ꠔꠃꠞꠣꠔ ২: ꠢꠤꠎꠞꠔ 3:8 - Siloṭi Asmani Kitab (Latin lipi)

⁸ Dekia Mishori oḳlor at taki tarare basaitam ḳori ami nize lamia aisi. Te ami tarare Mishor taki horaia nimugi. Nia roshail zomir bout boṛo shundor eḳ desh dimu. Ikan dud ar mour banḍar-ala desh. Ou desh oilo oḳonkur Kenani, Hiṭṭi, Amuri, Farizi, Hibbi ar Zibuzi oḳlor desh.

Siloṭi Asmani Kitab (Nagri lipi)

⁸ ꠖꠦꠈꠤꠀ ꠝꠤꠡꠞꠤ ꠅꠇꠟꠞ ꠀꠔ ꠕꠣꠇꠤ ꠔꠣꠞꠣꠞꠦ ꠛꠣꠌꠣꠁꠔꠣꠝ ꠇꠞꠤ ꠀꠝꠤ ꠘꠤꠎꠦ ꠟꠣꠝꠤꠀ ꠀꠁꠍꠤ। ꠔꠦ ꠀꠝꠤ ꠔꠣꠞꠣꠞꠦ ꠝꠤꠡꠞ ꠕꠣꠇꠤ ꠢꠞꠣꠁꠀ ꠘꠤꠝꠥꠉꠤ। ꠘꠤꠀ ꠞꠡꠣꠁꠟ ꠎꠝꠤꠞ ꠛꠃꠔ ꠛꠠ ꠡꠥꠘ꠆ꠖꠞ ꠄꠇ ꠖꠦꠡ ꠖꠤꠝꠥ। ꠁꠈꠣꠘ ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠖꠦꠡ। ꠅꠃ ꠖꠦꠡ ꠅꠁꠟ ꠅꠈꠘꠇꠥꠞ ꠇꠦꠘꠣꠘꠤ, ꠢꠤꠐ꠆ꠐꠤ, ꠀꠝꠥꠞꠤ, ꠚꠣꠞꠤꠎꠤ, ꠢꠤꠛ꠆ꠛꠤ ꠀꠞ ꠎꠤꠛꠥꠎꠤ ꠅꠇꠟꠞ ꠖꠦꠡ।

ছিলটি আছমানি কিতাব (বাংলা লিপি)

⁸ দেখিয়া মিসরী অকলর আত থাকি তারারে বাচাইতাম করি আমি নিজে লামিয়া আইছি। তে আমি তারারে মিসর থাকি হরাইয়া নিমুগি। নিয়া রসাইল জমির বউত বড় সুন্দর এক দেশ দিমু। ইখান দুধ আর মউর ভান্ডার আলা দেশ। অউ দেশ অইলো অখনকুর কেনানী, হিট্টী, আমোরী, ফারিজী, হিব্বী আর যিবুজী অকলর দেশ।

ꠔꠃꠞꠣꠔ ২: ꠢꠤꠎꠞꠔ 3:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 11:5

Manshe ze usa gor ar shohor banaira ikṭa deḳat Mabud lami aila.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 11:7

Te ao, amra lamia gia tarar bulir maze gulmal lagai dei, zate tara eḳzone aroḳzonor mat buzto na fare.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 15:13

Ou Mabude tanre ḳoila, “Tumi nichchoy oia zanio, tumar oarish oḳole oula desho gia roiba zeḳṭa tarar nizor nae. Hono tara kub zulum-mosibotor maze roia sair-sho boros forzonto gulami korba.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 15:14

Ar ze zatie tarare gulam banaiba, ami hi zatir bisar ḳormu. Bade tara bout don-doulot loia hon tone bar oia aiba.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:21

Erlagi ami tole lamia gia deki, ami zela nalish huniar, ita hasau oula ḳaraf ki na. Ar na oile-o to deḳmu.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 43:11

Ou tarar baf Israile ḳoila, “Oula oile ek kam ḳoro, tumra zarzir begor maze onor bala bala mal, agor, mou, kushboy moshla, meshke-ambor, pesta ar badam boria hou manshor lagi salami loia zao.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 46:4

Ami tumar loge loge Mishoro zaimu, ar ami-u tumare hirbar firaia anmu ar tumar fua Iusufe tumar souk muzaia dibo.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 50:24

Bade Iusufe tan baiaintore ḳoila, “Amar to moutor oḳt aichche, nisoy Allae tumrar bae nozor raḳba. Tain Ibrahim, Isʼhak ar Iakubor gese ze desh dita ḳori kosom ḳorsoin, tumrare on taki hou desho loia zaiba.”

ꠎꠛꠥꠞ ꠡꠞꠤꠚ 12:5

“Gorib-dukir zulum dekia ami Mabud ubaimu, nirufayor dilor ḳandon ami nichchit hunimu. Shay-shantie din ḳaṭaito zara dile-zane sae, tarar asha ḳormu furon ami Allae.”

ꠎꠛꠥꠞ ꠡꠞꠤꠚ 12:6

Mabudor zobano to kunu ḳad nai, ḳosṭi-fattoro zela rufa oy zasai, shatbaror aguindi saf ḳora rufa, tan zoban ḳaṭi nikut-nikad ola.

ꠎꠛꠥꠞ ꠡꠞꠤꠚ 34:8

Zasai ḳoria deḳo Mabud ḳoto meherban, boṛo ḳofali hou zon ze asroy loy sayat tan.

ꠔꠃꠞꠣꠔ ২: ꠢꠤꠎꠞꠔ 12:41

Ṭik ou sair-sho tish boros fura oibar dino Mabudor hokkol bonda, sifai dolor laḳan hazia Mishor desh taki bar oila.

ꠔꠃꠞꠣꠔ ২: ꠢꠤꠎꠞꠔ 12:51

Mabude hou din-u sifai dolor laḳan ḳori, Boni Israil oḳolre Mishor desh taki bar ḳori anla.

ꠔꠃꠞꠣꠔ ২: ꠢꠤꠎꠞꠔ 13:5

Mabude tumrar baf-dadar gese oada ḳorsoin, Kenani, Hiṭṭi, Amuri, Hibbi ar Zibuzi oḳlor desho tumrare nibagi. I desh dud ar mour banḍar-ala desh. Te hono gia harle-o tumra forteḳ bosor Abib sandor ou id adae ḳorio.

ꠔꠃꠞꠣꠔ ২: ꠢꠤꠎꠞꠔ 3:17

Oḳon tain ḳoira, Mishoror gulami taki tumrare basaia Kenani, Hiṭṭi, Amuri, Farizi, Hibbi ar Zibuzi oḳlor dud ar mour banḍar-ala desho tain tumrare nibagi.”

ꠔꠃꠞꠣꠔ ২: ꠢꠤꠎꠞꠔ 34:11

Ami aiz tumrare zeta hukum dimu, ita kial ḳori amol ḳoro. Ami Amuri, Kenani, Hiṭṭi, Farizi, Hibbi ar Zibuzi oḳolre tumrar samna taki kedai dimu.

ꠔꠃꠞꠣꠔ ২: ꠢꠤꠎꠞꠔ 5:23

Feraunor gese tumar ḳota hunanir bad taki-u tumar bonda oḳlor ufre zulum to aro baṛise. Oile tumi to kunta-u ḳorlae na.”

ꠔꠃꠞꠣꠔ ৩: ꠟꠦꠛꠤꠀꠘ 20:24

erlagi-u ami tumrare oada dislam tarar deshre ami tumrar doḳole dimu, tarar hou dud ar mour banḍar-ala desh ami tumrare dan ḳormu. Ami Alla-u tumrar Mabud, zogotor hoḳol zati taki ami-u tumrare alada ḳorsi.

ꠔꠃꠞꠣꠔ ৪: ꠡꠥꠝꠣꠞꠤ 13:18

Hamaia deḳbae, ou deshḳan kila. I deshor bashinda manush ḳom na beshi, tara ḳomzur na boloban.

ꠔꠃꠞꠣꠔ ৪: ꠡꠥꠝꠣꠞꠤ 13:19

Tarar deshḳan bala na mondo? Deshor ṭaun oḳol usa baunḍori oal ḳora, na baunḍori saṛa?

ꠔꠃꠞꠣꠔ ৪: ꠡꠥꠝꠣꠞꠤ 13:27

Tara Musare ḳoila, “Afne amrare ze desho faṭaisla, amra hono gia deḳlam, hi deshḳan hasau dud ar mour banḍar-ala desh. Ou deḳoukka, hou deshor fol.

Injil 4: Hannan 3:13

Zein behesto taḳoin ar behest taki aisoin, hou bin-Adom saṛa ar ḳeu behesto uṭsoin na.

Injil 4: Hannan 6:38

Ami kunu amar morzi mafik kam ḳorat aisi ni? Na, borong zein amare faṭaisoin, tan morzi zugaia ḳam ḳorar lagi-u ami behest taki lamia aisi.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:25

Tara hou desh taki kisu fol-mul ania amrare deḳaia ḳoilo, amrar Mabud Allae amrare ze deshḳan dan ḳorra, ikan to boṛo bala zaga.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:7

Te oḳon tumra hoḳole tambu tulia Amuri oḳlor faṛia elaḳa ar ou elaḳar ḳanda-ḳasar hoḳol zagat zaoar lagi roana o. I zaga hoḳolta oilo gia: Araba morubumi ar ou morubumir ḳanda-ḳasar usa faṛia zaga ar nisa faṛia zaga, Negeb morubumi ar doriar kinara, mani Kenan desh taki arombo ḳoria Lebanon desh oia Furat gang forzonto ita hoḳol zaga.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 27:3

Ar otar ufre ou Tourator tamam hukum-ahkam lekio. Buzrae ni, tumrar moy-murobbir Mabud Allae, dud ar mour banḍar-ala ze deshḳan tumrare dibar oada ḳorsoin, in taki hou desho gia harle,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:11

“Tumrar Mabud Allae tumrar moy-murobbir gese ze desh dibar lagi kosom ḳaisla, ou desho tain tumrar bout balai korba, tumrare bout aolad diba, tumrar foshur falainte bout baichcha diba, zomino bout foshol folibo.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 6:3

O Boni Israil, tumra amar ḳota huno ar hushiar oia ita amol ḳoro, teu tumrar baf-dada oḳlor Mabud Allar oada mafik, hou dud ar mour banḍar-ala desho tumrar balai oibo ar tumra bout baṛibae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:1

Hozrot Musae aro ḳoila, “Huno, tumra ze desh doḳol ḳorat zairae, tumrar Mabud Allae-u tumrare hono niba ar bout zatire tumrar samne taki kedaia hari ita doḳol ḳoraiba. Tain Hiṭṭi, Girgashi, Amuri, Kenani, Farizi, Hibbi ar Zibuzi zatire ḳedai diba, i shato zati-u forimane tumra taki boṛo ar bolala.