ꠔꠃꠞꠣꠔ ৩: ꠟꠦꠛꠤꠀꠘ 1:13 - Siloṭi Asmani Kitab (Latin lipi)

¹³ Kurbani deorae iṭar ṭeng, feṭor bitoror hokkolta fani dia doia saf ḳoria diba, ar imam sabe ita hokkolta shomet asta foshure kurbani kanar ufre zalailiba. Iṭa oilo zalail kurbani, Mabudor name agunit deoa geran ala kurbani, ou dumar gerane tain kushi oin.

Siloṭi Asmani Kitab (Nagri lipi)

¹³ ꠇꠥꠞꠛꠣꠘꠤ ꠖꠦꠅꠞꠣꠄ ꠁꠐꠣꠞ ꠑꠦꠋ, ꠙꠦꠐꠞ ꠜꠤꠔꠞꠞ ꠢꠇ꠆ꠇꠟꠔꠣ ꠙꠣꠘꠤ ꠖꠤꠀ ꠗꠁꠀ ꠍꠣꠚ ꠇꠞꠤꠀ ꠖꠤꠛꠣ, ꠀꠞ ꠁꠝꠣꠝ ꠍꠣꠛꠦ ꠁꠔꠣ ꠢꠇ꠆ꠇꠟꠔꠣ ꠡꠝꠦꠔ ꠀꠡ꠆ꠔꠣ ꠙꠡꠥꠞꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠎꠣꠟꠣꠁꠟꠤꠛꠣ। ꠁꠐꠣ ꠅꠁꠟ ꠎꠣꠟꠣꠁꠟ ꠇꠥꠞꠛꠣꠘꠤ, ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠊꠦꠞꠣꠘ ꠀꠟꠣ ꠇꠥꠞꠛꠣꠘꠤ, ꠅꠃ ꠗꠥꠝꠣꠞ ꠊꠦꠞꠣꠘꠦ ꠔꠣꠁꠘ ꠈꠥꠡꠤ ꠅꠁꠘ।

ছিলটি আছমানি কিতাব (বাংলা লিপি)

¹³ কুরবানি দেওরায় ইটার ঠেং, পেটর ভিতরর হক্কলতা পানি দিয়া ধইয়া ছাফ করিয়া দিবা, আর ইমাম ছাবে ইতা হক্কলতা সমেত আস্তা পশুরে কুরবানি খানার উপরে জালাইলিবা। ইটা অইলো জালাইল কুরবানি, মাবুদর নামে আগুনিত দেওয়া ঘেরান আলা কুরবানি, অউ ধুমার ঘেরানে তাইন খুশি অইন।

ꠔꠃꠞꠣꠔ ৩: ꠟꠦꠛꠤꠀꠘ 1:13 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 8:21

Mabud i kurbanir dumar gerane kushi oila, ar tain ḳoila, “Manshor lagi ami ar kunu shomoy-o maṭire lannot ditam nae, zudio hurubala taki-u manshor monor kial ḳarafir bae taḳe. Ifira zela hoḳol zandarre marsi, ilaḳan ar kunu din-u martam nae.

ꠔꠃꠞꠣꠔ ৩: ꠟꠦꠛꠤꠀꠘ 1:9

Kurbani deorae gorur ṭeng ar feṭor bitoror hokkolta fani dia doia saf ḳoria diba, ar imame ota nia asta bisalor hokkolta kurbani kanar ufre zalailiba. Iṭar nam oilo zalail kurbani, Mabudor name agunit deoa kurbani, ou dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 2:11

“Ar huno, Mabudor name dan-gomor sodgar niote zotota ana oibo, ita hoḳolta-u zanu ḳamir saṛa tiar ḳora oy. Hushiar roio, tumra Mabudor namor agunit deoa lilla-sodgar malor loge kunu ḳamir ba mou zalaio na.

ꠔꠃꠞꠣꠔ ৩: ꠟꠦꠛꠤꠀꠘ 2:2

Dia imam Harunor ze fuainte imamoti koroin tarar gese ota loia aibo. Imame ota taki tel mishail eḳ muiṭ moyda ar hoḳol agor loia, tar ana hokkoltar bodla nishana hishabe ou ongshore kurbani kanar ufre zalailiba. Ita oilo Mabudor name agunit deoa kurbani, itar dumar gerane tain kushi oin.

ꠔꠃꠞꠣꠔ ৩: ꠟꠦꠛꠤꠀꠘ 3:5

Bade Harunor fuainte kurbani kanar ufre hazail daru ar kurbanir foshur ufre ita hoḳolta rakia eḳloge zalailiba. Ita to eḳ nomunar agunit deoa kurbani, itar dumar gerane Mabud kushi oin.

ꠔꠃꠞꠣꠔ ৩: ꠟꠦꠛꠤꠀꠘ 4:31

Ar salamoti kurbanir meṛar sorbir laḳan ogur hoḳol sorbi bar ḳoria kurbani kanar ufre zalailiba. Itar dumar gerane Mabud kushi oin. Ou nomunae imame hou zonor gunar kofora adae ḳorle, tar mafi milbo.

ꠔꠃꠞꠣꠔ ৩: ꠟꠦꠛꠤꠀꠘ 6:14

“Dan-gom sodgar niom oilo, Harunor fuain taki eḳzon imame ou sodgar moyda ar dorḳari hokkolta loia kurbani kanar gese Mabudor samne azir oiba.

ꠔꠃꠞꠣꠔ ৩: ꠟꠦꠛꠤꠀꠘ 8:21

Ar ou meṛar feṭor bitoror hoḳolta, tar sairo ṭeng fani dia doia hari, asta meṛare zalail kurbani hishabe kurbani kanar ufre zalailila. Ita to Mabudor name agunit deoa zalail kurbani, itar dumar gerane tain kushi oin. Musae ita hoḳolta ḳorla Mabudor hukum mafik.

ꠔꠃꠞꠣꠔ ৪: ꠡꠥꠝꠣꠞꠤ 15:3

gia amare kush raḳar niote agunit deoa geran ala zekunu kurbani hishabe tumrar fal taki zebla gai-goru ba meṛa-sagol ania amar name dibar niot ḳorbae, ar zalail kurbani, kunu mannot furonor kurbani, hoḳol nomunar nofol kurbani, ba zekunu idor kurbani dile,

ꠔꠃꠞꠣꠔ ৪: ꠡꠥꠝꠣꠞꠤ 15:4

kurbanir forteḳ foshur loge dan-gomor sodga-o dibae. Ou sodgar lagi dui sher moydare eḳ sher teldi maḳaia ḳai banaia anbae.

ꠔꠃꠞꠣꠔ ৪: ꠡꠥꠝꠣꠞꠤ 28:11

“Forteḳ sandor foyla din Mabudor name zalail kurbanir lagi dugu bisal, egu meṛa ar eḳ bosor boyoshi shatgu meṛa-baichcha kurbani dibae, i hoḳol foshu fura nikut oito.

ꠔꠃꠞꠣꠔ ৪: ꠡꠥꠝꠣꠞꠤ 28:8

Meṛar aroḳ baichchare hainja bala kurbani dibae. Erloge biankur laḳan dan-gomor sodga ar shorbot-fanir sodga adae ḳorbae. Ita oilo agunit deoa kurbani, er dumar gerane ami Mabud kushi oi.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:27

Tumrar Mabud Allar kurbani kanar ufre tumrar zalail kurbanir gust ar lou zalaio. Oile tumrar oinno hoḳol kurbanir lou kurbani kanar maze ḍalio ar i kurbanir gust tumra ḳaio.