ꠔꠃꠞꠣꠔ ২: ꠢꠤꠎꠞꠔ 3:2 - Siloṭi Asmani Kitab (Latin lipi)

² Hono eḳ zonglar maze Mabudor firistae agunir laḳan nuror maz taki tanre deḳa dila. Musae deḳla, zonglar maze aguin zoler oile zongla zoler na.

Siloṭi Asmani Kitab (Nagri lipi)

² ꠢꠘꠅ ꠄꠇ ꠎꠋꠟꠣꠞ ꠝꠣꠎꠦ ꠝꠣꠛꠥꠖꠞ ꠚꠤꠞꠤꠡ꠆ꠔꠣꠄ ꠀꠉꠥꠘꠤꠞ ꠟꠣꠈꠣꠘ ꠘꠥꠞꠞ ꠝꠣꠎ ꠕꠣꠇꠤ ꠔꠣꠘꠞꠦ ꠖꠦꠈꠣ ꠖꠤꠟꠣ। ꠝꠥꠍꠣꠄ ꠖꠦꠈꠟꠣ, ꠎꠋꠟꠣꠞ ꠝꠣꠎꠦ ꠀꠉꠥꠁꠘ ꠎꠟꠦꠞ ꠅꠁꠟꠦ ꠎꠋꠟꠣ ꠎꠟꠦꠞ ꠘꠣ।

ছিলটি আছমানি কিতাব (বাংলা লিপি)

² হনো এক জংলার মাজে মাবুদর ফিরিস্তায় আগুনির লাখান নুরর মাজ থাকি তানরে দেখা দিলা। মুছায় দেখলা, জংলার মাজে আগুইন জলের অইলে জংলা জলের না।

ꠔꠃꠞꠣꠔ ২: ꠢꠤꠎꠞꠔ 3:2 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 21:17

Fuagur ḳandon Allae hunla, ar Allar firistae asman tone ḍakia Hazerare ḳoila, “Hazera, O Hazera, tumar kita oise? Ḍoraio na, fuagu zeno ase, hon taki-u tar ḳandon Allae hunchoin.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:11

Ou Mabudor firistae asman tone tane ḍaḳ dila, “Ibrahim! O Ibrahim!” Tain ḳoila, “Ounu ami.”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 48:16

hou firista, zein amare hoḳol mosibot taki basaisoin, tain-u ou duio fuare borkot nazil ḳoroukka. Erare dia-u Ibrahim ar Isʼhak ar amar nam zinda taḳouk. Duniair maze tarar bout gusṭi ouk.”

ꠔꠃꠞꠣꠔ ২: ꠢꠤꠎꠞꠔ 19:18

Ar asta Tur faṛ dumae bori gelo, Mabud moulae agunir laḳan nuror surote faṛor ufre toshrif anla. Iṭ-baṭṭar dumar laḳan duma uṛa shuru oilo ar asta faṛ zuṛi bezuita ḳaf shuru oilo.

ꠔꠃꠞꠣꠔ ২: ꠢꠤꠎꠞꠔ 23:20

“Ami tumrar lagi ze zaga zuit ḳori raḳsi, hono tumrare hefazote fosanir lagi, ami tumrar age age eḳzon firista faṭaimu.

ꠔꠃꠞꠣꠔ ২: ꠢꠤꠎꠞꠔ 24:17

Boni Israile Mabudor nuror tozolli deḳla, tara deḳla faṛor ufre agunir laḳan zoler.

ꠔꠃꠞꠣꠔ ২: ꠢꠤꠎꠞꠔ 3:16

Tumi zao, gia Boni Israilor murobbi oḳolre ekḳano dola ḳoria ḳo, hou Alla, zein tumrar baf-dadar Mabud, Ibrahim, Isʼhak ar Iakubor Mabud, tain amare didar dia ḳoisoin, tain tumrar bae kial ḳorsoin, tumrar ufror zulum-mosibot deḳsoin, Mishor desho tumrar bae zeta ḳora or eota tain kial ḳorsoin.

আছমানি কিতাব: মালাখি 3:1

Huno, ami Alla Rabbul Alamine oada ḳoriar, ami amar foygamborre bezimu, tain aiba, aia amar age gia fot ṭik-ṭak korba. Ar tumra ze malikor lagi bar sairae, tain-o aḳta-u tan goro toshrif anba. Ze zonor lagi tumra ashik oigeso ḳoirae, amar niomor hou foygambore toshrif anra.

Injil 2: Markus 12:26

Tourat Kitabo Tur faṛor zongla zolar boyanir maze, murda oḳol zinda oar befare kita leḳa ase, ita afnara foṛsoin na ni? Allae Musa nobire ḳoila, ‘Ami-u Ibrahim, Isʼhak ar Iakubor Alla’.

Injil 3: Luk 20:37

Tur faṛor zalail zonglar boyanir maze Musa nobie buzaisoin, murda oḳol to zinda oia uṭoin, erlagi-u bout age ze nobi oḳol mara gesoin Musae Mabudre hou nobi oḳlor Alla ḳoia ḍakila. Tain Mabudre ḳoila, Ibrahimor Alla, Isʼhakor Alla ar Iakubor Alla.

Injil 4: Hannan 1:14

Ou kalam-u manush surote zonom loila ar amrar maze boshoti korla. Bafor ḳas aolad hishabe tain ze zalal ar mohima faisoin, hou zalal ar mohima amra deḳsi. Tain to hok ar rohomote shullo-ana kamil.

Injil 6: Ruman 8:3

Roḳto-mangshor shorilor bod ḳaishor lagi shoriote amrare basaito farse na, ar shoriote zeta ḳorto farse na, Allae to nize-u ita ḳorsoin. Tain tan nizor ḳas mayar zon Ibnullare amrar laḳan gunagar manshor surote faṭaila, gunar ḳemotare binash ḳorar lagi. Ar ou mayar zonor zan kurbanir mazdi gunar bisar ḳoria tar ḳemotare batil ḳori dila.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:16

Zomin taki deo go Mabud bala bala mal, zalail zonglar nuror malik rohom ḳoro siroḳal, Iusufor matat lamouk amar ou dua, baiain taki mohan zonor talut lamouk ita.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:20

Mono rakio, Mabude tumrare fosond ḳorsoin lua golanir gorom agunir gato taki, tain Mishor desh taki tumrare bar ḳori anchoin, zate tumra tan afon proza o, ar oḳon to hasau tan proza oiso.

ইঞ্জিল ১৪: ২-থিষল: 1:7

Ar tumra zera oḳon ḳoshṭo fairae, Allae amrar loge tumrare-o i koshṭo taki rehai diba. Hozrot Isae zebla tan shoktishali firista oḳol loia, zalail agunir kunḍolit oia behest taki lamia aiba, ou shomoy oula oibo. Zeta manshe Allare sine na ar Hozrot Isar kush-ḳobrir ḳota mane na, Allae itare tarar faona shaza diba.