ꠔꠃꠞꠣꠔ ৩: ꠟꠦꠛꠤꠀꠘ 13:3 - Siloṭi Asmani Kitab (Latin lipi)

³ Imam sabe tar samṛar ou zaga deḳba, hi zagar ruma zudi dola oizae, ar buza zae i bemar samṛar tolor gustor maze lagigese, te buzbae, ita nafak fosa-kusṭo bemar. Ila bemari deḳle imame tare nafak koia elan ḳorba.

Siloṭi Asmani Kitab (Nagri lipi)

³ ꠁꠝꠣꠝ ꠍꠣꠛꠦ ꠔꠣꠞ ꠌꠣꠝꠠꠣꠞ ꠅꠃ ꠎꠣꠉꠣ ꠖꠦꠈꠛꠣ, ꠢꠤ ꠎꠣꠉꠣꠞ ꠞꠥꠝꠣ ꠎꠥꠖꠤ ꠗꠟꠣ ꠅꠁꠎꠣꠄ, ꠀꠞ ꠛꠥꠎꠣ ꠎꠣꠄ ꠁ ꠛꠦꠝꠣꠞ ꠌꠣꠝꠠꠣꠞ ꠔꠟꠞ ꠉꠥꠡ꠆ꠔꠞ ꠝꠣꠎꠦ ꠟꠣꠉꠤꠉꠦꠍꠦ, ꠔꠦ ꠛꠥꠎꠛꠣꠄ, ꠁꠔꠣ ꠘꠣꠙꠣꠇ ꠙꠌꠣ-ꠇꠥꠡ꠆ꠑ ꠛꠦꠝꠣꠞ। ꠁꠟꠣ ꠛꠦꠝꠣꠞꠤ ꠖꠦꠈꠟꠦ ꠁꠝꠣꠝꠦ ꠔꠣꠞꠦ ꠘꠣꠙꠣꠇ ꠇꠁꠀ ꠄꠟꠣꠘ ꠇꠞꠛꠣ।

ছিলটি আছমানি কিতাব (বাংলা লিপি)

³ ইমাম ছাবে তার চামড়ার অউ জাগা দেখবা, হি জাগার রুমা যুদি ধলা অইযায়, আর বুজা যায় ই বেমার চামড়ার তলর গোস্তর মাজে লাগিগেছে, তে বুজবায়, ইতা নাপাক পচা-কুষ্ঠ বেমার। ইলা বেমারি দেখলে ইমামে তারে নাপাক কইয়া এলান করবা।

ꠔꠃꠞꠣꠔ ৩: ꠟꠦꠛꠤꠀꠘ 13:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:3

Bade tain Negeb taki horte horte Betel forzonto gela. Gia tain Betel ar Oy ṭaunor mazḳano fosla, ze zagat tain age tambu gaṛisla

ꠔꠃꠞꠣꠔ ৩: ꠟꠦꠛꠤꠀꠘ 10:10

Kunṭa haram ar kunṭa halal, kunṭa fak ar kunṭa nafak, ita buzia-hunia solio.

ꠔꠃꠞꠣꠔ ৩: ꠟꠦꠛꠤꠀꠘ 13:10

Imame deḳba, tar gotro kunu zagar samṛar ufre zudi dola oia fuli zae, ar honor ruma dola oizae, ou fula zagat ḳasa ga taḳe,

ꠔꠃꠞꠣꠔ ৩: ꠟꠦꠛꠤꠀꠘ 13:2

“Kunu manshor gotror samṛar kunu zaga zudi aḳta fuli zae, ba kunu kulosh uṭe ba kunuzat dag deḳa zae, ar mono shondoy oy zen, ita bade fosa-kusṭo bemar oito fare, te imam Harun ba tan fuaintor mazor kunu imamor gese tare loia zaibae.

ꠔꠃꠞꠣꠔ ৩: ꠟꠦꠛꠤꠀꠘ 13:20

Imame tare deḳba, hi bemar zudi samṛar tole gia gustor maze lagizae, ruma dola oizae, te iṭa to boronor zagat zonom loa fosa-kusṭo bemar, imame tare nafak koia elan ḳorba.

ꠔꠃꠞꠣꠔ ৩: ꠟꠦꠛꠤꠀꠘ 13:4

Oile tar samṛar maze ou dag zudi kali dola oy, ar ita samṛar tolor gustor maze na lage, onor ruma dola na oy, te imam sabe ou zonre shat din dori hoḳol manshor ges taki horai raḳba.

ꠔꠃꠞꠣꠔ ৩: ꠟꠦꠛꠤꠀꠘ 13:8

Imame hirbar deḳba, zudi ou bemar samṛar ufre aro baṛi zae, te buza zaibo, ita nafak fosa-kusṭo bemar, tain ere nafak koia elan ḳorba.

ꠔꠃꠞꠣꠔ ৩: ꠟꠦꠛꠤꠀꠘ 14:37

Tain zudi deḳoin, goror oalor kunu feuknir dag gia bitredi hamaise, ar ou dagor rong kosua ba lalṭi,

ꠔꠃꠞꠣꠔ ৩: ꠟꠦꠛꠤꠀꠘ 14:54

Te hoḳol laḳan fosa-kusṭo bemar, daud-ḳauzli,

ꠔꠃꠞꠣꠔ ৩: ꠟꠦꠛꠤꠀꠘ 14:56

gotror samṛat kulosh uṭa, boron ba kunu zator dagor befare ou laḳan hukum zanail oilo.

ꠔꠃꠞꠣꠔ ৩: ꠟꠦꠛꠤꠀꠘ 5:3

“Manshor shorilre zetae nafak korilae, shoril taki bar oil ou laḳan kunuta ḳeu zudi na zania soilae, te ita zanar bade he dushi oibo.

আছমানি কিতাব: মালাখি 2:7

Ashole imamor ḳam oilo Pak Kalam hefazote raḳa, zate manshe gia tan ges taki ou kalam talim ḳore. Imam oḳol to Alla Rabbul Alaminor foygambor.

ꠁꠘ꠆ꠎꠤꠟ ১: ꠝꠕꠤ 16:19

Tumar ato ami behesti bashshair sabi dimu, ou duniat tumi zetare nazaiz ḳoibae, ita Allar dorbaro nazaiz oizibo, ar tumi zetare zaiz ḳoibae, Allar dorbaro-o ita zaiz oizibo.”

Injil 4: Hannan 20:23

Huno, tumra zudi keure maf ḳori deo, te tar guna maf ḳora oibo, ar zudi maf na ḳoro, te tar gunar mafi milto nae.”

Injil 5: Sahabi Nama 20:28

Afnara zarzir befare hushiar oukka. Pak Ruhe afnarare zerar saloḳdar banaisoin, tarar befare hushiar oukka. Allae tan nizor zonredi zerare ḳorid ḳorsoin, hi zomatre furafur deḳa-huna ḳoroukka, zela raḳale tar meṛar falor deḳa-huna ḳore, imam oia afnara-o oula ḳoroukka.

Injil 6: Ruman 7:7

Oḳon amra ola ḳoitam fari ni, shoriote-u guna ḳorae? Nauzubilla, muṭe-u na! Asol ḳota oilo, shoriot na taḳle to ami buztam farlam na one, guna ki zinish. Shoriote zudi na ḳoito, lub-lalos ḳorio na, te lalos ḳorle kita oy, ita amra buzlam na one.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:20

I dolo asoin, Huminas ar Sikondor. Erlagi ami itare Iblisor ato shofi disi, zate tara buzta faroin, kufuri mat mata ṭik nae.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:13

Oile bonḍo ar ḳobis oḳol din din aro ḳaraf oibo. Tara nize-o be-fote solbo, ar aroḳzonre-o be-foti banaibo.

Injil 19: Ibrani 13:7

Huno, ze buzurg oḳole tumrare Allar kalam talim disoin, tarar ḳota iad ḳorio. Tarar zindegir halotor ḳota balamonte sinta ḳoria, tumra-o tarar laḳan imane mozbut o.

Injil 27: Zaira Kalam 2:23

Tair fua-fuṛinre-o ami marilimu. Teu hoḳol zomate zaniliba, ami to manshor dilor ar monor ḳobor raki. Ami amol-nama dekia tumra forteḳ zonor fol dimu.