ꠔꠃꠞꠣꠔ ২: ꠢꠤꠎꠞꠔ 24:8 - Siloṭi Asmani Kitab (Latin lipi)

⁸ Oḳan hunia Musae lou loia manshor ufre siṭaia ḳoila, “I lou oilo Allai milonor hou usillar lou, ze usilla Mabude tan hoḳol shorto mafik tumrar loge boail ḳorsoin.”

Siloṭi Asmani Kitab (Nagri lipi)

⁸ ꠅꠈꠣꠘ ꠢꠥꠘꠤꠀ ꠝꠥꠍꠣꠄ ꠟꠃ ꠟꠁꠀ ꠝꠣꠘꠡꠞ ꠃꠙꠞꠦ ꠍꠤꠐꠣꠁꠀ ꠇꠁꠟꠣ, “ꠁ ꠟꠃ ꠅꠁꠟ ꠀꠟ꠆ꠟꠣꠁ ꠝꠤꠟꠘꠞ ꠢꠃ ꠃꠍꠤꠟ꠆ꠟꠣꠞ ꠟꠃ, ꠎꠦ ꠃꠍꠤꠟ꠆ꠟꠣ ꠝꠣꠛꠥꠖꠦ ꠔꠣꠘ ꠢꠇꠟ ꠡꠞ꠆ꠔ ꠝꠣꠚꠤꠇ ꠔꠥꠝꠞꠣꠞ ꠟꠉꠦ ꠛꠅꠀꠁꠟ ꠇꠞꠍꠂꠘ।”

ছিলটি আছমানি কিতাব (বাংলা লিপি)

⁸ অখান হুনিয়া মুছায় লউ লইয়া মানষর উপরে ছিটাইয়া কইলা, “ই লউ অইলো আল্লাই মিলনর হউ উছিলার লউ, যে উছিলা মাবুদে তান হকল শর্ত মাফিক তুমরার লগে বওয়াল করছইন।”

ꠔꠃꠞꠣꠔ ২: ꠢꠤꠎꠞꠔ 24:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 24:6

Musae kurbanir lour ordeḳ nia ḳoyṭa baṭit toila, ar baki ordeḳ nia kurbani kanar ufre siṭai dila.

ꠔꠃꠞꠣꠔ ৩: ꠟꠦꠛꠤꠀꠘ 8:30

Bade Musae ḳelafoti shomzibar tuṛa fobitro tel nila, ar kurbani kana taki tuṛa lou ania Harun ar tan fuaintor ufre ar tarar lebasor ufre siṭai dila. Ou nomunae Harun ar tan fuaintore, ar tarar lebasre-o fak-fobitro ḳora oilo.

ꠁꠘ꠆ꠎꠤꠟ ১: ꠝꠕꠤ 26:28

Mono ḳorio, ita amar lou. Ou lour zoriae adom zatir boutor guna mafi oibo. Allar loge manshor milonor usilla oilo ou lou.

Injil 2: Markus 14:24

Isae ḳoila, “Ḳao, mono ḳoro ita amar lou. Ou lour zoriae Adom zatir boutor basibar lagi noya usilla ḳaim ḳora oibo.

Injil 3: Luk 22:20

Ḳaoar bade shorbotor fiala ato loia ḳoila, “Amar lour zoriae Allar loge manshor milonor ze noya usilla nazil or, ou fiala oilo er nishana. Amar ou lou tumrar nazator lagi dimu.

Injil 7: 1-Korintia 11:25

Ola ḳaoar bade tain shorbotor fiala loia ḳoila, “Amar lour zoriae Allar loge milonor ze noya usilla ḳaim oibo, ou fiala oilo er nishana. Tumra ou fiala taki kaoar shomoy amare iad ḳorar lagi hamesha ola ḳorio.”

Injil 10: Ifisia 1:7

Al-Mosir fobitro kurbanir usillae tan lour bodla amra gunar shaza taki kalas faisi, amra ou mafi faisi, ita to Alla Pakor ḳas rohomot.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:2

Amrar Mabud Allae Tur faṛo amrar loge eḳ oada-chukti boail ḳorsoin.

Injil 19: Ibrani 10:29

Te sinta ḳori deḳoukka, ze zone Allar ḳas mayar zon Ibnullare gin ḳore, he aro ḳoto boṛo azabor bagi oise! Ze lour usillae he fak-saf oise, Allai hou usillar loure he elami korse, ar ze Pak Ruhe rohomot boḳshia dein, hou ruhre-o beijjot ḳorse.

Injil 19: Ibrani 13:20

Allar loge amrar milon, hor-hameshakur usilla, furafur ḳaim ḳorar lagia, amrar malik Hozrot Isa, nizor lou bilai dia, meṛa falor mohan raḳal bonisoin. Hozrot Isar moutor bade, shanti deura Alla Pake, murda taki tanre zinda ḳorisoin.

ꠁꠘ꠆ꠎꠤꠟ ২১: ১-ꠙꠤꠔꠞ 1:2

Gaibi baf Allae tan munshae tumrare fosond ḳorsoin ar Pak Ruhe fobitro ḳorsoin. Er uddesho oilo, tumra zate Isa al-Mosir baiddo o ar tan lou siṭaia tumrare fak-saf ḳora oy. Allae tumrare besh ḳori rohomot ar shanti dan ḳoroukka.