ꠔꠃꠞꠣꠔ ২: ꠢꠤꠎꠞꠔ 2:11 - Siloṭi Asmani Kitab (Latin lipi)

¹¹ Heshe Musa boṛo oigele eḳdin tan nizor zatir baiaintor gese gia deḳla, tara kub ḳoshṭor ḳam ḳorra. Ermaze deḳla, tan nizor Ibrani zatir eḳ beṭare, eḳ Mishorie mair-doir ḳorer.

Siloṭi Asmani Kitab (Nagri lipi)

¹¹ ꠢꠦꠡꠦ ꠝꠥꠍꠣ ꠛꠠ ꠅꠁꠉꠦꠟꠦ ꠄꠇꠖꠤꠘ ꠔꠣꠘ ꠘꠤꠎꠞ ꠎꠣꠔꠤꠞ ꠜꠣꠁꠀꠁꠘ꠆ꠔꠞ ꠉꠦꠍꠦ ꠉꠤꠀ ꠖꠦꠈꠟꠣ, ꠔꠣꠞꠣ ꠈꠥꠛ ꠇꠡ꠆ꠐꠞ ꠇꠣꠝ ꠇꠞꠞꠣ। ꠄꠞꠝꠣꠎꠦ ꠖꠦꠈꠟꠣ, ꠔꠣꠘ ꠘꠤꠎꠞ ꠁꠛꠞꠣꠘꠤ ꠎꠣꠔꠤꠞ ꠄꠇ ꠛꠦꠐꠣꠞꠦ, ꠄꠇ ꠝꠤꠡꠞꠤꠄ ꠝꠣꠁꠞ-ꠗꠁꠞ ꠇꠞꠦꠞ।

ছিলটি আছমানি কিতাব (বাংলা লিপি)

¹¹ হেশে মুছা বড় অইগেলে একদিন তান নিজর জাতির ভাইয়াইন্তর গেছে গিয়া দেখলা, তারা খুব কষ্টর কাম কররা। এরমাজে দেখলা, তান নিজর ইবরানি জাতির এক বেটারে, এক মিসরীয়ে মাইর-ধইর করের।

ꠔꠃꠞꠣꠔ ২: ꠢꠤꠎꠞꠔ 2:11 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 1:11

Teu tara shordar lagaila erare maria-doria zur-zulum ḳoria ḳam ḳoranir lagi. Era Feraunor foshol raḳar lagi Pitum ar Ramashesh namor duiṭa ṭaun-o banaila.

ꠔꠃꠞꠣꠔ ২: ꠢꠤꠎꠞꠔ 3:7

Mabude ḳoila, “Ami Mishor desho amar bonda oḳlor duḳ-mosibot dekiar. Mishori shordar oḳlor zulumor lagi tarar ḳandon huniar. Tarar duk-koshṭo hoḳolta ami deḳsi.

ꠔꠃꠞꠣꠔ ২: ꠢꠤꠎꠞꠔ 5:14

Feraunor zalim shordar oḳole Boni Israilor ufre ze subedar lagaisil, hou shordar oḳol aia subedar oḳolre mair-doir ḳoria zikailo, “Tumra age zotoḳan iṭ ditae, oḳon otoḳan deo na ḳene?”

ꠔꠃꠞꠣꠔ ২: ꠢꠤꠎꠞꠔ 5:4

Mishoror bashshae zuaf dila, “O Musa ar Harun, tumra manshore ḳene ḳamo taki firairae? Zao, tumra-o gia ḳamo lago.

ꠔꠃꠞꠣꠔ ২: ꠢꠤꠎꠞꠔ 5:5

Deḳrae ni, desho tumrar manush bout baṛigesoin, ar tumrar lai faia itae kunu ḳam ḳorra na.”

ꠔꠃꠞꠣꠔ ২: ꠢꠤꠎꠞꠔ 5:9

Tumra tarare aro ḳoshṭor ḳamo lagao, teu itae kunu laḳan baze mat na hunia ḳamor maze mon diba.”

ꠔꠃꠞꠣꠔ ২: ꠢꠤꠎꠞꠔ 6:6

Erlagi tumi gia Boni Israilre ḳo, Mabude ḳoisoin, ami Mabud, ami tumrare Mishori oḳlor tol taki bar ḳoria anmu, tarar gulami taki azad ḳormu. Tarare deḳar moto shaza dia, amar kudroti atdi tumrare ḳalas ḳormu.

ꠔꠃꠞꠣꠔ ২: ꠢꠤꠎꠞꠔ 6:7

Heshe tumrare amar nizor bonda banaimu, ami nize tumrar Alla oimu. Teu tumra buzbae, ami Alla-u tumrar Mabud, ar Mishori oḳlor baror tol taki ami-u tumrare basaisi.

ꠁꠘ꠆ꠎꠤꠟ ১: ꠝꠕꠤ 11:28

“Bar-buza boite boite tumra zera heran oigeso, tumra hoḳol amar gese ao, ami tumrare aram dimu.

Injil 3: Luk 4:18

Amar dilo Mabudor ruhu boshot ḳoroin, tain-u amare ḳelafoti dia bezisoin, gorib oḳlor gese kush-ḳobri zananir lagi. Ar bondi oḳlor gese azadir ḳota, anda oḳlor gese souke deḳar ḳota, zerar ufre zulum or tarare basanir ḳota elan ḳorar lagi bezisoin.