ꠔꠃꠞꠣꠔ ৩: ꠟꠦꠛꠤꠀꠘ 17:6 - Siloṭi Asmani Kitab (Latin lipi)

⁶ Imam sabe foshu zobo ḳoria, Milon-tambur duaror gese Mabudor ze kurbani kana ase, hono ogur lou siṭai diba, ar foshur sorbire tain geran ala kurbani hishabe zalailiba, ou dumar gerane Mabud kushi oin.

Siloṭi Asmani Kitab (Nagri lipi)

⁶ ꠁꠝꠣꠝ ꠍꠣꠛꠦ ꠙꠡꠥ ꠎꠛ ꠇꠞꠤꠀ, ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠝꠣꠛꠥꠖꠞ ꠎꠦ ꠇꠥꠞꠛꠣꠘꠤ ꠈꠣꠘꠣ ꠀꠍꠦ, ꠢꠘꠅ ꠅꠉꠥꠞ ꠟꠃ ꠍꠤꠐꠣꠁ ꠖꠤꠛꠣ, ꠀꠞ ꠙꠡꠥꠞ ꠌꠞ꠆ꠛꠤꠞꠦ ꠔꠣꠁꠘ ꠊꠦꠞꠣꠘ ꠀꠟꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠎꠣꠟꠣꠁꠟꠤꠛꠣ, ꠅꠃ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ।

ছিলটি আছমানি কিতাব (বাংলা লিপি)

⁶ ইমাম ছাবে পশু জবো করিয়া, মিলন-তাম্বুর দুয়ারর গেছে মাবুদর যে কুরবানি খানা আছে, হনো অগুর লউ ছিটাই দিবা, আর পশুর চর্বিরে তাইন ঘেরান আলা কুরবানি হিসাবে জালাইলিবা, অউ ধুমার ঘেরানে মাবুদ খুশি অইন।

ꠔꠃꠞꠣꠔ ৩: ꠟꠦꠛꠤꠀꠘ 17:6 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:13

Bisalor feṭor bitoror at-boṛor sorbi, ḳoiljar logor maṭia, duio kiḍni ar er sorbi, kurbani kanar ufre nia zalailio.

ꠔꠃꠞꠣꠔ ২: ꠢꠤꠎꠞꠔ 29:18

Heshe i astagu kurbani kanar ufre nia zalailio. Ita oilo Mabudor name zalail kurbani, Mabudor niote agunit deoa geran ala sodga.

ꠔꠃꠞꠣꠔ ৩: ꠟꠦꠛꠤꠀꠘ 17:5

Boni Israile oḳon gau-geramor kula zagat zeta foshu kurbani dein, ou foshu zanu tara Mabudor samne Milon-tambur duaror gese ane. Ania imam sabor ato shomzaia salamoti kurbani hishabe ita Mabudor name dilae.

ꠔꠃꠞꠣꠔ ৩: ꠟꠦꠛꠤꠀꠘ 3:11

Imame ita nia kurbani kanar agunir ufre zalailiba, ita oilo Mabudor name agunit deoa kurbanir ḳani.

ꠔꠃꠞꠣꠔ ৩: ꠟꠦꠛꠤꠀꠘ 3:13

He ogur ḳolla atai dia, Milon-tambur duaror samne iṭare zobo ḳorbo, bade Harunor fuainte ogur lou nia kurbani kanar sairo galat siṭai diba.

ꠔꠃꠞꠣꠔ ৩: ꠟꠦꠛꠤꠀꠘ 3:16

Imame ita hoḳolta nia kurbani kanar ufre zalailiba, ita to agunit deoa kurbanir ḳani, itar dumar gerane Mabud kushi oin. “Mono rakio, kurbanir foshur hokkol sorbi oilo Mabudor.

ꠔꠃꠞꠣꠔ ৩: ꠟꠦꠛꠤꠀꠘ 3:2

Kurbani deorae ou foshur ḳolla ataia dia, Milon-tambur duaror samne iṭare zobo ḳorbo. Bade imam Harunor fuaintor mazor imam oḳole ogur lou nia kurbani kanar sairo galat siṭai diba.

ꠔꠃꠞꠣꠔ ৩: ꠟꠦꠛꠤꠀꠘ 3:5

Bade Harunor fuainte kurbani kanar ufre hazail daru ar kurbanir foshur ufre ita hoḳolta rakia eḳloge zalailiba. Ita to eḳ nomunar agunit deoa kurbani, itar dumar gerane Mabud kushi oin.

ꠔꠃꠞꠣꠔ ৩: ꠟꠦꠛꠤꠀꠘ 3:8

Kurbani deorae ou meṛar ḳolla atai dia, Milon-tambur duaror samne iṭare zobo ḳorbo. Bade imam Harunor fuaintor mazor imam oḳole ogur lou nia kurbani kanar sairo galat siṭai diba.

ꠔꠃꠞꠣꠔ ৩: ꠟꠦꠛꠤꠀꠘ 4:31

Ar salamoti kurbanir meṛar sorbir laḳan ogur hoḳol sorbi bar ḳoria kurbani kanar ufre zalailiba. Itar dumar gerane Mabud kushi oin. Ou nomunae imame hou zonor gunar kofora adae ḳorle, tar mafi milbo.

ꠔꠃꠞꠣꠔ ৪: ꠡꠥꠝꠣꠞꠤ 18:17

Oile gai-goru ba meṛa-sagolor foyla baichchare ḳalas ḳorai nite dio na, iguin to halal. Itare kurbani dia tumi kurbani kanar ufre lou siṭaia dio, ar sorbire agunit deoa kurbani hishabe zalaio. I kurbanir dumar gerane ami Mabud kushi oi.