ꠔꠃꠞꠣꠔ ২: ꠢꠤꠎꠞꠔ 8:16 - Siloṭi Asmani Kitab (Latin lipi)

¹⁶ Bade Mabude Musare ḳoila, “Tumi Harunre ḳo, tumi tumar laṭi baṛaia maṭir dulit baṛi maro, teu i duil mosha oia asta Mishor desh borizibo.”

Siloṭi Asmani Kitab (Nagri lipi)

¹⁶ ꠛꠣꠖꠦ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠔꠥꠝꠤ ꠢꠣꠞꠥꠘꠞꠦ ꠇꠅ, ꠔꠥꠝꠤ ꠔꠥꠝꠣꠞ ꠟꠣꠑꠤ ꠛꠣꠠꠣꠁꠀ ꠝꠣꠐꠤꠞ ꠗꠥꠟꠤꠔ ꠛꠣꠠꠤ ꠝꠣꠞꠅ, ꠔꠦꠃ ꠁ ꠗꠥꠁꠟ ꠝꠡꠣ ꠅꠁꠀ ꠀꠡ꠆ꠔꠣ ꠝꠤꠡꠞ ꠖꠦꠡ ꠜꠞꠤꠎꠤꠛ।”

ছিলটি আছমানি কিতাব (বাংলা লিপি)

¹⁶ বাদে মাবুদে মুছারে কইলা, “তুমি হারুনরে কও, তুমি তুমার লাঠি বাড়াইয়া মাটির ধুলিত বাড়ি মারো, তেউ ই ধুইল মশা অইয়া আস্তা মিসর দেশ ভরিযিবো।”

ꠔꠃꠞꠣꠔ ২: ꠢꠤꠎꠞꠔ 8:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 4:23

Ami nize tumare hukum ḳorslam, amar ebadoto zaita ḳori tumi amar futre saṛi ditae, oile tumi mancho na. Erdae ami-o tumar foyla futre marilimu.’ ”

ꠔꠃꠞꠣꠔ ২: ꠢꠤꠎꠞꠔ 5:1

Musa ar Harune gia Feraunre ḳoila, “Mabud, zein Boni Israilor Alla, tain nize ḳoisoin, amar bonda oḳolre tumi saṛi deo, amar name hoj ḳorar lagi, tara morubumit hizrot ḳorte oibo, tumi tarare saṛo.”

ꠔꠃꠞꠣꠔ ২: ꠢꠤꠎꠞꠔ 8:15

Oile Feraune zebla deḳlo, gozob to horigese, ou he tar dil fashan ḳorillo. Erar mato ar ḳan dilo na, zela Mabude age ḳoisla.

ꠔꠃꠞꠣꠔ ২: ꠢꠤꠎꠞꠔ 8:17

Tara oula ḳorla, Harune tan laṭiala at baṛaia maṭir dulit baṛi marla, teu maṭir hokkol duil mosha oigelo. Ou moshae manush, zanuar ar Mishoror hokkolbae borigelo.

ꠔꠃꠞꠣꠔ ২: ꠢꠤꠎꠞꠔ 8:18

Ar zadugir oḳole-o tarar zadu-montro dia oula mosha banaito sailo, oile farlo na. Manush ar zanuaror maze mosha roilo.

ꠔꠃꠞꠣꠔ ২: ꠢꠤꠎꠞꠔ 8:5

Bade Mabude Musare ḳoila, “Harunre ḳo, tumi Nil nod ar ḳal-bilor ufre hou laṭiala at baṛaia asta Mishoro beng anao.”