ꠔꠃꠞꠣꠔ ৩: ꠟꠦꠛꠤꠀꠘ 1:3 - Siloṭi Asmani Kitab (Latin lipi)

³ “Kurbani deorae zudi gorur fal taki zalail kurbani adae ḳorto sae, te furafur nikut egu bisal ante oibo. Ania Mabudre kushi korar niote ou bisalre Milon-tambur duaror gese loia aibo.

Siloṭi Asmani Kitab (Nagri lipi)

³ “ꠇꠥꠞꠛꠣꠘꠤ ꠖꠦꠅꠞꠣꠄ ꠎꠥꠖꠤ ꠉꠞꠥꠞ ꠙꠣꠟ ꠕꠣꠇꠤ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠔ ꠌꠣꠄ, ꠔꠦ ꠙꠥꠞꠣꠙꠥꠞ ꠘꠤꠈꠥꠔ ꠄꠉꠥ ꠛꠤꠍꠣꠟ ꠀꠘꠔꠦ ꠅꠁꠛ। ꠀꠘꠤꠀ ꠝꠣꠛꠥꠖꠞꠦ ꠈꠥꠡꠤ ꠇꠞꠣꠞ ꠘꠤꠅꠔꠦ ꠅꠃ ꠛꠤꠍꠣꠟꠞꠦ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠟꠁꠀ ꠀꠁꠛ।

ছিলটি আছমানি কিতাব (বাংলা লিপি)

³ “কুরবানি দেওরায় যুদি গরুর পাল থাকি জালাইল কুরবানি আদায় করতো চায়, তে পুরাপুর নিখুত এগু বিছাল আনতে অইবো। আনিয়া মাবুদরে খুশি করার নিয়তে অউ বিছালরে মিলন-তাম্বুর দুয়ারর গেছে লইয়া আইবো।

ꠔꠃꠞꠣꠔ ৩: ꠟꠦꠛꠤꠀꠘ 1:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:13

Ibrahime souk tuli saia deḳoin, tan ḳore eḳṭa dumba ar tar hing zongolor maze aṭki roise. Ou tain gia dumbaṭa ania, nizor fuar bodla zalail kurbani dila.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:2

Mabude formaila, “Tumar fuare, zare tumi oto mohobbot ḳoro, hou ḳas mayar fut Isʼhakre loia tumi Muria elaḳat zao. Hoḳano ze faṛor ḳota ami tumare ḳoimu, er ufre tare nia zalail kurbani deo.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:8

Tain zuaf dila, “Babare, kurbanir lagi Allae nize-u meṛa-baichcha zugaiba.” Ota matte matte tara aguai gela.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 8:20

Bade Nuhe Mabudor name ekkan kurbani kana banaila, ar forteḳ zator halal foshu-faki taki eḳ eḳṭa loia zobo ḳoria, zalaia kurbani dila.

ꠎꠛꠥꠞ ꠡꠞꠤꠚ 40:8

ogo amar Alla, ami kushi tumar morzi furone, hokkol hukum gata amar dilor bitre.

ꠔꠃꠞꠣꠔ ২: ꠢꠤꠎꠞꠔ 12:5

I baichcha oibo nikut, eḳ boros boyoshor faṭa baichcha oite oibo; tumra meṛa ba sagolor baichcha nitae farbae.

ꠔꠃꠞꠣꠔ ২: ꠢꠤꠎꠞꠔ 24:5

Bade tain Boni Israilor zuan oḳolre faṭaila ar tara Mabudor name bout zalail kurbani dila, ar bout bisal zobo ḳoria salamoti kurbani-o dila.

ꠔꠃꠞꠣꠔ ২: ꠢꠤꠎꠞꠔ 29:18

Heshe i astagu kurbani kanar ufre nia zalailio. Ita oilo Mabudor name zalail kurbani, Mabudor niote agunit deoa geran ala sodga.

ꠔꠃꠞꠣꠔ ২: ꠢꠤꠎꠞꠔ 29:4

Bade Harun ar tar fuaintore Milon-tambur duaror ḳasat ania, fanidi naoai dio.

ꠔꠃꠞꠣꠔ ২: ꠢꠤꠎꠞꠔ 29:42

“Oarishor for oarish dori Milon-tambur duaror gese, mani amar samne forteḳ din i zalail kurbani dite oibo. Hono ami tumrare didar dimu, tumar loge batchit ḳormu.

ꠔꠃꠞꠣꠔ ২: ꠢꠤꠎꠞꠔ 32:6

Teu bador din kub sobre uṭia manshe devtar samne aia mongol boli ar foshu zalaia boli dila. Bade tara ḳaoa-daoa ḳoria hari, hoi-hulla ḳori nas-gan, furti-amud ḳorat lagla.

ꠔꠃꠞꠣꠔ ২: ꠢꠤꠎꠞꠔ 35:21

Gia tarar dilor eshki mafik zarzir ichchae Allar Milon-tambu bananir lagi, imam Harunor fak-fobitro lebasor lagi ar ebadot ḳamor lagi hoḳol nomunar mal-samana loia aila. Allar name lilla dibar lagi ota loia tara azir oila.

ꠔꠃꠞꠣꠔ ২: ꠢꠤꠎꠞꠔ 35:29

Mabude Musar mazdi zeta zeta ḳorar hukum disla, ita fura ḳorar lagi Boni Israilor hoḳol beṭain-beṭinte, zarzir kushi mafik lilla loia azir oilo.

ꠔꠃꠞꠣꠔ ২: ꠢꠤꠎꠞꠔ 35:5

tumra zarzir dilor kushi mafik Mabudor name lilla loia ao. Anar shomoy oula siz oḳol lilla anio: shuna, rufa, fitol;

ꠔꠃꠞꠣꠔ ২: ꠢꠤꠎꠞꠔ 36:3

Tara aia fobitro ebadot ḳana bananir lagi, Boni Israilor deoa lillar hoḳol mal-samana Musar ges taki shomzia nila. Manshe kushi oia nizor ichchae forteḳ din biane aro siz oḳol ania ono lilla dita.

ꠔꠃꠞꠣꠔ ২: ꠢꠤꠎꠞꠔ 38:1

Zalail kurbanir lagi babla laḳṛidi fas at lamba, fas at fash ar tin at ubi dia sairkuni kori ekkan kurbani kana banaila.

ꠔꠃꠞꠣꠔ ৩: ꠟꠦꠛꠤꠀꠘ 1:10

“Ar kunu manshe zudi sagol-meṛar fal taki zalail kurbani adae ḳorar kiali oy, te ikṭa furafur nikut egu faṭa oite oibo.

ꠔꠃꠞꠣꠔ ৩: ꠟꠦꠛꠤꠀꠘ 14:10

“Bador din he furafur nikut duiṭa meṛa-baichcha ar eḳ bosoror egu meṛi loia aibo. Ar er logor dan-gomor sodgar niote he soy sher tel maḳail moyda ar eḳ faoa tel anbo.

ꠔꠃꠞꠣꠔ ৩: ꠟꠦꠛꠤꠀꠘ 16:7

Bade hou sagol duioṭa Milon-tambur duaror gese Mabudor samne anbo.

ꠔꠃꠞꠣꠔ ৩: ꠟꠦꠛꠤꠀꠘ 17:4

ou foshure he Mabudor Kaba goror samne, mani Milon-tambur duaror gese Mabudor name kurbanir niote zobo na ḳore, te he ou foshur kunor dayi oibo, erlagi shomaz taki tar nam miṭailibae.

ꠔꠃꠞꠣꠔ ৩: ꠟꠦꠛꠤꠀꠘ 17:8

“Ar tumi tarare zanai deo, Boni Israilor kunu zon ba tarar maze boshot ḳorra kunu bin-deshie zudi zalail kurbani ba zekunu kurbani adae ḳore,

ꠔꠃꠞꠣꠔ ৩: ꠟꠦꠛꠤꠀꠘ 17:9

ar kurbanir ou foshure Mabudor name shofibar lagi amar Milon-tambur duaror gese na ane, te i zatir maz taki tar nam miṭailito.

ꠔꠃꠞꠣꠔ ৩: ꠟꠦꠛꠤꠀꠘ 23:12

Imam sabe zedin ou muiṭ dulaiba, ou din tumra Mabudor name eḳ bosor boyoshi egu nikut meṛa-baichchare zalail kurbani hishabe dibae.

ꠔꠃꠞꠣꠔ ৩: ꠟꠦꠛꠤꠀꠘ 23:18

Ou ruṭir loge eḳ bosor boyoshi shatṭa nikut meṛa-baichcha, eḳṭa bisal, meṛar duiṭa faṭa anio. Ou foshu oḳol dia Mabudor name ekkan zalail kurbani adae ḳorbae, otar loge niom mafik dan-gomor sodga ar shorbot-fanir sodga-o dibae. Ita to agunit deoa eḳ nomunar kurbani, itar dumar gerane Mabud kushi oin.

ꠔꠃꠞꠣꠔ ৩: ꠟꠦꠛꠤꠀꠘ 3:1

“Kunu manshe zudi Mabudor name nizor kushie salamoti kurbani adae ḳorar niote kunu gai ba bisalre kurbani dito sae, te i goru furafur nikut oite oibo.

ꠔꠃꠞꠣꠔ ৩: ꠟꠦꠛꠤꠀꠘ 4:15

Oia Boni Israilor murobbi oḳole ou bisalor ḳolla atai diba, ar imame Mabudor samne oḳṭa zobo ḳorba.

ꠔꠃꠞꠣꠔ ৩: ꠟꠦꠛꠤꠀꠘ 4:23

Tain zebla ou gunar befare zaniliba, zanar bade koforar kurbani dibar lagi nikut egu faṭa sagol loia aiba.

ꠔꠃꠞꠣꠔ ৩: ꠟꠦꠛꠤꠀꠘ 4:3

“Ein ḳelafoti faoa fordan imam sab oile, tan gunar dae-bar hoḳol manshor ufre borte, erlagi tain nikut egu bisal ania Mabudor dorbaro tan gunar koforar kurbani diba.

ꠔꠃꠞꠣꠔ ৩: ꠟꠦꠛꠤꠀꠘ 4:32

“Gunar koforar kurbanir niote ḳeu zudi kunu meṛa ane, te iṭa nikut meṛi-baichcha oite oibo.

ꠔꠃꠞꠣꠔ ৩: ꠟꠦꠛꠤꠀꠘ 5:15

“Ḳeu zudi na zania Mabudor fak-fobitro kunu mal-samanar befare emne-u kunu dush-ḳosuri korilae, te ou gunar zorimana hishabe ebadot ḳanar mafe zoto tola rufadi meṛar dam ṭik kora oy, te he tar nizor fal taki ou foriman damor ba homan damdi kinia nikut egu meṛar faṭa Mabudor name kurbani dite oibo. Ita to dush-ḳosurir koforar kurbani.

ꠔꠃꠞꠣꠔ ৩: ꠟꠦꠛꠤꠀꠘ 5:18

He tar ou dush-ḳosurir kofora hishabe, egu nikut meṛar faṭa ba er dam ania imam sabor gese dibo. He na zania ze dush-ḳosuri korilise, imam sabe otar kofora adae ḳorba, teu tar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 6:2

“Huno, kunu manshe zebla tar ari-forir loge harami koria Mabudor dorbaro guna ḳore, tar gese toa amanot ba bondoki zinishor kianot ḳore, ba suri kori kunu mal ney ba ṭogaṭogi kore, sol-soturi koria beimani mate,

ꠔꠃꠞꠣꠔ ৩: ꠟꠦꠛꠤꠀꠘ 6:8

Bade Mabude Musa nobire ḳoila,

ꠔꠃꠞꠣꠔ ৩: ꠟꠦꠛꠤꠀꠘ 7:16

“Ou salamoti kurbani zudi kunu mannot adae ḳorar niote deo, ba emne kushi oia kurbani deo, te itar gust ou din-u ḳaio, ar kisu baki roile bador dino ḳaitae farbae.

ꠔꠃꠞꠣꠔ ৩: ꠟꠦꠛꠤꠀꠘ 8:18

Bade tain zalail kurbanir meṛar faṭare anla. Anle Harun ar tan fuainte ogur ḳolla atai dila.

ꠔꠃꠞꠣꠔ ৩: ꠟꠦꠛꠤꠀꠘ 8:21

Ar ou meṛar feṭor bitoror hoḳolta, tar sairo ṭeng fani dia doia hari, asta meṛare zalail kurbani hishabe kurbani kanar ufre zalailila. Ita to Mabudor name agunit deoa zalail kurbani, itar dumar gerane tain kushi oin. Musae ita hoḳolta ḳorla Mabudor hukum mafik.

ꠔꠃꠞꠣꠔ ৩: ꠟꠦꠛꠤꠀꠘ 9:2

Anaia Harunre ḳoila, “Tumar gunar koforar kurbanir lagi tumi egu bisal ano, ar zalail kurbanir lagi egu meṛar faṭa loia Mabudor dorbaro azir o. Kurbanir foshu guin furafur nikut oito.

আছমানি কিতাব: মালাখি 1:14

Ami Alla Rabbul Alamine ḳoiar, ḳeuror falor maze nikut meda foshu ase, ogure kurbani korar lagi he nioto ḳorse, oile bade ṭogami kori kunu kut-ala foshu Mabudor name kurbani dey, tar ufre lannot foṛouk! Ami to mohan bashsha, tamam zatie amare tazim ḳore.

ꠔꠃꠞꠣꠔ ৪: ꠡꠥꠝꠣꠞꠤ 15:3

gia amare kush raḳar niote agunit deoa geran ala zekunu kurbani hishabe tumrar fal taki zebla gai-goru ba meṛa-sagol ania amar name dibar niot ḳorbae, ar zalail kurbani, kunu mannot furonor kurbani, hoḳol nomunar nofol kurbani, ba zekunu idor kurbani dile,

ꠔꠃꠞꠣꠔ ৪: ꠡꠥꠝꠣꠞꠤ 15:8

Tumra zudi zalail kurbani, mannot furonor kurbani ba salamoti kurbanir lagi kunu goru loia ao,

ꠔꠃꠞꠣꠔ ৪: ꠡꠥꠝꠣꠞꠤ 19:2

“Tumra Boni Israilre ḳo, Mabude shoriotor hukum mafik bataisoin, tumra furafur lal rongor egu ḍeki goru loia amrar gese ao, ou ḍeki shullo-ana nikut oito, ar tair ḳando kunudin zual lagani oise na.

ꠔꠃꠞꠣꠔ ৪: ꠡꠥꠝꠣꠞꠤ 23:19

Alla Pak to manush nae zen misa matiba, tain kunu Adom shontan nae zen dil bodlaiba. Tain zela ḳota ḳoin ṭik ola-u ḳoroin, tan oada oḳol-u nichchit fura ḳoroin.

ꠔꠃꠞꠣꠔ ৪: ꠡꠥꠝꠣꠞꠤ 23:27

Bade Balak bashshae Balam pirre ḳoila, “Aukka, ami afnare aroḳ zagat loia zaimu. Hono gele oito fare Allae kushi oia amar fokko loiba, ar afnaredi hotar ufre lannot dite diba.”

ꠔꠃꠞꠣꠔ ৪: ꠡꠥꠝꠣꠞꠤ 23:3

Erbade Balam pire Balakre ḳoila, “Afnar kurbani deoa ou foshur ḳasat afne roukka. Ami tuṛa horia zairam, oito fare Mabude amare doroshon diba. Tain amare zeta zanaiba, ami aia afnare ḳoimune.” Oḳan ḳoia Balam pir gia faṛor hoḳol taki usa ṭillar ufre uṭila.

ꠔꠃꠞꠣꠔ ৪: ꠡꠥꠝꠣꠞꠤ 23:30

Pir sabor ḳotamoto bashshae ola-u ḳorla. Tain fortek kurbani kanar ufre egu ḳori bisal ar egu ḳori meṛa kurbani dila.

ꠔꠃꠞꠣꠔ ৪: ꠡꠥꠝꠣꠞꠤ 28:11

“Forteḳ sandor foyla din Mabudor name zalail kurbanir lagi dugu bisal, egu meṛa ar eḳ bosor boyoshi shatgu meṛa-baichcha kurbani dibae, i hoḳol foshu fura nikut oito.

ꠔꠃꠞꠣꠔ ৪: ꠡꠥꠝꠣꠞꠤ 28:19

Ou din amar name dugu bisal, egu meṛa ar eḳ bosor boyoshi shatgu meṛa-baichchadi agunit deoa zalail kurbani adae ḳorio. Kurbanir forteḳ foshu nikut oite oibo.

ꠔꠃꠞꠣꠔ ৪: ꠡꠥꠝꠣꠞꠤ 28:31

Ou hoḳol kurbani ar itar logor shorbot-fanir sodgar loge fortidinor zalail kurbani ar er logor dan-gomor sodga adae ḳorbae. Kial rakio, kurbanir hoḳol foshu zanu furafur nikut oy.

ꠔꠃꠞꠣꠔ ৪: ꠡꠥꠝꠣꠞꠤ 29:13

“Idor foyla din furafur nikut terogu bisal, dugu meṛa ar souddogu eḳ bosor boyoshi meṛa-baichcha dia zalail kurbani adae ḳorio. Er dumar gerane ami Mabud kushi oi.

ꠔꠃꠞꠣꠔ ৪: ꠡꠥꠝꠣꠞꠤ 29:2

Ou din tumra amare kushi korar geran ala zalail kurbani hishabe, egu bisal, egu meṛa ar shatgu eḳ bosor boyoshi meṛa-baichchare kurbani dio, hoḳol foshu zanu furafur nikut oy.

Injil 3: Luk 1:35

Firistae ḳoila, “Pak Ruhu afnar ufre nazil oiba, ar Allar kudroti saya afnar ufre aibo. Erdae-u afnar goro ze pak aolade zonom loiba, tanre Ibnulla, mani Allar ḳas mayar zon ḳoia ḍaḳa oibo.

Injil 4: Hannan 1:36

Ou shomoy Hozrot Isa aṭia zaira, tanre dekia Ehiae ḳoila, “Ou deḳrae ni Allai meṛa-baichcha.”

Injil 4: Hannan 10:7

Erlagi tain hirbar ḳoila, “Ami tumrare nichchit hok kota ḳoiram, meṛar falor lagi ami-u duar.

Injil 4: Hannan 10:9

Ami-u duar. Amar mazdi ze hamaibo, he tar zan basaibo. He bitre aoa-zaoa ḳorbo ar aṭia-soria ḳaibo.

Injil 8: 2-Korintia 8:12

Dan-ḳoyrat dibar niot ḳorle, Allae to niot mafik kobul ḳoroin, te tofik taḳle deo, na taḳle nai.

Injil 8: 2-Korintia 9:7

Te tumra-o ola forteḳe zarzir niot mafik dan-ḳoyrat deo. Monor maze ḳoshṭo loia ba deoa lagbo ḳori dio na. Ḳaron dilor kushie dan ḳorle, Allae maya ḳoroin.

Injil 10: Ifisia 2:18

Erfole tan usillae amra duio dol Pak Ruhur mazdi, amrar behesti baf Alla Pakor dorbaro azir oitam fari.

Injil 10: Ifisia 5:27

nuror mohimae nizor samne azir ḳora. Ou shomoy zomator maze kunu ḳolonkor dag, kut ba ila kunta-u roito nae, ita fak-fobitro ar nikut oibo.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:27

Tumrar Mabud Allar kurbani kanar ufre tumrar zalail kurbanir gust ar lou zalaio. Oile tumrar oinno hoḳol kurbanir lou kurbani kanar maze ḍalio ar i kurbanir gust tumra ḳaio.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 15:21

Oile itar maze zudi kunu laḳan kut taḳe, ita lengṛa, anda ba aro kunu zator kut taḳe, te igure-u tumrar Mabud Allar name kurbani dio na,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 17:1

Hozrot Musae aro ḳoila, “Ar tumrar Mabud Allar name ilaḳan kunu goru-sagolre kurbani dio na, zetar gotro kut ase, tain to kut ala kurbanire gin ḳoroin.

Injil 19: Ibrani 7:26

Ashole amrar lagi oula eḳzon fordan imamor zorur-o asil, zein fak-forezgar, be-guna, gunagar oḳol tone alog, ar Allae zenre asman oḳlor ufre tulchoin.

Injil 19: Ibrani 9:14

Te zein hor-hameshakur zinda ruhur mazdia, be-guna kurbani oia tan nizor zanre Allar name shofia dilaisoin, hi al-Mosir loue amrar dilre nafaki kam-ḳaz taki aro ḳoto beshi forimane fak-saf ḳorbo, zate amra zinda Allar ebadot-bondegi kortam fari.