ꠔꠃꠞꠣꠔ ৩: ꠟꠦꠛꠤꠀꠘ 2:9 - Siloṭi Asmani Kitab (Latin lipi)

⁹ Nia tar ana ou hokkoltar bodla nishana hishabe, imame oḳan taki kisu ongsho algaia kurbani kanar ufre zalailiba. Ita oilo agunit deoa kurbani, er dumar gerane Mabud kushi oin.

Siloṭi Asmani Kitab (Nagri lipi)

⁹ ꠘꠤꠀ ꠔꠣꠞ ꠀꠘꠣ ꠅꠃ ꠢꠇ꠆ꠇꠟꠔꠣꠞ ꠛꠖꠟꠣ ꠘꠤꠡꠣꠘꠣ ꠢꠤꠡꠣꠛꠦ, ꠁꠝꠣꠝꠦ ꠅꠈꠣꠘ ꠕꠣꠇꠤ ꠇꠤꠍꠥ ꠅꠋꠡ ꠀꠟꠉꠣꠁꠀ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠁꠔꠣ ꠅꠁꠟ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ, ꠄꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ।

ছিলটি আছমানি কিতাব (বাংলা লিপি)

⁹ নিয়া তার আনা অউ হক্কলতার বদলা নিশানা হিসাবে, ইমামে অখান থাকি কিছু অংশ আলগাইয়া কুরবানি খানার উপরে জালাইলিবা। ইতা অইলো আগুনিত দেওয়া কুরবানি, এর ধুমার ঘেরানে মাবুদ খুশি অইন।

ꠔꠃꠞꠣꠔ ৩: ꠟꠦꠛꠤꠀꠘ 2:9 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:18

Heshe i astagu kurbani kanar ufre nia zalailio. Ita oilo Mabudor name zalail kurbani, Mabudor niote agunit deoa geran ala sodga.

ꠔꠃꠞꠣꠔ ৩: ꠟꠦꠛꠤꠀꠘ 1:9

Kurbani deorae gorur ṭeng ar feṭor bitoror hokkolta fani dia doia saf ḳoria diba, ar imame ota nia asta bisalor hokkolta kurbani kanar ufre zalailiba. Iṭar nam oilo zalail kurbani, Mabudor name agunit deoa kurbani, ou dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 2:16

Ou sodga loia aile, imam sabe nishana hishabe ou zonor ana dan-gomor sodgar kisu ongsho, kisu tel ar hoḳol agor nia kurbani kanat zalailiba, ita oilo Mabudor name agunit deoa kurbani.

ꠔꠃꠞꠣꠔ ৩: ꠟꠦꠛꠤꠀꠘ 2:2

Dia imam Harunor ze fuainte imamoti koroin tarar gese ota loia aibo. Imame ota taki tel mishail eḳ muiṭ moyda ar hoḳol agor loia, tar ana hokkoltar bodla nishana hishabe ou ongshore kurbani kanar ufre zalailiba. Ita oilo Mabudor name agunit deoa kurbani, itar dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 2:8

Ola zekunu nomunae banail dan-gomor sodgare Mabudor name ania imamor ato shomzai dibae, imame ita kurbani kanar gese niba.

ꠔꠃꠞꠣꠔ ৩: ꠟꠦꠛꠤꠀꠘ 24:7

Forteḳ lainor ruṭir daro ḳaṭi loban-agor toio. Toia nishana hishabe ruṭir bodla ou agordi Mabudor name agunit deoa kurbani adae ḳorio.

ꠔꠃꠞꠣꠔ ৩: ꠟꠦꠛꠤꠀꠘ 4:31

Ar salamoti kurbanir meṛar sorbir laḳan ogur hoḳol sorbi bar ḳoria kurbani kanar ufre zalailiba. Itar dumar gerane Mabud kushi oin. Ou nomunae imame hou zonor gunar kofora adae ḳorle, tar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 5:12

Ou moyda loia he imamor gese zaibo, gele ou asta kurbanir bodla nishana hishabe eḳ muiṭ moyda imam sabe kurbani kanar ufre Mabudor name zalailiba. Ita oilo Mabudor name gunar koforar kurbani.

ꠔꠃꠞꠣꠔ ৩: ꠟꠦꠛꠤꠀꠘ 6:15

Ar imame oḳan taki eḳ muiṭ moyda, kisu tel ar sodgar hoḳol loban-agor nia asta sodgar nishana hishabe ou ongshore kurbani kanar ufre zalaiba. Itar dumar gerane to Mabud kushi oin.

ꠔꠃꠞꠣꠔ ৪: ꠡꠥꠝꠣꠞꠤ 5:26

Bade tain fura sodgar bodla ou moyda taki nishana hishabe eḳ muiṭ foriman nia kurbani kanat zalaiba, ar hou titta fani beṭire ḳaoaiba.

Injil 6: Ruman 12:1

Erlagi O bai oḳol, Allae tumrare ola meherbani korae, ami tumrare ḳas minoti koriar, tumra zarzir shorilre Allar ato shofi deo, ila zinda fobitro kurbani Allar dorbaro kobul oy, oḳṭa-u oibo tumrar sohi-shuddo ebadot.

Injil 6: Ruman 15:16

Isa al-Mosir ḳadim hishabe Allae amare tumrar laḳan bin zati oḳlor gese faṭaisoin. Erlagi-u tan deoa kush-ḳobri tobligor mazdi ami imamotir ḳam ḳoriar, zate ou bin zati oḳol Allar Pak Ruhe fobitro oia tan dorbaro kobul oar zuka kurbani oin.

Injil 10: Ifisia 5:2

Al-Mosie zela amrare mohobbot ḳorsoin, tumra-o ola maya-mohobbotor fote solo. Tain amrare basaita ḳori nizor zanre kushboydar kurbani hishabe Allar name bilai disoin.

Injil 11: Filifia 2:17

Huno, ze imanor kurbanir mazdi tumra Allar ebadot ḳorrae, er ufre zudi amar nizor loure kurbani hishabe ḍali deoa oy, ta-o ami kush asi, tumrare loia kushi korram.

Injil 11: Filifia 4:18

Amar hoḳol faona-u ami failisi. Ashole amar zotoḳan zorur, er saite-o beshi ase. Usaid bair at taki tumrar ufohar faia oḳon amar bout oise. Ou ufohar to Allai kushboy-ala, Allar dorbaro kobul oar zuka kurbani. Alla Pak itae kushi oin.