ꠔꠃꠞꠣꠔ ৩: ꠟꠦꠛꠤꠀꠘ 17:7 - Siloṭi Asmani Kitab (Latin lipi)

⁷ Ḳobordar! Tara zanu Mabudor loge beimani koria sagolrupi deo-butor name aiz taki ar kunu foshu boli na dey. Ou hukum ami tarar oarishor for oarish dori siroḳalor lagi zari korlam.

Siloṭi Asmani Kitab (Nagri lipi)

⁷ ꠈꠛꠞꠖꠣꠞ! ꠔꠣꠞꠣ ꠎꠣꠘꠥ ꠝꠣꠛꠥꠖꠞ ꠟꠉꠦ ꠛꠦꠁꠝꠣꠘꠤ ꠇꠞꠤꠀ ꠍꠣꠉꠟꠞꠥꠙꠤ ꠖꠦꠅ-ꠜꠥꠔꠞ ꠘꠣꠝꠦ ꠀꠁꠎ ꠕꠣꠇꠤ ꠀꠞ ꠇꠥꠘꠥ ꠙꠡꠥ ꠛꠟꠤ ꠘꠣ ꠖꠦꠄ। ꠅꠃ ꠢꠥꠇꠥꠝ ꠀꠝꠤ ꠔꠣꠞꠣꠞ ꠅꠀꠞꠤꠡꠞ ꠙꠞ ꠅꠀꠞꠤꠡ ꠗꠞꠤ ꠌꠤꠞꠇꠣꠟꠞ ꠟꠣꠉꠤ ꠎꠣꠞꠤ ꠇꠞꠟꠣꠝ।

ছিলটি আছমানি কিতাব (বাংলা লিপি)

⁷ খবরদার! তারা যানু মাবুদর লগে বেইমানি করিয়া ছাগলরুপি দেও-ভুতর নামে আইজ থাকি আর কুনু পশু বলি না দেয়। অউ হুকুম আমি তারার ওয়ারিশর পর ওয়ারিশ ধরি চিরকালর লাগি জারি করলাম।

ꠔꠃꠞꠣꠔ ৩: ꠟꠦꠛꠤꠀꠘ 17:7 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 22:19

“Kunu foshur loge ḳeu zina ḳorle, tare nisoy zane mara oibo.

ꠔꠃꠞꠣꠔ ২: ꠢꠤꠎꠞꠔ 22:20

“Ḳali Mabud saṛa dusra kuntar name zudi keu kunu boli-foshad dey, te tare-o shesh ḳorilte oibo.

ꠔꠃꠞꠣꠔ ২: ꠢꠤꠎꠞꠔ 27:21

Milon-tambur shahadot shondukor samne ze fordaḳan taḳbo, ou fordar bare Harun ar tar fuainte hainja taki fozor forzonto, Mabudor samne serag guin deḳa-huna ḳorba. Amar ou hukum zanu Boni Israile oarishor for oarish dori hor-hamesha amol ḳore.”

ꠔꠃꠞꠣꠔ ২: ꠢꠤꠎꠞꠔ 32:8

Ami tarare zela solar hukum dislam, tara ita bad dia nizor lagi eḳ basuror murti banaia, maṭit foṛia ogure fornam ḳorer. Ogur name tara foshu boli der ar ḳor, bai oḳol, ou ein-u tumrar devta, zein tumrare Mishor desh taki bar ḳori anchoin.”

ꠔꠃꠞꠣꠔ ২: ꠢꠤꠎꠞꠔ 34:15

“Hou deshor manshor loge kunuzat chukti korio na, arnae tara zebla shiriki kamor niote, tarar deb-debir samne nizore shofia diba, devtar name boli diba, ou shomoy tara tumrare-o daot diba ar tumra gia tarar ou bolir gust ḳaibae.

ꠔꠃꠞꠣꠔ ৩: ꠟꠦꠛꠤꠀꠘ 17:8

“Ar tumi tarare zanai deo, Boni Israilor kunu zon ba tarar maze boshot ḳorra kunu bin-deshie zudi zalail kurbani ba zekunu kurbani adae ḳore,

ꠔꠃꠞꠣꠔ ৩: ꠟꠦꠛꠤꠀꠘ 20:5

te ami nize ou naforman ar tar foribaror ḳeti korat lagizimu. Ami ogur nam ar ogur laḳan aro zeguinte ila naformani korbo, ota hokkolṭir nam Boni Israil shomaz taki miṭailimu. Era to amar loge beimani koria hou Mulok devtar ato nizore shofi dise.

ꠔꠃꠞꠣꠔ ৩: ꠟꠦꠛꠤꠀꠘ 3:17

Tumra bongshor for bongsho doria ou niom manio, zekunu zagat boshot ḳoro na ḳene kunudin sorbi ba lou ḳaio na, ita haram.”

Injil 4: Hannan 12:31

I zogotor manshor bisaror shomoy aichche, duniar munib Iblisor at taki oḳon ḳemota ḳaṛia neoa oibo.

Injil 4: Hannan 14:30

Ami tumrar loge ar beshi shomoy mattam nae, ḳaron duniar munib Iblis aior. Amar ufre tar kunu ḳemota nai.

Injil 7: 1-Korintia 10:20

Na, muṭe-u na. Ta-o bidormi oḳole zoto nomunar boli dein, ita deo-danob, but-ferotor name-u dein, Allar name nae. Te ami sai na, ou but-ferotor loge tumrar kunu ḳatir-dusti rouk.

Injil 8: 2-Korintia 4:4

Ou zogotor devta Iblise o-imandar oḳlor dilre anda banailise, zate tara kush-ḳobrir nur na deḳe. Ou kush-ḳobrir mazdi al-Mosir gourob zair oise, ar ou al-Mosi-u oila Allar obikol surot.

Injil 10: Ifisia 2:2

Zogotor babor maze foṛia tumra-o eḳ shomoy hou naformani ar gunar fote sola-fira ḳortae. Ze bod ruhu asmanor hoḳol taki shoktiala raza, hou bod ruhe naforman oḳlor bitre ḳam ḳore, ar tumra-o hou bod ruhur murid aslae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:16

Ar Mabude Musare ḳoila, “Huno, tumi to tumar baf-dadaintor gese aram ḳorat zairaegi, oile ou manush oḳol ze desho hamaira, hamanir tuṛa bade-u amar loge tarar oada-chuktire tara bongo ḳorba, tara amare bad dia honor deb-debir ato nizore shofi diba.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:17

Butor name boli dilo tanre saṛia, but to kunu Alla nae ta-o failo puja. Noya noya devta zeta ḳoydin taki sine, baf-dadar osin devta oḳon tara boze.

Injil 27: Zaira Kalam 9:20

Oile ou gozobor bade-o zeta manush zita roila, tara nizor ator banail murtipuja taki touba ḳorlo na. Tara nanan nomunar butor puja, ar zetae deḳoin na, hunoin na ba aṭa-sola ḳorta faroin na ota murtir puja ḳorat roila. Shuna, rufa, fitol, fattor ar laḳṛidi banail murtipujat roila.