ꠔꠃꠞꠣꠔ ৩: ꠟꠦꠛꠤꠀꠘ 10:6 - Siloṭi Asmani Kitab (Latin lipi)

⁶ Bade imam Harun ar tan fuain Ali-Azor ar Isamarre Musae ḳoila, “Tarar moutor duke tumra nizor sulre aula-zaula ḳorio na, ar finnor ḳafoṛ-sufoṛ fario na. Ita ḳorle tumra-o morbae, ar asta shomazor ufre Mabudor gozobi gusa lambo. Oile Mabude zerare aguindi zalai marsoin, tarar duke tumrar kuṭum-ḳesh mani bad-baki Boni Israile mattom-ahazari korta farba.

Siloṭi Asmani Kitab (Nagri lipi)

⁶ ꠛꠣꠖꠦ ꠁꠝꠣꠝ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ ꠀꠟꠤ-ꠀꠎꠞ ꠀꠞ ꠁꠍꠣꠝꠣꠞꠞꠦ ꠝꠥꠍꠣꠄ ꠇꠁꠟꠣ, “ꠔꠣꠞꠣꠞ ꠝꠃꠔꠞ ꠖꠥꠈꠦ ꠔꠥꠝꠞꠣ ꠘꠤꠎꠞ ꠌꠥꠟꠞꠦ ꠀꠃꠟꠣ-ꠎꠣꠃꠟꠣ ꠇꠞꠤꠅ ꠘꠣ, ꠀꠞ ꠚꠤꠘ꠆ꠘꠞ ꠇꠣꠙꠠ-ꠌꠥꠙꠠ ꠚꠣꠞꠤꠅ ꠘꠣ। ꠁꠔꠣ ꠇꠞꠟꠦ ꠔꠥꠝꠞꠣꠅ ꠝꠞꠛꠣꠄ, ꠀꠞ ꠀꠡ꠆ꠔꠣ ꠡꠝꠣꠎꠞ ꠃꠙꠞꠦ ꠝꠣꠛꠥꠖꠞ ꠉꠎꠛꠤ ꠉꠥꠍꠣ ꠟꠣꠝꠛ। ꠅꠁꠟꠦ ꠝꠣꠛꠥꠖꠦ ꠎꠦꠞꠣꠞꠦ ꠀꠉꠥꠁꠘꠖꠤ ꠎꠣꠟꠣꠁ ꠝꠣꠞꠍꠂꠘ, ꠔꠣꠞꠣꠞ ꠖꠥꠈꠦ ꠔꠥꠝꠞꠣꠞ ꠇꠥꠐꠥꠝ-ꠈꠦꠡ ꠝꠣꠘꠤ ꠛꠣꠖ-ꠛꠣꠇꠤ ꠛꠘꠤ ꠁꠍꠞꠣꠁꠟꠦ ꠝꠣꠔ꠆ꠔꠝ-ꠀꠢꠣꠎꠣꠞꠤ ꠇꠞꠔꠣ ꠙꠣꠞꠛꠣ।

ছিলটি আছমানি কিতাব (বাংলা লিপি)

⁶ বাদে ইমাম হারুন আর তান পুয়াইন আলি-আজর আর ইছামাররে মুছায় কইলা, “তারার মউতর দুখে তুমরা নিজর চুলরে আউলা-জাউলা করিও না, আর ফিন্নর কাপড়-চুপড় ফারিও না। ইতা করলে তুমরাও মরবায়, আর আস্তা সমাজর উপরে মাবুদর গজবি গুছা লামবো। অইলে মাবুদে যেরারে আগুইনদি জালাই মারছইন, তারার দুখে তুমরার কুটুম-খেশ মানি বাদ-বাকি বনি ইছরাইলে মাত্তম-আহাজারি করতা পারবা।

ꠔꠃꠞꠣꠔ ৩: ꠟꠦꠛꠤꠀꠘ 10:6 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 33:5

Ḳaron Mabude Musare ḳoisla, “Tumi Boni Israil oḳolre ḳo, tumra oilae gaṛteṛa-ekguia zat. Ami eḳ foloḳor lagi gele-o tumrare nifat ḳorilimu. Tumrar gotro taki hoḳol goyna-gaṭi kulilao, teu ami buzmu, tumrar lagi kita ḳortam.”

ꠔꠃꠞꠣꠔ ২: ꠢꠤꠎꠞꠔ 6:23

Ar Harune Aminadabor fuṛi Nahishor boin Ilishebare bia ḳorae, tan hurutta oila Nadab, Abihu, Ali-Azor ar Isamar.

ꠔꠃꠞꠣꠔ ৩: ꠟꠦꠛꠤꠀꠘ 13:45

“Ar ou laḳan fosa-kusṭo bemar ze manshor oibo, he fara-sira ḳafoṛ findite oibo. Tar matar sul aula-zaula roibo. Tar mukre hijabor laḳan ḳafoṛdi guria sillai sillai koibo, nafak, nafak.

ꠔꠃꠞꠣꠔ ৪: ꠡꠥꠝꠣꠞꠤ 1:53

Boni Israilor ufre zate Mabudor gozob na lame, erlagi Lebi kandanor manshe amar shahadot tambur faradari korar lagi amar goror sairo galabae tarar tambu ṭangaia roiba.”

ꠔꠃꠞꠣꠔ ৪: ꠡꠥꠝꠣꠞꠤ 14:6

Ar ze guia dole ou deshor hal-hokikot dekia aisla, tarar maz taki Nunor fua Iusa ar Zifunnir fua Kalute monor duke nizor gotror ḳafoṛ-sufoṛ siṛilla,

ꠔꠃꠞꠣꠔ ৪: ꠡꠥꠝꠣꠞꠤ 16:22

Oile Musa ar Harun soizdat foṛia ḳoila, “O Alla, tumi to hoḳol manshor bitre zan deo. Oḳon ḳali eḳzonor naformanir dae asta Boni Israilor ufre tumi gozob ḍalitae ni?”

ꠔꠃꠞꠣꠔ ৪: ꠡꠥꠝꠣꠞꠤ 18:5

Boni Israilor ufre ami zanu hirbar naraz na oi, erlagi ebadot ḳana ar kurbani kana deḳa-hunar bar tumrar ufre roibo.

ꠔꠃꠞꠣꠔ ৪: ꠡꠥꠝꠣꠞꠤ 20:25

Te Harun ar tar fua Ali-Azorre loia tumi Hur faṛor ufre uṭo.

ꠔꠃꠞꠣꠔ ৪: ꠡꠥꠝꠣꠞꠤ 5:18

Beṭire Mabudor samne uba ḳoria harle tain beṭir matar sul kulia diba, ar beṭir oforador hasa-misa zair oar lagi ana sodgar barlir moydare tair ato diba. Dia tan nizor ato loiba hou lannot ḍakia anar titta fani.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:9

Ma-bafore-o tulche na he tumar ufre, gunar shaza dise tar maʼr feṭor baire. Dabi saṛia shofi dise afon fua-fuṛi, zindegi kurbani dise tumar ain mani. Tumar kalam fara dise manche shoriot, oada-chukti mania solche, na ḳori kianot.