ꠔꠃꠞꠣꠔ ৩: ꠟꠦꠛꠤꠀꠘ 22:16 - Siloṭi Asmani Kitab (Latin lipi)

¹⁶ Tara baira manshore ita ḳaite dia manshore dushi banaia ḳeti-furonor daṛo zanu na falain. Mono rakio, ami Mabude-i tarare fobitro ḳori.”

Siloṭi Asmani Kitab (Nagri lipi)

¹⁶ ꠔꠣꠞꠣ ꠛꠣꠁꠞꠣ ꠝꠣꠘꠡꠞꠦ ꠁꠔꠣ ꠈꠣꠁꠔꠦ ꠖꠤꠀ ꠝꠣꠘꠡꠞꠦ ꠖꠥꠡꠤ ꠛꠣꠘꠣꠁꠀ ꠈꠦꠔꠤ-ꠙꠥꠞꠘꠞ ꠖꠣꠠꠅ ꠎꠣꠘꠥ ꠘꠣ ꠚꠣꠟꠣꠁꠘ। ꠝꠘꠅ ꠞꠣꠈꠤꠅ, ꠀꠝꠤ ꠝꠣꠛꠥꠖꠦꠁ ꠔꠣꠞꠣꠞꠦ ꠙꠛꠤꠔ꠆ꠞ ꠇꠞꠤ।”

ছিলটি আছমানি কিতাব (বাংলা লিপি)

¹⁶ তারা বাইরা মানষরে ইতা খাইতে দিয়া মানষরে দুষি বানাইয়া খেতি-পুরনর দাড়ো যানু না ফালাইন। মনো রাখিও, আমি মাবুদেই তারারে পবিত্র করি।”

ꠔꠃꠞꠣꠔ ৩: ꠟꠦꠛꠤꠀꠘ 22:16 Iomraidhean Croise

ꠎꠛꠥꠞ ꠡꠞꠤꠚ 38:4

Amar nizor bod ḳamo ami habuḍubu ḳaiar, ita boṛo ḳoṭin buza-bar lager amar.

ꠔꠃꠞꠣꠔ ২: ꠢꠤꠎꠞꠔ 28:38

Iṭa Harunor ḳofalor ufre roibo. Zoto fak-fobitro mal Boni Israile dan-ḳoyrat loia aiba, itar hoḳol nomunar dush-tiruṭir bar Harune boibo. Mabude zate tarare kobul ḳoroin, erlagi Harune ḳofalor ufre i shunar fatḳan hamesha lagaia raḳbo.

ꠔꠃꠞꠣꠔ ৩: ꠟꠦꠛꠤꠀꠘ 10:17

“Gunar koforar kurbanir gust tumra Kaba goror shimanat ḳailae na ḳene? Ita to ḳas fobitro zinish. Mabudor samne Boni Israilor gunar kofora adae ḳoria, tarar dush-ḳosuri mafir lagi ita to tumrare deoa oisil.

ꠔꠃꠞꠣꠔ ৩: ꠟꠦꠛꠤꠀꠘ 20:8

Amar niom-ḳanun furafur amol ḳorio. Ami-u to Mabud, ami-u tumrare fak-fobitro ḳori.

ꠔꠃꠞꠣꠔ ৩: ꠟꠦꠛꠤꠀꠘ 21:15

Arnae tan ḳarone tan nizor ḳandanor maze tan aolad oḳol fobitro halot taki nafak bonbo. Ami-u to Mabud, ami-u tanre fak-fobitro banaisi.”

ꠔꠃꠞꠣꠔ ৩: ꠟꠦꠛꠤꠀꠘ 21:23

Tar shorilo kut taḳae he Kaba goror Herem Shorifor fordar ḳandat ba kurbani kanar ḳandat zaoa nished, he zanu amar fak-fobitro zaga oḳolre nafak na banae. Mono rakio, ami-u Mabud, ar ami-u ou zagaintore fobitro ḳori.”

ꠔꠃꠞꠣꠔ ৩: ꠟꠦꠛꠤꠀꠘ 21:8

O Boni Israil, tumra imam sab oḳolre hamesha fobitro hishabe manio, tara-u to tumrar Allar dorbaro kurbanir ḳani shofia dein. Erlagi-u tarare fobitro ḳoia manio, mono rakio, ami-u tumrare fobitro banaisi, ar ami nize to fak-fobitro.

ꠔꠃꠞꠣꠔ ৩: ꠟꠦꠛꠤꠀꠘ 22:17

Bade Mabude Musare ḳoila,

ꠔꠃꠞꠣꠔ ৩: ꠟꠦꠛꠤꠀꠘ 22:9

“Imam oḳlor befare ami zeta ain-ḳanun disi, ita tara mania solouk. Arnae dushi bonbae ar nafakir dorun tarar moron oibo. Mono rakio, ami Mabude-u tarare fobitro ḳori.

ꠔꠃꠞꠣꠔ ৩: ꠟꠦꠛꠤꠀꠘ 7:18

Tin nombor din i gust ḳaile kurbani kobul oito nae. Kurbani deorar amol-namat ita uṭto nae, ou gust to nafak oigese, kunu manshe ita ḳaile tare naforman hishabe gona oibo.

ꠔꠃꠞꠣꠔ ৪: ꠡꠥꠝꠣꠞꠤ 18:1

Mabude Harun nobire ḳoila, “Fobitro ebadot ḳanar befare zoto naformani kora oibo, er day-dayitto bortibo tumar ufre, tumar fuain ar tumar gusṭir hoḳlor ufre-o. Ar imamoti kamor bala zoto laḳan naformani kora oibo, itar dayi oibae ḳali tumi ar tumar fuain.

ꠔꠃꠞꠣꠔ ৪: ꠡꠥꠝꠣꠞꠤ 18:32

Hoḳol taki bala ongsho Mabudor name dilaile, bakita ḳaite tumrar kunu dush nai. Ar Boni Israilor deoa fak-fobitro malre tumra ofobitro ḳorio na, teu tumra mortae nae.”

ꠁꠘ꠆ꠎꠤꠟ ১: ꠝꠕꠤ 23:17

Haere anda be-aḳolor dol, kunḳan boṛo? Baytul-Mukaddos, na shuna? Baytul-Mukaddose-u to ou shunare fak-fobitro ḳore.

ꠁꠘ꠆ꠎꠤꠟ ২১: ১-ꠙꠤꠔꠞ 2:24

Tain nizor shoril dia amrar gunar buza boisoin gasor ṭukrar solibo, zate gunar babote amra moria hari, fak-forezgarie zinda roi. Tan shorilor ḳaṭa-sirae tumrar shifa oise.