ꠔꠃꠞꠣꠔ ৩: ꠟꠦꠛꠤꠀꠘ 2:11 - Siloṭi Asmani Kitab (Latin lipi)

¹¹ “Ar huno, Mabudor name dan-gomor sodgar niote zotota ana oibo, ita hoḳolta-u zanu ḳamir saṛa tiar ḳora oy. Hushiar roio, tumra Mabudor namor agunit deoa lilla-sodgar malor loge kunu ḳamir ba mou zalaio na.

Siloṭi Asmani Kitab (Nagri lipi)

¹¹ “ꠀꠞ ꠢꠥꠘꠅ, ꠝꠣꠛꠥꠖꠞ ꠘꠣꠝꠦ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠔꠦ ꠎꠔꠔꠣ ꠀꠘꠣ ꠅꠁꠛ, ꠁꠔꠣ ꠢꠇꠟꠔꠣꠃ ꠎꠣꠘꠥ ꠈꠣꠝꠤꠞ ꠍꠣꠠꠣ ꠔꠤꠀꠞ ꠇꠞꠣ ꠅꠄ। ꠢꠥꠡꠤꠀꠞ ꠞꠁꠅ, ꠔꠥꠝꠞꠣ ꠝꠣꠛꠥꠖꠞ ꠘꠣꠝꠞ ꠀꠉꠥꠘꠤꠔ ꠖꠦꠅꠀ ꠟꠤꠟ꠆ꠟꠣ-ꠍꠖꠉꠣꠞ ꠝꠣꠟꠞ ꠟꠉꠦ ꠇꠥꠘꠥ ꠈꠣꠝꠤꠞ ꠛꠣ ꠝꠃ ꠎꠣꠟꠣꠁꠅ ꠘꠣ।

ছিলটি আছমানি কিতাব (বাংলা লিপি)

¹¹ “আর হুনো, মাবুদর নামে ধান-গমর ছদগার নিয়তে যততা আনা অইবো, ইতা হকলতাউ যানু খামির ছাড়া তিয়ার করা অয়। হুশিয়ার রইও, তুমরা মাবুদর নামর আগুনিত দেওয়া লিল্লা-ছদগার মালর লগে কুনু খামির বা মউ জালাইও না।

ꠔꠃꠞꠣꠔ ৩: ꠟꠦꠛꠤꠀꠘ 2:11 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 23:18

“Tumra zebla amar name foshu kurbani deo, ou shomoy ḳamir ala kunuzat ruṭi itar loge furaia lilla dio na. Idor shomoy amar name zeta foshu kurbani dibae, itar sorbiala ṭukrain bian forzonto rakio na.

ꠔꠃꠞꠣꠔ ২: ꠢꠤꠎꠞꠔ 29:25

Ar ota tarar at taki nia, Mabudor samne kurbani kanar ufre, hou zalail kurbanir ufre zalailibae. Iṭa oilo Mabudor name agunit deoa sodga. Itar dumar gerane Mabud kushi oin.”

ꠔꠃꠞꠣꠔ ২: ꠢꠤꠎꠞꠔ 34:25

“Amar namor kurbanir foshur loge tumra ḳamir ala kunta lilla-kurbani dio na. Azadi Idor kurbanir kunuzat ḳani bian forzonto rakio na.

ꠔꠃꠞꠣꠔ ৩: ꠟꠦꠛꠤꠀꠘ 1:13

Kurbani deorae iṭar ṭeng, feṭor bitoror hokkolta fani dia doia saf ḳoria diba, ar imam sabe ita hokkolta shomet asta foshure kurbani kanar ufre zalailiba. Iṭa oilo zalail kurbani, Mabudor name agunit deoa geran ala kurbani, ou dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 6:10

Biani bala imam sabe suti kafoṛdi banail haf-penṭor laḳan nizor zangiaḳan ar tan imamotir baki hoḳol sutir lebas findiba. Findia kurbanir foshu zalanir sali tulia nia kurbani kanar ḳandat toiba.

ꠁꠘ꠆ꠎꠤꠟ ১: ꠝꠕꠤ 16:6

Isae tarare ḳoila, “Tumra shabdan o, Forishi ar Siddekia dolor ḳamir taki hushiar roio.”

Injil 2: Markus 8:15

Ou shomoy Isae ḳoila, “Tumitain hushiar o, Raza Herud ar Forishi mozobor ḳamir taki hushiar roio.”

Injil 3: Luk 12:1

Ou shomoy azar azar manush dola oigela, tara ṭelaṭeli kori eḳe-oinnor ufre foṛla. Isae foyla tan sahabi oḳolre ḳoila, “Tumra Forishi mozobor ḳamir taki hushiar roio, ou ḳamir oilo tarar bonḍami.

Injil 3: Luk 21:34

“Tumra nize hushiar roio, zate mozar mozar ḳani, mod ḳaia ṭal oa ar ruzi-ruzgaror neshae aula-zaula na o, arnae hou din aia aḳta-u tumrare fando haraito fare.

Injil 5: Sahabi Nama 14:22

hono gia tara mumin oḳlor imani bol baṛaia tarare imane mozbut roar lagi tagid dila, tara ḳoila, bout duk-toklifor fot faroia amra Allar bashshait hamani lagbo.

Injil 9: Galatia 5:9

Zano ni, eḳ fuṭa senae eḳ balti dudre borbad ḳorilae.

ꠁꠘ꠆ꠎꠤꠟ ২১: ১-ꠙꠤꠔꠞ 4:2

Erlagi he zotodin duniat ase, otodin bod ḳaishe na solia ḳali Allai munshae zindegi kaṭae.