ꠔꠃꠞꠣꠔ ৩: ꠟꠦꠛꠤꠀꠘ 2:10 - Siloṭi Asmani Kitab (Latin lipi)

¹⁰ Ou ongsho zalaia harle bad-baki zeta roibo, ita hoḳolta imam Harun ar tan fuainte faiba. Mabudor name agunit deoa kurbanir ongsho oae, basi zaoa ou sodgar ruṭi to ḳas fobitro zinish.

Siloṭi Asmani Kitab (Nagri lipi)

¹⁰ ꠅꠃ ꠅꠋꠡ ꠎꠣꠟꠣꠁꠀ ꠢꠣꠞꠟꠦ ꠛꠣꠖ-ꠛꠣꠇꠤ ꠎꠦꠔꠣ ꠞꠁꠛ, ꠁꠔꠣ ꠢꠇꠟꠔꠣ ꠁꠝꠣꠝ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠋꠡ ꠅꠀꠄ, ꠛꠣꠌꠤ ꠎꠣꠅꠀ ꠅꠃ ꠍꠖꠉꠣꠞ ꠞꠥꠐꠤ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ।

ছিলটি আছমানি কিতাব (বাংলা লিপি)

¹⁰ অউ অংশ জালাইয়া হারলে বাদ-বাকি যেতা রইবো, ইতা হকলতা ইমাম হারুন আর তান পুয়াইন্তে পাইবা। মাবুদর নামে আগুনিত দেওয়া কুরবানির অংশ অওয়ায়, বাচি যাওয়া অউ ছদগার রুটি তো খাছ পবিত্র জিনিস।

ꠔꠃꠞꠣꠔ ৩: ꠟꠦꠛꠤꠀꠘ 2:10 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 10:12

Bade Harun ar tan baki duio fua Ali-Azor ar Isamarre Musae ḳoila, “Mabudor name agunit deoa kurbanir logor dan-gomor sodgar ze ongsho baki roise, ota dia ḳamir saṛa ruṭi banaia kurbani kanar ḳandat nia tumra ḳaio. Ita to ḳas fobitro zinish.

ꠔꠃꠞꠣꠔ ৩: ꠟꠦꠛꠤꠀꠘ 14:13

Bade fobitro Kaba goror shimanar ze zagat gunar koforar kurbani ar zalail kurbanir foshu zobo ḳora oy, hou zagat ou foshure-o zobo ḳorba. Gunar koforar kurbanir laḳan dush-ḳosurir koforar kurbanir gust-o imam sabe faiba, ita to ḳas fobitro gust.

ꠔꠃꠞꠣꠔ ৩: ꠟꠦꠛꠤꠀꠘ 2:3

Zalanir bade zotoḳan baki roibo, ita imam Harun ar tan fuainte faiba. Mabudor namor agunit deoa kurbanir ongsho oae, basi zaoa ou moyda to ḳas fobitro zinish.

ꠔꠃꠞꠣꠔ ৩: ꠟꠦꠛꠤꠀꠘ 21:22

Oile ou kurbanir ḳani kaoa tar lagi zaiz, ita fobitro ba ḳas-fobitro oile-o zaiz ase.

ꠔꠃꠞꠣꠔ ৩: ꠟꠦꠛꠤꠀꠘ 5:13

He ze oforad ḳorse, otar mafir lagi imame ola kofora adae ḳorba, teu tar gunar mafi faibo. Ar kurbani deoar bade i moydar zotoḳan roibo, dan-gomor sodgar laḳan ita hoḳolta imame faiba.”

ꠔꠃꠞꠣꠔ ৩: ꠟꠦꠛꠤꠀꠘ 6:16

Sodgar malor bad-baki ongsho imam Harun ar tar fuainte ḳaiba. Tara itar maze kunu ḳamir na mishaia ruṭi banaiba, banaia Milon-tambur uṭano kunu pak zagat boia ḳaiba.

ꠔꠃꠞꠣꠔ ৩: ꠟꠦꠛꠤꠀꠘ 6:23

Imam oḳlor nizor deoa dan-gomor sodgar hokkolta zalailite oibo, ita ḳaoar kunu hukum nae.”

ꠔꠃꠞꠣꠔ ৩: ꠟꠦꠛꠤꠀꠘ 6:9

“Tumi Harun ar tar fuaintore hikai deo, zalail kurbani adae ḳorar musla oilo, kurbanir foshu fozor forzonto hara rait kurbani kanar agunir ufre roibo, ar aguino zalail roibo.

ꠔꠃꠞꠣꠔ ৩: ꠟꠦꠛꠤꠀꠘ 7:7

“Gunar koforar kurbani ar dush-ḳosurir koforar kurbanir niom-ḳanun to eḳoi nomunar. Ze imam sabe ou koforar kurbanire adae ḳorba, ein ou gust faiba.

ꠔꠃꠞꠣꠔ ৪: ꠡꠥꠝꠣꠞꠤ 18:9

Ḳas fobitro kurbanir ze ongsho aguino zalani lagto nae, ou baṭo tumra niogi. Te dan-gomor sodga, gunar koforar kurbani, ar dush-ḳosurir koforar kurbanir lagi Boni Israile amar gese zotota loia aiba, ita tumi ar tumar oarish oḳlor faona hok.