ꠔꠃꠞꠣꠔ ২: ꠢꠤꠎꠞꠔ 6:1 - Siloṭi Asmani Kitab (Latin lipi)

¹ Mabude Musare ḳoila, “Feraunor kita dosha oy tumi dekio, amar ator zur deḳle-u he manshore saṛi dibo. Zurala ator kudrot deḳle-u he tar desh taki erare ḳedai dibo.”

Siloṭi Asmani Kitab (Nagri lipi)

¹ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ, “ꠚꠦꠞꠣꠃꠘꠞ ꠇꠤꠔꠣ ꠖꠡꠣ ꠅꠄ ꠔꠥꠝꠤ ꠖꠦꠈꠤꠅ, ꠀꠝꠣꠞ ꠀꠔꠞ ꠎꠥꠞ ꠖꠦꠈꠟꠦꠃ ꠢꠦ ꠝꠣꠘꠡꠞꠦ ꠍꠣꠠꠤ ꠖꠤꠛ। ꠎꠥꠞꠀꠟꠣ ꠀꠔꠞ ꠇꠥꠖꠞꠔ ꠖꠦꠈꠟꠦꠃ ꠢꠦ ꠔꠣꠞ ꠖꠦꠡ ꠕꠣꠇꠤ ꠄꠞꠣꠞꠦ ꠈꠦꠖꠣꠁ ꠖꠤꠛ।”

ছিলটি আছমানি কিতাব (বাংলা লিপি)

¹ মাবুদে মুছারে কইলা, “ফেরাউনর কিতা দশা অয় তুমি দেখিও, আমার আতর জুর দেখলেউ হে মানষরে ছাড়ি দিবো। জুরআলা আতর কুদরত দেখলেউ হে তার দেশ থাকি এরারে খেদাই দিবো।”

ꠔꠃꠞꠣꠔ ২: ꠢꠤꠎꠞꠔ 6:1 Iomraidhean Croise

ꠎꠛꠥꠞ ꠡꠞꠤꠚ 12:5

“Gorib-dukir zulum dekia ami Mabud ubaimu, nirufayor dilor ḳandon ami nichchit hunimu. Shay-shantie din ḳaṭaito zara dile-zane sae, tarar asha ḳormu furon ami Allae.”

ꠎꠛꠥꠞ ꠡꠞꠤꠚ 12:6

Mabudor zobano to kunu ḳad nai, ḳosṭi-fattoro zela rufa oy zasai, shatbaror aguindi saf ḳora rufa, tan zoban ḳaṭi nikut-nikad ola.

ꠔꠃꠞꠣꠔ ২: ꠢꠤꠎꠞꠔ 11:1

Mabude Musare ḳoila, “Ami Feraun ar Mishor deshor ufre ar matro eḳṭa gozob saṛmu, erbade he tumrare ontone saṛidibo, saṛar bala he tumrare ekkebare ḳedai dibo.

ꠔꠃꠞꠣꠔ ২: ꠢꠤꠎꠞꠔ 12:31

Hou rait-u Feraune Musa ar Harunre anaia ḳoilo, “Tumra zoldi zao, Boni Israilre loia amar prozar ges tone horo. Tumra zela ḳoiso, oula gia Mabudor ebadot ḳoro.

ꠔꠃꠞꠣꠔ ২: ꠢꠤꠎꠞꠔ 12:33

Mishori oḳole kub ḍoraila, tara mono ḳorla tara-o moriziba. Erlagi tara tagda dita lagla, Boni Israil zoldi kori bidae oita.

ꠔꠃꠞꠣꠔ ২: ꠢꠤꠎꠞꠔ 12:39

Bade tara Mishor taki ana hou moydar ḳai dia ḳamir saṛa ruṭi banaila. Mishor taki tarare zoldi kori bidae deoae i kait ḳamir maḳaibar shomoy-u faisla na, ar fotor lagi kunu mosa-o nita farsla na.

ꠔꠃꠞꠣꠔ ২: ꠢꠤꠎꠞꠔ 13:14

“Tumrar fuainte zebla zikaiba, ita kitar lagi kora lage? Tumra zuaf dio, ‘Mabude tan kudroti at dia amrare Mishoror gulami taki azad ḳori anchoin.

ꠔꠃꠞꠣꠔ ২: ꠢꠤꠎꠞꠔ 13:16

Iṭa omon eḳ iadgarir id, at ba ḳofalo banda tabiz-ḳobzor laḳan zanu hamesha sokur samne roy, ar Mabude tan kudroti at dia amrare Mishor taki bar ḳori anchoin, oḳan mono roy.’ ”

ꠔꠃꠞꠣꠔ ২: ꠢꠤꠎꠞꠔ 13:3

Teu Musae manshore ḳoila, “I din ḳanre tumra iad rakio, ou din-u tumra Mishoror gulami taki azad oiso. Mabude tan kudroti at dia tumrare hon taki bar ḳorsoin. I din kunuzator ḳamir ala ḳana ḳaio na.

ꠔꠃꠞꠣꠔ ২: ꠢꠤꠎꠞꠔ 13:9

Ou laḳan tumra zarzir aolad oḳolre Mabudor hukum talim dio, zate tumrar mono roy, Mabude tan kudroti at dia tumrare Mishor desh taki bar ḳori anchoin. Tumrar ator ba ḳofalor tabiz-ḳobzor laḳan, ou talimre-o hamesha sokur samne rakio.

ꠔꠃꠞꠣꠔ ২: ꠢꠤꠎꠞꠔ 14:13

Musae tarare ḳoila, “Tumra ḍoraio na. Hoḳole nirai oia deḳo, Mabude aiz kila basain. Ou zeta Mishorintore oḳon deḳrae, itare ar kunudin-u deḳtae nae.

ꠔꠃꠞꠣꠔ ২: ꠢꠤꠎꠞꠔ 15:6

O Mabud, tumar ḍain atḳan kudroti lilae bora, tumar ate nichchoy dushmonre surmar ḳorse.

ꠔꠃꠞꠣꠔ ২: ꠢꠤꠎꠞꠔ 7:4

Tar bade-o Feraune tumrar mator dam dito nae. Teu ami Mishoror ufre amar at lagaia, deḳar moto shaza dia Mishor desh taki amar nizor bonda Boni Israilre sifair laḳan dole dole bar ḳormu.

ꠔꠃꠞꠣꠔ ২: ꠢꠤꠎꠞꠔ 7:5

Mishoror maze amar nizor at lagaimu, Mishori oḳlor maz taki Boni Israilre bar ḳoria anmu, oudin tara buzba ami-u Mabud.”

ꠔꠃꠞꠣꠔ ৪: ꠡꠥꠝꠣꠞꠤ 11:23

Mabude zuaf dila, “O Musa, Mabudor kudroti bol oto ḳomzur ni? Te tumi deḳbae, ami tumare zeta ḳoisi, ita hasa, na misa.”

ꠔꠃꠞꠣꠔ ৪: ꠡꠥꠝꠣꠞꠤ 23:23

Iakubor aolador ufre kunu zadu-montro solto nae, Israil zatir ufre kunu tabiz-ḳobze ḳam aito nae. Tarar befare oḳon ou buli koa zae, Allae zeta ḳorsoin ota saia deḳo.

Injil 5: Sahabi Nama 13:17

Ou Israil zatir Allae amrar baf-dada oḳolre fosond ḳorsla, zebla tara Mishor desho musafirit asla, ou shomoy tarare mohan ḳorsila, ar tan moha kudrote tarare hikan taki bar ḳori anchila.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:39

Sinta-babna ḳoria deḳo hou tain-u ami, ami saṛa Mabud nai ikan zancho ni. Ami-u marilai ami-u basai, ami-u to zoḳom ḳori ami dei balai. Ama taki basailito shaiddo ase ḳar, hayat moutor malik ami Allahu Akbar.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:34

Tumra tallash ḳori deḳo, tumrar Mabud Allae tumrar sokur samne Mishor desho tumrar lagi zotota ḳorsoin, asta zogotor kunu deb-debie ila ḳorto farse ni? Ila forikka loa, kudroti nishana deḳani, laṛai-zuddo ḳora, mozbut ator bol deḳani, boṛo boṛo taijjubi lila-ḳela ar ḍor-ḳof deḳaia, zekunu zatire oinno zatir bitre taki bar ḳori ania nizor proza banaito farse ni?