ꠔꠃꠞꠣꠔ ২: ꠢꠤꠎꠞꠔ 2:3 - Siloṭi Asmani Kitab (Latin lipi)

³ Heshe ar lukaita na faria, tain nol-ḳagṛar eḳ ṭukri loila. Ou ṭukrit maṭia tel ar alḳatra lefia ogur bitre huruttare haraia, gangor soror nol bonor maze toia aila.

Siloṭi Asmani Kitab (Nagri lipi)

³ ꠢꠦꠡꠦ ꠀꠞ ꠟꠥꠇꠣꠁꠔꠣ ꠘꠣ ꠙꠣꠞꠤꠀ, ꠔꠣꠁꠘ ꠘꠟ-ꠈꠣꠉꠠꠣꠞ ꠄꠇ ꠐꠥꠇꠞꠤ ꠟꠁꠟꠣ। ꠅꠃ ꠐꠥꠇꠞꠤꠔ ꠝꠣꠐꠤꠀ ꠔꠦꠟ ꠀꠞ ꠀꠟꠇꠣꠔꠞꠣ ꠟꠦꠙꠤꠀ ꠅꠉꠥꠞ ꠜꠤꠔꠞꠦ ꠢꠥꠞꠥꠔ꠆ꠔꠣꠞꠦ ꠢꠣꠞꠣꠁꠀ, ꠉꠣꠋꠉꠞ ꠌꠞꠞ ꠘꠟ ꠛꠘꠞ ꠝꠣꠎꠦ ꠕꠁꠀ ꠀꠁꠟꠣ।

ছিলটি আছমানি কিতাব (বাংলা লিপি)

³ হেশে আর লুকাইতা না পারিয়া, তাইন নল-খাগড়ার এক টুকরি লইলা। অউ টুকরিত মাটিয়া তেল আর আলকাতরা লেপিয়া অগুর ভিতরে হুরুতারে হারাইয়া, গাংগর চরর নল বনর মাজে থইয়া আইলা।

ꠔꠃꠞꠣꠔ ২: ꠢꠤꠎꠞꠔ 2:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 11:3

Tara eḳe-oinnore ḳoilo, “Ao, amra iṭ banaia aguindi zalai.” Ḳoia-u tara fattoror bodla iṭ ar sun-shurkir bodla tartel lagailo.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 14:10

Siddimor tol zagat tartelor bout gat-gaṛa asil. Sadum ar Amurar bashshain zebla bagia zaira, i shomoy tarar logor ḳeu ḳeu ou tartelor gato foṛi gela, ar baki oḳole bagia faṛo gela.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 6:14

Tumi goforor toḳta dia tumar lagi ekkan zaz banao. Er bitre alga alga kuṭa taḳbo. Ar zazor bare-bitore alḳatra lagaio.

ꠔꠃꠞꠣꠔ ২: ꠢꠤꠎꠞꠔ 1:22

Ita dekia Feraune nizor proza oḳolre hukum dila, “Ibrani oḳlor kunu fuain oile-u tumra Nil nodo falai dio, ḳali fuṛintore zita rakio.”

ꠁꠘ꠆ꠎꠤꠟ ১: ꠝꠕꠤ 2:13

Gonoḳ oḳol gia harle Allar eḳ firistae kuabor maze Iusufre doroshon dia ḳoila, “O Iusuf uṭo, fua ar tan maʼre loia Mishor desho bagia zaogi, bade ami zotodin na ḳoi, otodin hono-u roio. I fuare marilito ḳori Herude tukaibo.”

ꠁꠘ꠆ꠎꠤꠟ ১: ꠝꠕꠤ 2:16

Gonoḳ oḳole Raza Herudre ṭogisoin ḳoria tain kub gusa ḳorla. Erlagi gonoḳ oḳlor ges taki tain ze shomoyor ḳota hunsla, ou shomoy mafik Betelham gau ar er ash-fash elaḳat dui bosor ba tar ḳom boyoshi zoto fuain asla, ita hoḳolre marilibar hukum dila.

Injil 5: Sahabi Nama 7:19

Hi bashshae amrar manshore ṭogaita ar amrar baf-dada oḳlor ufre kub zulum ḳorta, tan niot asil erar huruttain zonmor bade-u zate bare falai deoa oy, ar tara mori zain.