ꠔꠃꠞꠣꠔ ৩: ꠟꠦꠛꠤꠀꠘ 23:3 - Siloṭi Asmani Kitab (Latin lipi)

³ “Haftat soy din tumra ḳam-ḳaz ḳorio, ar shat nombor din oilo ziraibar din, fobitro milon-mahfilor Zummabar. I din tumra kunu ḳam-ḳaz ḳorio na, tumra zekunu zagat boshot ḳoro, i din ḳan tumrar Mabudor name fobitro Zummabar hishabe manio.

Siloṭi Asmani Kitab (Nagri lipi)

³ “ꠢꠣꠙ꠆ꠔꠣꠔ ꠍꠄ ꠖꠤꠘ ꠔꠥꠝꠞꠣ ꠇꠣꠝ-ꠇꠣꠎ ꠇꠞꠤꠅ, ꠀꠞ ꠡꠣꠔ ꠘꠝ꠆ꠛꠞ ꠖꠤꠘ ꠅꠁꠟ ꠎꠤꠞꠣꠁꠛꠣꠞ ꠖꠤꠘ, ꠙꠛꠤꠔ꠆ꠞ ꠝꠤꠟꠘ-ꠝꠣꠢꠚꠤꠟꠞ ꠎꠥꠝ꠆ꠝꠣꠛꠣꠞ। ꠁ ꠖꠤꠘ ꠔꠥꠝꠞꠣ ꠇꠥꠘꠥ ꠇꠣꠝ-ꠇꠣꠎ ꠇꠞꠤꠅ ꠘꠣ, ꠔꠥꠝꠞꠣ ꠎꠦꠇꠥꠘꠥ ꠎꠣꠉꠣꠔ ꠛꠡꠔ ꠇꠞꠅ, ꠁ ꠖꠤꠘ ꠈꠣꠘ ꠔꠥꠝꠞꠣꠞ ꠝꠣꠛꠥꠖꠞ ꠘꠣꠝꠦ ꠙꠛꠤꠔ꠆ꠞ ꠎꠥꠝ꠆ꠝꠣꠛꠣꠞ ꠢꠤꠡꠣꠛꠦ ꠝꠣꠘꠤꠅ।

ছিলটি আছমানি কিতাব (বাংলা লিপি)

³ “হাপ্তাত ছয় দিন তুমরা কাম-কাজ করিও, আর সাত নম্বর দিন অইলো জিরাইবার দিন, পবিত্র মিলন-মাহফিলর জুম্মাবার। ই দিন তুমরা কুনু কাম-কাজ করিও না, তুমরা যেকুনু জাগাত বসত করো, ই দিন খান তুমরার মাবুদর নামে পবিত্র জুম্মাবার হিসাবে মানিও।

ꠔꠃꠞꠣꠔ ৩: ꠟꠦꠛꠤꠀꠘ 23:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 16:23

Musae tarare ḳoila, “Ita ṭik ase, Mabude-u oula hukum disoin; ḳail to haftar shesh din, Zummabar; Mabudor fak-fobitro din. Te tumrar zeta randar dorḳar ase ita aiz randilao, ar biran ḳorar zorur oile biran ḳoro, baki hoḳolta bador din biankur lagi toi deo.”

ꠔꠃꠞꠣꠔ ২: ꠢꠤꠎꠞꠔ 16:29

Huno, tumrar ziranir lagi i Zummabar to Mabude-u tumrare disoin, erlagi tain haftar soy nombor dino tumrare dui dinor ḳani dein; oḳon taki ou shat nombor din, mani Zummabare tumra hoḳole zarzir goro roia ziraio, ḳeu goror bare zaio na.”

ꠔꠃꠞꠣꠔ ২: ꠢꠤꠎꠞꠔ 16:30

Erbad taki haftar shat nombor dino manshe ziraito.

ꠔꠃꠞꠣꠔ ২: ꠢꠤꠎꠞꠔ 23:12

“Tumra haftat soy din ḳam ḳorio, oile shat nombor din to Zummabar, idin kunta ḳorio na. Teu tumrar goru-gadae ziraiba, ar tumrar baṛit zonmise i gulam ar musafir oḳlor zane-o aram faibo.

ꠔꠃꠞꠣꠔ ২: ꠢꠤꠎꠞꠔ 34:21

“Haftar soydin tumra ḳam ḳorio, oile shat nombor din ziraio. Ḳet ḳora ar foshol daoar bala-o ziraio.

ꠔꠃꠞꠣꠔ ৩: ꠟꠦꠛꠤꠀꠘ 19:3

Tumra forteḳe zarzir ma-bafre tazim ḳorio, ar amar deoa hoḳol Zummabar manio. Ami Alla-u tumrar Mabud.

Injil 3: Luk 13:14

Oile Zummar din tain i beṭire bala ḳorae, mosidor motollie gusa ḳoria ḳoila, “Ḳam ḳorar lagi to baki soydin-u ato ase. Tumra Zummar din na aia oinno zekunu din aia bala oio.”

Injil 3: Luk 23:56

Bade tara firia gia hari ator-gulaf ar sondon-molom banaila, heshe shoriotor hukum mafik zummar din ziraila.

Injil 5: Sahabi Nama 15:21

I hukum oḳol tarare zananikan bala, ḳaron Musae zeta talim disoin, ita bout zomana taki forteḳ ṭauno manshe toblig korra, ar tain zeta lekia toia gesoin, ita to forteḳ Zummabare mosidainto tilaot ḳora or.”

Injil 27: Zaira Kalam 1:10

Ermaze Hozrot Isar fobitro din, eḳ Robibare ami Allai Pak Ruhur maze furafur ḍubi gelam, omon shomoy amar ḳoredi shingar aoazor laḳan eḳ aoaz hunlam.