ꠔꠃꠞꠣꠔ ৩: ꠟꠦꠛꠤꠀꠘ 12:8 - Siloṭi Asmani Kitab (Latin lipi)

⁸ Ar kurbanir lagi meṛa anar tofik zudi na taḳe, te dugu faro ba ḍufi faki anbo. Ermazor egu oibo zalail kurbani, ar dusraṭa gunar koforar kurbani. Ou nomunae imam sabe kurbani adae ḳoria taire nafaki taki basaiba, teu i beṭi pak-pakiza bonbo.

Siloṭi Asmani Kitab (Nagri lipi)

⁸ ꠀꠞ ꠇꠥꠞꠛꠣꠘꠤꠞ ꠟꠣꠉꠤ ꠝꠦꠠꠣ ꠀꠘꠣꠞ ꠔꠚꠤꠇ ꠎꠥꠖꠤ ꠘꠣ ꠕꠣꠇꠦ, ꠔꠦ ꠖꠥꠉꠥ ꠙꠣꠞꠅ ꠛꠣ ꠒꠥꠙꠤ ꠙꠣꠈꠤ ꠀꠘꠛ। ꠄꠞ ꠝꠣꠎꠞ ꠄꠉꠥ ꠅꠁꠛ ꠎꠣꠟꠣꠁꠟ ꠇꠥꠞꠛꠣꠘꠤ, ꠀꠞ ꠖꠥꠍꠞꠣꠐꠣ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ। ꠅꠃ ꠘꠝꠥꠘꠣꠄ ꠁꠝꠣꠝ ꠍꠣꠛꠦ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠀ ꠔꠣꠁꠞꠦ ꠘꠣꠙꠣꠇꠤ ꠕꠣꠇꠤ ꠛꠣꠌꠣꠁꠛꠣ, ꠔꠦꠃ ꠁ ꠛꠦꠐꠤ ꠙꠣꠇ-ꠙꠣꠇꠤꠎꠣ ꠛꠘꠛ।

ছিলটি আছমানি কিতাব (বাংলা লিপি)

⁸ আর কুরবানির লাগি মেড়া আনার তৌফিক যুদি না থাকে, তে দুগু পারো বা ডুপি পাখি আনবো। এরমাজর এগু অইবো জালাইল কুরবানি, আর দুছরাটা গুনার কফরার কুরবানি। অউ নমুনায় ইমাম ছাবে কুরবানি আদায় করিয়া তাইরে নাপাকি থাকি বাচাইবা, তেউ ই বেটি পাক-পাকিজা বনবো।

ꠔꠃꠞꠣꠔ ৩: ꠟꠦꠛꠤꠀꠘ 12:8 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 1:14

“Ar kunu faki dia zudi Mabudor namor ou zalail kurbani adae ḳorar kial oy, te kurbani deorae ḍufi faki ba faro loia aibo.

ꠔꠃꠞꠣꠔ ৩: ꠟꠦꠛꠤꠀꠘ 12:7

Teu imam sabe Mabudor samne ou kofora adae ḳoria lou zaoa bemar taki beṭire pak-pakiza ḳorba. Beṭintor goro fua ba fuṛir zonmor bade pak-pakiza oar lagi ou niom zari roilo.

ꠔꠃꠞꠣꠔ ৩: ꠟꠦꠛꠤꠀꠘ 13:1

Bade Mabude Musa ar Harunre ḳoila,

ꠔꠃꠞꠣꠔ ৩: ꠟꠦꠛꠤꠀꠘ 14:21

“Oile ou zon zudi gorib oy, ita hoḳolta anar tofik tar na taḳe, te dush-ḳosurir koforar kurbanir lagi kali egu meṛa-baichcha ante oibo, anle imame tar kofora adae ḳorar lagi oḳṭare kurbani dia dulaiba. Ar er logor dan-gomor sodga hishabe tar ana tel maḳail dui sher moyda, eḳ faoa tel

ꠔꠃꠞꠣꠔ ৩: ꠟꠦꠛꠤꠀꠘ 14:22

ar tar duiṭa ḍufi faki ba faro ante oibo, zela tar takkote kulae. Duio fakir mazor eḳṭa gunar koforar kurbanir lagi, ar eḳṭa zalail kurbanir lagi.

ꠔꠃꠞꠣꠔ ৩: ꠟꠦꠛꠤꠀꠘ 15:14

Bade aṭ dinor din he duiṭa ḍufi faki ba dugu faro loia Mabudor samne Milon-tambur duaror gese azir oia, imam sabor ato dite oibo.

ꠔꠃꠞꠣꠔ ৩: ꠟꠦꠛꠤꠀꠘ 15:15

Imame hou duiṭar egure dia gunar koforar kurbani, ar dusraṭa dia zalail kurbani adae ḳorba. Datu zaora beṭar nafaki horanir niote, imam sabe Mabudor samne ou nomunae tar kofora adae ḳorba.

ꠔꠃꠞꠣꠔ ৩: ꠟꠦꠛꠤꠀꠘ 15:29

Ar aṭ dinor din tai duiṭa ḍufi faki ba faro loia Milon-tambur duaror gese imam sabor daro zaibo.

ꠔꠃꠞꠣꠔ ৩: ꠟꠦꠛꠤꠀꠘ 4:26

Ar salamoti kurbanir foshur sorbir laḳan ogur hoḳol sorbire kurbani kanar ufre zalailiba. Ou laḳan imame hou shordaror gunar mafir lagi kofora adae ḳorle, tain mafi faiba.

ꠔꠃꠞꠣꠔ ৩: ꠟꠦꠛꠤꠀꠘ 5:11

“Ar zudi ou gunar koforar lagi duiṭa ḍufi faki ba faro anto na fare, te he dui sher moyda ante oibo. Ita gunar koforar kurbani oae itar ufre kunu tel ba loban-agor dio na.

ꠔꠃꠞꠣꠔ ৩: ꠟꠦꠛꠤꠀꠘ 5:7

“Ar he zudi meṛi ba sagi ante ofarog oy, te ou gunar zorimana babot duiṭa ḍufi faki ba faro ania Mabudor name dite oibo. Itar mazor egu oibo gunar koforar kurbani, ar dusraṭa zalail kurbani.

ꠁꠘ꠆ꠎꠤꠟ ১: ꠝꠕꠤ 21:12

Bade Zeruzalem aia tain fobitro Baytul-Mukaddoso hamaila. Hono Kaba goror shimanat zera ḳorid-bikir ḳarbari asil, itare ḳedai dila. Tain ṭeḳar baṭṭar ḳarbari oḳlor kesh bakso, ar ḍufi-faro besra oḳlor ashon ulṭaia falai dila.

Injil 8: 2-Korintia 8:9

Amrar Malik Isa al-Mosir rohom-niamotor ḳota to tumra zano-u, tain to Allai done doni asla, oile tumrar lagi gorib bonla, zate tain gorib bonar ḳarone tumra doni oitae faro.