꠘ꠆ꠎꠤꠟ ১: ꠝꠕꠤ 12:4

Tain Allar Kaba goro hamaia hou fobitro ruṭi kaisla, i ruṭi kaoa to tain ar tan logor manshor lagi nazaiz, ita ḳali imam sabor lagi zaiz asil.

Injil 2: Markus 2:26

Tain to fordan imam Abiatoror amolo Allar goro hamaia, ze fobitro ruṭi imam sab bade ar ḳeu ḳaoa zaiz nae, ou ruṭi kaisla ar tan logor manshore-o disla.”

Injil 3: Luk 6:4

Tain nize Allar goro hamaia fobitro ruṭi kaisla, ar tan logor oḳolre-o ḳaoaisla. Ashole ḳali imam oḳol saṛa ar ḳeu i ruṭi kaoa zaiz asil na.”