ꠔꠃꠞꠣꠔ ৩: ꠟꠦꠛꠤꠀꠘ 2:12 - Siloṭi Asmani Kitab (Latin lipi)

¹² Ta-o ḳetor foyla foy-fosholor sodgar loge tumra mou ba ḳamir Mabudor name ditae farbae, oile dumar geran ala sodgar niote ḳamir ba mou kurbani kanat zalail zaito nae.

Siloṭi Asmani Kitab (Nagri lipi)

¹² ꠔꠣ-ꠅ ꠈꠦꠔꠞ ꠙꠄꠟꠣ ꠚꠄ-ꠚꠡꠟꠞ ꠍꠖꠉꠣꠞ ꠟꠉꠦ ꠔꠥꠝꠞꠣ ꠝꠃ ꠛꠣ ꠈꠣꠝꠤꠞ ꠝꠣꠛꠥꠖꠞ ꠘꠣꠝꠦ ꠖꠤꠔꠣꠄ ꠙꠣꠞꠛꠣꠄ, ꠅꠁꠟꠦ ꠗꠥꠝꠣꠞ ꠊꠦꠞꠣꠘ ꠀꠟꠣ ꠍꠖꠉꠣꠞ ꠘꠤꠅꠔꠦ ꠈꠣꠝꠤꠞ ꠛꠣ ꠝꠃ ꠇꠥꠞꠛꠣꠘꠤ ꠈꠣꠘꠣꠔ ꠎꠣꠟꠣꠁꠟ ꠎꠣꠁꠔ ꠘꠣꠄ।

ছিলটি আছমানি কিতাব (বাংলা লিপি)

¹² তা-ও খেতর পয়লা ফয়-ফসলর ছদগার লগে তুমরা মউ বা খামির মাবুদর নামে দিতায় পারবায়, অইলে ধুমার ঘেরান আলা ছদগার নিয়তে খামির বা মউ কুরবানি খানাত জালাইল যাইতো নায়।

ꠔꠃꠞꠣꠔ ৩: ꠟꠦꠛꠤꠀꠘ 2:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 23:17

Ou laḳan Momri ṭaunor gese Moḳfelat Ifrunor ze zomin asil hou zomin ar honor guha ar zominor sairobae zoto gas-gasali asil,

ꠔꠃꠞꠣꠔ ২: ꠢꠤꠎꠞꠔ 22:29

“Tumrar ḳetor foshol ba anguror shorbotor ze baṭ amare dibar ḳota, amar i baṭ dite deri korio na. Tumra hoḳlor boṛo fuain amare dilaibae.

ꠔꠃꠞꠣꠔ ২: ꠢꠤꠎꠞꠔ 23:19

Tumrar ḳetor hoḳol taki bala foshol, tumrar Mabud Allar goro anio. “Ar huno, kunu sagolor baichchar gust tar maʼr dud dia randio na.

ꠔꠃꠞꠣꠔ ২: ꠢꠤꠎꠞꠔ 34:22

“Ou tino id tumra manio, Fonchaisha Id, ḳetor foyla daoa gom dia Noya Fosholor Id, ar bosoror hesh masho baganor faḳna fol baṛit ania Ḍera-goror Id adae ḳorio.

ꠔꠃꠞꠣꠔ ৩: ꠟꠦꠛꠤꠀꠘ 23:10

“Tumi Boni Israilre zanai deo, ami Mabude tumrare ze desh oḳlor malikana diram, hono gia harle tumra zotobar zominor foshol daibae, otobar ḳetor foyla ḳaṭa ekkan muiṭ loia imam sabor gese zaio.

ꠔꠃꠞꠣꠔ ৩: ꠟꠦꠛꠤꠀꠘ 23:17

Tumra nizor baṛi taki Mabudor name dulona kurbani dibar niote ḳetor foyla foshol taki kisu foshol anio. Tumra sair sher moydadi banail ḳamir furail dukan nan ruṭi anio.

ꠔꠃꠞꠣꠔ ৩: ꠟꠦꠛꠤꠀꠘ 7:13

Shukria adae ḳorar kiale salamoti kurbanir zinishor loge ḳamir ala tuṛa ruṭi-o anbo.

ꠔꠃꠞꠣꠔ ৪: ꠡꠥꠝꠣꠞꠤ 15:20

Tumrar ḳetor foyla daoa fosholor moyda dia ekkan ruṭi banaia amar name sodga dibae. Girost-baṛir sodgar laḳan dibae.

ꠔꠃꠞꠣꠔ ৪: ꠡꠥꠝꠣꠞꠤ 18:12

“Boni Israile tarar ḳetor hoḳol taki bala ze tel, noya anguror shorbot ar fosholor ze ongsho Mabudor name sodga diba, ita hokkolta ami tumare dilailam.

Injil 7: 1-Korintia 15:20

Oile asol ḳota oilo, al-Mosire to hasau murda taki zinda ḳora oise. Tain-u foyla foshol, murda taki zoto zonre zinda ḳora oibo, erar maze tanre-u foyla zinda ḳora oise.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:10

Erlagi O amrar Mabud, tumar deoa zominor fosholor foyla baṭ loia ami tumar samne azir oisi. Oḳan ḳoia, tumrar Mabud Allar samne ou ṭukri toio, toia tanre soizda ḳorio.

Injil 27: Zaira Kalam 14:4

Era to hou manush, zera kunu beṭintor loge zina ḳoria nizor ḳayare nafak banaise na. Ou meṛa-baichcha ze zagat zain, tara-o en ḳore ḳore roin. Alla ar meṛa-baichchar name ḳetor foyla foshol hishabe erare zogotor manshor ges taki kalas ḳora oisil.