ꠔꠃꠞꠣꠔ ৩: ꠟꠦꠛꠤꠀꠘ 19:4 - Siloṭi Asmani Kitab (Latin lipi)

⁴ Tumra kunuzator deb-debir puja ḳorio na, puja ḳorar niote format ḍalia shuna-rufa, fitol-tamadi kunu deb-debir murti-o banaio na. Mono rakio, ami Alla-u tumrar Mabud.

Siloṭi Asmani Kitab (Nagri lipi)

⁴ ꠔꠥꠝꠞꠣ ꠇꠥꠘꠥꠎꠣꠔꠞ ꠖꠦꠛ-ꠖꠦꠛꠤꠞ ꠙꠥꠎꠣ ꠇꠞꠤꠅ ꠘꠣ, ꠙꠥꠎꠣ ꠇꠞꠣꠞ ꠘꠤꠅꠔꠦ ꠚꠞ꠆ꠝꠣꠔ ꠓꠣꠟꠤꠀ ꠡꠥꠘꠣ-ꠞꠥꠙꠣ, ꠙꠤꠔꠟ-ꠔꠣꠝꠣꠖꠤ ꠇꠥꠘꠥ ꠖꠦꠛ-ꠖꠦꠛꠤꠞ ꠝꠥꠞ꠆ꠔꠤꠅ ꠛꠣꠘꠣꠁꠅ ꠘꠣ। ꠝꠘꠅ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ।

ছিলটি আছমানি কিতাব (বাংলা লিপি)

⁴ তুমরা কুনুজাতর দেব-দেবীর পুজা করিও না, পুজা করার নিয়তে ফর্মাত ঢালিয়া সোনা-রুপা, পিতল-তামাদি কুনু দেব-দেবীর মুর্তিও বানাইও না। মনো রাখিও, আমি আল্লাউ তুমরার মাবুদ।

ꠔꠃꠞꠣꠔ ৩: ꠟꠦꠛꠤꠀꠘ 19:4 Iomraidhean Croise

ꠎꠛꠥꠞ ꠡꠞꠤꠚ 96:5

zati oḳlor deb-debi to beḳama futul ḳali, Mabude-u banaisoin hoḳol asman monḍoli.

ꠔꠃꠞꠣꠔ ২: ꠢꠤꠎꠞꠔ 20:23

Erlagi ebadot ḳorar niote, amar bodla dusra kunuzat devta banaio na. Tumra shuna ba rufadi-o nizor kunu deb-debi banaio na.

ꠔꠃꠞꠣꠔ ২: ꠢꠤꠎꠞꠔ 32:4

Manshe zeta shuna ania dila, Harune ota nia aguindi golaia, hunaror atiardi eḳ basuror murti banaila. Ogu dekia Boni Israile ḳoila, “Bai oḳol, ou ein-u tumrar devta, zein tumrare Mishor desh taki bar ḳori anchoin.”

ꠔꠃꠞꠣꠔ ২: ꠢꠤꠎꠞꠔ 34:17

“Tumra nizor lagi kunuzator murti banaio na.

ꠔꠃꠞꠣꠔ ৩: ꠟꠦꠛꠤꠀꠘ 11:44

Mono rakio, ami Alla-u tumrar Mabud. Amar niote tumra nizore fak-fobitro rakio. Zano to, ami nize-o fobitro. Erlagi maṭit solra kunu huru-muru zandaror lagi tumra nizore nafak banaio na.

ꠔꠃꠞꠣꠔ ৩: ꠟꠦꠛꠤꠀꠘ 19:25

Fas nombor bosor taki ou gasor fol tumrar lagi halal. Ita manle tumrar gaso bout fol aibo. Mono rakio, ami Alla-u tumrar Mabud.

ꠔꠃꠞꠣꠔ ৩: ꠟꠦꠛꠤꠀꠘ 19:5

“Tumra zebla nizor kushie Mabudor name kunu salamoti kurbani deo, ou shomoy ola bab loia dio, zate Mabudor dorbaro ita kobul oy.

ꠔꠃꠞꠣꠔ ৩: ꠟꠦꠛꠤꠀꠘ 26:1

“Tumra kunu nomunar deb-debir murti banaio na. Laḳṛidi banail murti, ba kunuzat fattorre devta hishabe boail ḳorio na. Pujar niote fattor kudia banail kunuzat murti tumrar deshor maze rakio na. Mono rakio, ami Alla-u tumrar Mabud.

Injil 7: 1-Korintia 10:14

O mayar dust oḳol, erlagi ami tumrare ḳoiram, deb-debir puja taki zan basao.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 27:15

“Ze manshe laḳṛi ba fattor kudia, shuna-rufa ba fitol golaia kunu murti banae, ar puja ḳorar niote ogure nia lukail zagat toy, he to lannoti. I murtire to Mabude gin ḳoroin, ita ḳali kamaror ator ḳam. Ikan hunia hoḳole ḳoio, Amin.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:16

zate kunu murti na banao, be-foti bonia puja ḳorar kiale kunu beṭa ba beṭir surote murti banaio na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:25

“Tumra itar murti oḳolre agunit falaia zalailio. Tarar gotror shuna-rufar bae lalos ḳorio na, arnae fando foṛbae. Mono rakio, tumrar Mabud Allae itare ginnain.

Injil 23: 1-Hannan 5:21

O sabal oḳol, hoḳol nomunar murtipuja taki basia ro. Amin.