ꠔꠃꠞꠣꠔ ৩: ꠟꠦꠛꠤꠀꠘ 19:10 - Siloṭi Asmani Kitab (Latin lipi)

¹⁰ Angur ḳetor angur faṛibar ḳalo, tole falail angur tubaia tulio na, ar hoḳol angur saf ḳori faṛia nio na. Shomazor gorib-duki ar bideshi musafiror lagi ita kisu toia zaio. Ami Alla-u to tumrar Mabud.

Siloṭi Asmani Kitab (Nagri lipi)

¹⁰ ꠀꠋꠉꠥꠞ ꠈꠦꠔꠞ ꠀꠋꠉꠥꠞ ꠙꠣꠠꠤꠛꠣꠞ ꠇꠣꠟꠅ, ꠔꠟꠦ ꠚꠣꠟꠣꠁꠟ ꠀꠋꠉꠥꠞ ꠔꠥꠛꠣꠁꠀ ꠔꠥꠟꠤꠅ ꠘꠣ, ꠀꠞ ꠢꠇꠟ ꠀꠋꠉꠥꠞ ꠍꠣꠚ ꠇꠞꠤ ꠙꠣꠠꠤꠀ ꠘꠤꠅ ꠘꠣ। ꠡꠝꠣꠎꠞ ꠉꠞꠤꠛ-ꠖꠥꠈꠤ ꠀꠞ ꠛꠤꠖꠦꠡꠤ ꠝꠥꠍꠣꠚꠤꠞꠞ ꠟꠣꠉꠤ ꠁꠔꠣ ꠇꠤꠍꠥ ꠕꠁꠀ ꠎꠣꠁꠅ। ꠀꠝꠤ ꠀꠟ꠆ꠟꠣꠃ ꠔ ꠔꠥꠝꠞꠣꠞ ꠝꠣꠛꠥꠖ।

ছিলটি আছমানি কিতাব (বাংলা লিপি)

¹⁰ আংগুর খেতর আংগুর পাড়িবার কালো, তলে ফালাইল আংগুর তুবাইয়া তুলিও না, আর হকল আংগুর ছাফ করি পাড়িয়া নিও না। সমাজর গরিব-দুখি আর বিদেশি মুছাফিরর লাগি ইতা কিছু থইয়া যাইও। আমি আল্লাউ তো তুমরার মাবুদ।

ꠔꠃꠞꠣꠔ ৩: ꠟꠦꠛꠤꠀꠘ 19:10 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 11:44

Mono rakio, ami Alla-u tumrar Mabud. Amar niote tumra nizore fak-fobitro rakio. Zano to, ami nize-o fobitro. Erlagi maṭit solra kunu huru-muru zandaror lagi tumra nizore nafak banaio na.

ꠔꠃꠞꠣꠔ ৩: ꠟꠦꠛꠤꠀꠘ 19:11

“Suri korio na, misa matio na, ar eḳe-oinne ṭogaṭogi korio na.

ꠔꠃꠞꠣꠔ ৩: ꠟꠦꠛꠤꠀꠘ 19:25

Fas nombor bosor taki ou gasor fol tumrar lagi halal. Ita manle tumrar gaso bout fol aibo. Mono rakio, ami Alla-u tumrar Mabud.

ꠔꠃꠞꠣꠔ ৩: ꠟꠦꠛꠤꠀꠘ 19:9

“Ḳetor foshol ḳaṭar shomoy tumra zominor ailor ḳandar foshol saf ḳoria ḳaṭio na, ar ḳaṭar bade zomino falail foshol luria nio na.

ꠔꠃꠞꠣꠔ ৩: ꠟꠦꠛꠤꠀꠘ 23:22

“Tumra zebla ḳetor foshol daibae, ou shomoy tumra zominor ailor ḳandar foshol saf ḳoria ḳaṭio na, ar daoar bade ou zomino falail foshol lurio na. Gorib-duki ar bideshi musafiror lagi ita toio. Mono rakio, ami Alla-u tumrar Mabud.”

ꠔꠃꠞꠣꠔ ৩: ꠟꠦꠛꠤꠀꠘ 25:6

Ziranir bosor zomino emne zeta folibo, ita to tumra nizor, tumrar gulam-bandir, tumrar deshor bin-deshi musafir, tumrar shomazor menoti kamla, hoḳol zator manshor,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 24:19

“Tumrar zominor dan ḳaṭar bade, danor kunu muiṭ fauria gelegi, iṭa anar lagi ar firot zaio na. Bideshi musafir, etim ar ṛaṛi beṭintor lagi iṭa dilaio, teu tumrar Mabud Allae tumrar hoḳol ḳam-ḳazo rohom-borkot diba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 24:20

Zoytun gasor fol faṛibar ḳalo eḳoi ḍalor fol duibar faṛio na. Eḳbar faṛar bade zeta roy, ita bideshi musafir, etim ar ṛaṛi beṭintor lagi toio.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 24:21

Tumrar angur baganor eḳ lot taki dui bar angur faṛio na, eḳbar faṛar bade zeta roy, ita bideshi musafir, etim ar ṛaṛi beṭintor lagi toi dio.