ꠔꠃꠞꠣꠔ ২: ꠢꠤꠎꠞꠔ 7:5 - Siloṭi Asmani Kitab (Latin lipi)

⁵ Mishoror maze amar nizor at lagaimu, Mishori oḳlor maz taki Boni Israilre bar ḳoria anmu, oudin tara buzba ami-u Mabud.”

Siloṭi Asmani Kitab (Nagri lipi)

⁵ ꠝꠤꠡꠞꠞ ꠝꠣꠎꠦ ꠀꠝꠣꠞ ꠘꠤꠎꠞ ꠀꠔ ꠟꠣꠉꠣꠁꠝꠥ, ꠝꠤꠡꠞꠤ ꠅꠇꠟꠞ ꠝꠣꠎ ꠕꠣꠇꠤ ꠛꠘꠤ ꠁꠍꠞꠣꠁꠟꠞꠦ ꠛꠣꠞ ꠇꠞꠤꠀ ꠀꠘꠝꠥ, ꠅꠃꠖꠤꠘ ꠔꠣꠞꠣ ꠛꠥꠎꠛꠣ ꠀꠝꠤꠃ ꠝꠣꠛꠥꠖ।”

ছিলটি আছমানি কিতাব (বাংলা লিপি)

⁵ মিসরর মাজে আমার নিজর আত লাগাইমু, মিসরী অকলর মাজ থাকি বনি ইছরাইলরে বার করিয়া আনমু, অউদিন তারা বুজবা আমিউ মাবুদ।”

ꠔꠃꠞꠣꠔ ২: ꠢꠤꠎꠞꠔ 7:5 Iomraidhean Croise

ꠎꠛꠥꠞ ꠡꠞꠤꠚ 9:16

Mabude nizore zair ḳoria hok bisar ḳorsoin, naforman dolor banail fando tara-u aṭkisoin.(Higgayon-Sela)

ꠔꠃꠞꠣꠔ ২: ꠢꠤꠎꠞꠔ 10:2

Ami Mishori oḳlor ufre zeta zeta ḳoṭin gozob disi, tarar maze kudroti zeta lila-ḳela zair ḳorsi, tumi ita tumar aolad ar nati-futir gese gof ḳortae faro, ar ami-u zen Mabud iṭa buztae faro.”

ꠔꠃꠞꠣꠔ ২: ꠢꠤꠎꠞꠔ 10:7

Feraunor uzir-nazire tare ḳoila, “I beṭae ar ḳotodin amrare sataito? Otar Mabud Allar ebadotor lagi otare saṛi deukka. Afne oḳono kunta buzra na ni, asta Mishor deshnu sarḳar oizar?”

ꠔꠃꠞꠣꠔ ২: ꠢꠤꠎꠞꠔ 14:18

Feraunor hal-hokikot dekia baki Mishori oḳole-o buziliba, ami-u Mabud.”

ꠔꠃꠞꠣꠔ ২: ꠢꠤꠎꠞꠔ 14:4

Ami Feraunor dilre fashan banaimu, he tumrar ḳore ḳore ḳedanit aibo. Teu Feraun ar tar sifai oḳolredi amar nam uzila oibo; ita dekia Mishori oḳole-o buziliba, ami-u Mabud.” Mabudor hukum mafik Boni Israile oula ḳorla.

ꠔꠃꠞꠣꠔ ২: ꠢꠤꠎꠞꠔ 18:8

Mabude Boni Israilor fokko loia Feraun ar Mishori oḳlor loge zeta zeta ḳorsoin, ita hokkolta tan hourre hunaila. Mishor taki zaoar bala tarar ḳoto ḳoshṭo oisil ar Allae kila tarare basaisoin eota-o tanre zanaila.

ꠔꠃꠞꠣꠔ ২: ꠢꠤꠎꠞꠔ 3:20

Teu ami amar kudroti at lagaimu ar oula asanok gozob nazil ḳormu, zate he tumrare zaite dey.

ꠔꠃꠞꠣꠔ ২: ꠢꠤꠎꠞꠔ 6:1

Mabude Musare ḳoila, “Feraunor kita dosha oy tumi dekio, amar ator zur deḳle-u he manshore saṛi dibo. Zurala ator kudrot deḳle-u he tar desh taki erare ḳedai dibo.”

ꠔꠃꠞꠣꠔ ২: ꠢꠤꠎꠞꠔ 6:6

Erlagi tumi gia Boni Israilre ḳo, Mabude ḳoisoin, ami Mabud, ami tumrare Mishori oḳlor tol taki bar ḳoria anmu, tarar gulami taki azad ḳormu. Tarare deḳar moto shaza dia, amar kudroti atdi tumrare ḳalas ḳormu.

ꠔꠃꠞꠣꠔ ২: ꠢꠤꠎꠞꠔ 7:17

Erlagi oḳon tumi buzbae, ami-u Mabud.’ Oḳan ḳoia hari tumi koio, ‘Deḳoukka, ami nizor ator laṭi dia ou Nil nodor fanit baṛi marmu, ar hokkol fani lou oizibo.

ꠔꠃꠞꠣꠔ ২: ꠢꠤꠎꠞꠔ 8:10

Tain ḳoila “Ḳailkur lagi.” Ou Musae ḳoila, “Afnar zoban moto-u ouk, zate afne buzta faroin, amrar Mabud Allar homani ar ḳeu nai.

ꠔꠃꠞꠣꠔ ২: ꠢꠤꠎꠞꠔ 8:19

Teu zadugir oḳole Feraunre ḳoila, “Ita to Allar kudrot.” Ta-o Feraunor dil fashan roilo, he erar mate ḳan dilo na, zela Mabude age ḳoisla.

ꠔꠃꠞꠣꠔ ২: ꠢꠤꠎꠞꠔ 8:22

Oile ami amar bonda oḳlor boshot ḳana Gushon elaḳare ita taki basaimu, ino ḍash-masir fal aita nae. Teu tumi buztae farbae, ami Alla i desho asi.