ꠔꠃꠞꠣꠔ ৩: ꠟꠦꠛꠤꠀꠘ 2:3 - Siloṭi Asmani Kitab (Latin lipi)

³ Zalanir bade zotoḳan baki roibo, ita imam Harun ar tan fuainte faiba. Mabudor namor agunit deoa kurbanir ongsho oae, basi zaoa ou moyda to ḳas fobitro zinish.

Siloṭi Asmani Kitab (Nagri lipi)

³ ꠎꠣꠟꠣꠘꠤꠞ ꠛꠣꠖꠦ ꠎꠔꠈꠣꠘ ꠛꠣꠇꠤ ꠞꠁꠛ, ꠁꠔꠣ ꠁꠝꠣꠝ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠝꠣꠛꠥꠖꠞ ꠘꠣꠝꠞ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠋꠡ ꠅꠀꠄ, ꠛꠣꠌꠤ ꠎꠣꠅꠀ ꠅꠃ ꠝꠄꠖꠣ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ।

ছিলটি আছমানি কিতাব (বাংলা লিপি)

³ জালানির বাদে যতখান বাকি রইবো, ইতা ইমাম হারুন আর তান পুয়াইন্তে পাইবা। মাবুদর নামর আগুনিত দেওয়া কুরবানির অংশ অওয়ায়, বাচি যাওয়া অউ ময়দা তো খাছ পবিত্র জিনিস।

ꠔꠃꠞꠣꠔ ৩: ꠟꠦꠛꠤꠀꠘ 2:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:37

Kurbani kanare fak-fobitro ḳorar lagi shatdin bora kurbani dia, guna mafir kofora adae ḳoria fak-fobitro ḳorio. Teu i kurbani kana eḳ moha-fobitro zaga oibo. Zekunu zinish i kurbani kanat soaile, ita fak-fobitro oizibo.

ꠔꠃꠞꠣꠔ ৩: ꠟꠦꠛꠤꠀꠘ 10:15

Ou kurbanir foshur sorbi zebla ana oibo, ou shomoy dulona kurbanir lagi sina ar ranor gust-o ana lagbo. Mabudor hukum mafik ou ran ar sinar gust tumi ar tumar fua-fuṛintor siroḳalin faona.”

ꠔꠃꠞꠣꠔ ৩: ꠟꠦꠛꠤꠀꠘ 14:13

Bade fobitro Kaba goror shimanar ze zagat gunar koforar kurbani ar zalail kurbanir foshu zobo ḳora oy, hou zagat ou foshure-o zobo ḳorba. Gunar koforar kurbanir laḳan dush-ḳosurir koforar kurbanir gust-o imam sabe faiba, ita to ḳas fobitro gust.

ꠔꠃꠞꠣꠔ ৩: ꠟꠦꠛꠤꠀꠘ 2:10

Ou ongsho zalaia harle bad-baki zeta roibo, ita hoḳolta imam Harun ar tan fuainte faiba. Mabudor name agunit deoa kurbanir ongsho oae, basi zaoa ou sodgar ruṭi to ḳas fobitro zinish.

ꠔꠃꠞꠣꠔ ৩: ꠟꠦꠛꠤꠀꠘ 21:22

Oile ou kurbanir ḳani kaoa tar lagi zaiz, ita fobitro ba ḳas-fobitro oile-o zaiz ase.

ꠔꠃꠞꠣꠔ ৩: ꠟꠦꠛꠤꠀꠘ 5:13

He ze oforad ḳorse, otar mafir lagi imame ola kofora adae ḳorba, teu tar gunar mafi faibo. Ar kurbani deoar bade i moydar zotoḳan roibo, dan-gomor sodgar laḳan ita hoḳolta imame faiba.”

ꠔꠃꠞꠣꠔ ৩: ꠟꠦꠛꠤꠀꠘ 6:26

Ze imame ou kurbani adae ḳorba, ein ou gust ḳaiba. Milon-tambur uṭano fobitro zagat ou gust ḳaite oibo.

ꠔꠃꠞꠣꠔ ৩: ꠟꠦꠛꠤꠀꠘ 6:9

“Tumi Harun ar tar fuaintore hikai deo, zalail kurbani adae ḳorar musla oilo, kurbanir foshu fozor forzonto hara rait kurbani kanar agunir ufre roibo, ar aguino zalail roibo.

ꠔꠃꠞꠣꠔ ৩: ꠟꠦꠛꠤꠀꠘ 7:7

“Gunar koforar kurbani ar dush-ḳosurir koforar kurbanir niom-ḳanun to eḳoi nomunar. Ze imam sabe ou koforar kurbanire adae ḳorba, ein ou gust faiba.

ꠔꠃꠞꠣꠔ ৩: ꠟꠦꠛꠤꠀꠘ 7:9

Luaṛit, taoat ba tunduri undalo hedia ana dan-gomor sodgar ruṭi kali hou imame faiba, zein i sodga adae ḳorsoin.

ꠔꠃꠞꠣꠔ ৪: ꠡꠥꠝꠣꠞꠤ 18:9

Ḳas fobitro kurbanir ze ongsho aguino zalani lagto nae, ou baṭo tumra niogi. Te dan-gomor sodga, gunar koforar kurbani, ar dush-ḳosurir koforar kurbanir lagi Boni Israile amar gese zotota loia aiba, ita tumi ar tumar oarish oḳlor faona hok.