ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:3 - Siloṭi Asmani Kitab (Latin lipi)

³ Ou desho tumi musafir oia ro. Ami tumar loge roia, tumare borkot nazil ḳormu. I desh oḳol ami tumare ar tumar oarish oḳolre dimu. Ar tumar baf Ibrahimor gese ami ze ḳosom ḳorslam, oḳṭa fura ḳormu.

Siloṭi Asmani Kitab (Nagri lipi)

³ ꠅꠃ ꠖꠦꠡꠅ ꠔꠥꠝꠤ ꠝꠥꠍꠣꠚꠤꠞ ꠅꠁꠀ ꠞꠅ। ꠀꠝꠤ ꠔꠥꠝꠣꠞ ꠟꠉꠦ ꠞꠁꠀ, ꠔꠥꠝꠣꠞꠦ ꠛꠞꠇꠔ ꠘꠣꠎꠤꠟ ꠇꠞꠝꠥ। ꠁ ꠖꠦꠡ ꠅꠇꠟ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞꠦ ꠖꠤꠝꠥ। ꠀꠞ ꠔꠥꠝꠣꠞ ꠛꠣꠚ ꠁꠛ꠆ꠞꠣꠢꠤꠝꠞ ꠉꠦꠍꠦ ꠀꠝꠤ ꠎꠦ ꠇꠍꠝ ꠇꠞꠍꠟꠣꠝ, ꠅꠇꠐꠣ ꠙꠥꠞꠣ ꠇꠞꠝꠥ।

ছিলটি আছমানি কিতাব (বাংলা লিপি)

³ অউ দেশো তুমি মুছাফির অইয়া রও। আমি তুমার লগে রইয়া, তুমারে বরকত নাজিল করমু। ই দেশ অকল আমি তুমারে আর তুমার ওয়ারিশ অকলরে দিমু। আর তুমার বাফ ইব্রাহিমর গেছে আমি যে কছম করছলাম, অকটা পুরা করমু।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 12:7

Mabude Abramre doroshon dia ḳoila, i deshḳan ami tumar oarishre dilaimu. Abramre zein deḳa dila, hou Mabudor name tain hono ek kurbani kana banaila.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:15

Ze zaga oḳol tumi deḳrae, ita ami tumare ar tumar oarish oḳolre hameshakur lagi dilaimu.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:17

Uṭo, asta deshṭa tumi eḳbar guria ao, ou desh-u ami tumare dimu.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 15:18

Mabude hou din-u Abramor loge oula oada ḳorla, “Mishoror gang tone boṛo gang Furat forzonto asta desh ami tumar oarishre dilam.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 17:19

Ou Allae formaila, “Ṭik ase. Oile tumar bibi Sayrar feṭo hasau tumar fua oibo, tumi tar nam raḳbae Isʼhak [mani, he ashe]. Tar loge amar chukti kaim ḳormu, tar oarishor loge ikṭa amar hor-hameshakur chukti oibo.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 17:8

Ar ze Kenan desho tumi oḳon musafir oia taḳrae, i furaṭa-u ami tumare ar tumar oarish oḳolre hor-hameshakur doḳolor lagi dimu. Ami tarar Alla oimu.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 20:1

Ar Ibrahime hin tone Negebor morubumir bae gia Kadesh ar Shuror mazḳano Gerar desho roila.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 25:11

Ibrahimor moutor bade Allae tan fua Isʼhakre borkot nazil ḳorla. Tain Ber-Lohoy-Ruir gese roita.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:12

Ar Isʼhake hi boros ḳet ḳoria tan zomino rua bis taki eḳ-sho gun beshi foshol faila, Mabude tanre oula borkot nazil ḳorla.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:14

Tan goru-sagol ar gulam-bandi oula baṛlo zen, ita dekia Filistini oḳole ingshaita lagla.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:24

Hou rait-u Mabude tanre didar dia ḳoila, “Ami tumar baf Ibrahimor Alla. Tumi ḍoraio na, amar gulam Ibrahimor ḳatire ami tumar loge asi. Ami tumare borkot nazil ḳormu ar tumar bongsho baṛaimu.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:13

ar Mabude er ufre ubaia ḳoira, “Ami Mabud, tumar baf-dadain Ibrahimor Alla ar Isʼhakor Alla. Tumi ou ze zomino hutiso, iṭa ami tumare ar tumar oarish oḳolre dimu.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:15

Ami tumar loge loge asi, tumi zeno-u zao na ḳene ami tumare hefazot ḳormu ar ou desho hirbar tumare firaia anmu. Ami tumare zeta zeta ḳoisi ita hasil oar age, tumare saṛtam nae.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 31:3

Mabude Iakubre ḳoila, tumi tumar baf-dadar desho nizor manshor gese firia zaogi. Ami tumar loge taḳmu.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 35:12

Ami Ibrahim ar Isʼhakre ze desh dan ḳorsi, hou desh oḳon tumare ar tumar bador oarishre dimu.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 39:2

Mabude Iusufor logi oila, erlagi Iusuf hoḳol ḳamo kamiab oila. Tain hou Mishori munibor baṛit ḳam ḳorta.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 39:21

Oile Iusufor ufre Mabudor saya asil, tain Iusufre boṛo zelar sabor gese mayar manush banaila.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 48:21

Heshe Hozrot Israile Iusufre ḳoila, “Deḳo, amar moronor oḳt aichche. Alla tumrar loge roiba, ar tumrare hirbar tumrar baf-dadar desho nichchoy firaia niba.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 50:24

Bade Iusufe tan baiaintore ḳoila, “Amar to moutor oḳt aichche, nisoy Allae tumrar bae nozor raḳba. Tain Ibrahim, Isʼhak ar Iakubor gese ze desh dita ḳori kosom ḳorsoin, tumrare on taki hou desho loia zaiba.”

ꠎꠛꠥꠞ ꠡꠞꠤꠚ 32:8

Ami Allae talim dimu, tumare solar fot deḳaimu, ami to soukdi nozor raḳmu, aḳol-buddi tumare dimu,

ꠎꠛꠥꠞ ꠡꠞꠤꠚ 39:12

Amar foriad Mabud tumi huno, ḳan deo tumi mor ḳandono, dekia mor ḳandon nirai roio na tumi, tumar goro to ami bideshi, amar baf-dadar laḳan ami-o probashi.

ꠔꠃꠞꠣꠔ ২: ꠢꠤꠎꠞꠔ 2:24

Allae tarar foriad hunla. Tain Ibrahim, Isʼhak ar Iakubor loge tan oadar ḳota iad ḳorla.

ꠔꠃꠞꠣꠔ ২: ꠢꠤꠎꠞꠔ 3:12

Allae ḳoila, “Ami to tumar loge loge roimu. Tumi Mishor taki manshore horaia ania, tarare loia ou faṛo amar ebadot ḳorbae. Teu buzbae ami-u tumare faṭaisi.”

ꠔꠃꠞꠣꠔ ২: ꠢꠤꠎꠞꠔ 6:4

Ami tarar loge ou oada ḳorslam, ami tumrare Kenan desh dimu, ze desho tumra musafir oia ro, ou desh-u ami tumrare dimu.

ꠔꠃꠞꠣꠔ ২: ꠢꠤꠎꠞꠔ 6:7

Heshe tumrare amar nizor bonda banaimu, ami nize tumrar Alla oimu. Teu tumra buzbae, ami Alla-u tumrar Mabud, ar Mishori oḳlor baror tol taki ami-u tumrare basaisi.

ꠔꠃꠞꠣꠔ ২: ꠢꠤꠎꠞꠔ 6:8

Ami Ibrahim, Isʼhak, Iakubor loge ze deshor ḳota oada ḳorsi, hou desho tumrare loia zaimu, tumra hou deshor malik oibae. Ami-u Mabud.”

ꠔꠃꠞꠣꠔ ৪: ꠡꠥꠝꠣꠞꠤ 23:19

Alla Pak to manush nae zen misa matiba, tain kunu Adom shontan nae zen dil bodlaiba. Tain zela ḳota ḳoin ṭik ola-u ḳoroin, tan oada oḳol-u nichchit fura ḳoroin.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:8

Mono rakio, ita hoḳol zaga ami tumrare dilaisi. Ami Mabude tumrar baf-dadain Ibrahim, Isʼhak, Iakub ar tarar ḳandanre ze desh deoar oada ḳorslam, tumra oḳon gia ita hoḳol zaga doḳol ḳorilao.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:4

Ota deḳanir bade Mabude tanre ḳoila, “Ikan oilo hou desh, zeḳanor befare ami Ibrahim, Isʼhak ar Iakubor gese ḳosom ḳaislam. Tarare ḳoislam, deshḳan ami tumar oarishre dimu. Te ita ami tumare shorashori deḳailam, oile tumi Zordan gang faroia hino hamaitae fartae nae.”

Injil 11: Filifia 4:9

Tumra amar ges taki ze talim faiso, zeta huncho, zeta deḳso, ar zeta kobul ḳorso ota oḳon amol ḳoro. Teu shanti deora Alla-o tumrar loge loge roiba.

Injil 19: Ibrani 11:9

Imanor bole tain Allar oada ḳora hou Kenan deshor bitre-o musafiror laḳan din ḳaṭaila. Tan loge aro zera hi oadar bagi asla, hou Isʼhak ar Iakubor laḳan tain-o tambue tambue roia zindegi kaṭaila.

Injil 19: Ibrani 6:17

Oula Allae-o zerar loge oada ḳorsoin, tan oadar nichchoyotar lagia tain-o ḳosom ḳaisoin, zate tan oada rod-bodol oar shondoy na taḳe.