ꠔꠃꠞꠣꠔ ২: ꠢꠤꠎꠞꠔ 16:3 - Siloṭi Asmani Kitab (Latin lipi)

³ Era duio zonor birudde Boni Israile ḳoila, “Haere hae, itar ḳotae amra ḳene ailam, Mabude ḳene nizor ate amrare Mishor desho marla na? Hi shomoy amra gustor ḍegor ḳandat boitam, feṭ boria gust-ruṭi kaitam, oile itae amrare ufashe ar feṭor buke marta ḳori ono anchoin.”

Siloṭi Asmani Kitab (Nagri lipi)

³ ꠄꠞꠣ ꠖꠥꠁꠅꠎꠘꠞ ꠛꠤꠞꠥꠖ꠆ꠖꠦ ꠛꠘꠤ ꠁꠍꠞꠣꠁꠟꠦ ꠇꠁꠟꠣ, “ꠢꠣꠄꠞꠦ ꠢꠣꠄ, ꠁꠔꠣꠞ ꠇꠕꠣꠄ ꠀꠝꠞꠣ ꠇꠦꠘꠦ ꠀꠁꠟꠣꠝ, ꠝꠣꠛꠥꠖꠦ ꠇꠦꠘꠦ ꠘꠤꠎꠞ ꠀꠔꠦ ꠀꠝꠞꠣꠞꠦ ꠝꠤꠡꠞ ꠖꠦꠡꠅ ꠝꠣꠞꠟꠣ ꠘꠣ? ꠢꠤ ꠡꠝꠄ ꠀꠝꠞꠣ ꠉꠥꠡ꠆ꠔꠞ ꠒꠦꠉꠞ ꠇꠣꠘ꠆ꠖꠣꠔ ꠛꠁꠔꠣꠝ, ꠙꠦꠐ ꠜꠞꠤꠀ ꠉꠥꠡ꠆ꠔ-ꠞꠥꠐꠤ ꠈꠣꠁꠔꠣꠝ, ꠅꠁꠟꠦ ꠁꠔꠣꠄ ꠀꠝꠞꠣꠞꠦ ꠃꠙꠣꠡꠦ ꠀꠞ ꠙꠦꠐꠞ ꠜꠥꠇꠦ ꠝꠣꠞꠔꠣ ꠇꠞꠤ ꠅꠘꠅ ꠀꠘꠍꠂꠘ।”

ছিলটি আছমানি কিতাব (বাংলা লিপি)

³ এরা দুইও জনর বিরুদ্ধে বনি ইছরাইলে কইলা, “হায়রে হায়, ইতার কথায় আমরা কেনে আইলাম, মাবুদে কেনে নিজর আতে আমরারে মিসর দেশো মারলা না? হি সময় আমরা গোস্তর ডেগর কান্দাত বইতাম, পেট ভরিয়া গোস্ত-রুটি খাইতাম, অইলে ইতায় আমরারে উপাসে আর পেটর ভুকে মারতা করি অনো আনছইন।”

ꠔꠃꠞꠣꠔ ২: ꠢꠤꠎꠞꠔ 16:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 14:11

Tara Musare ḳoila, “Mishoro ḳoybor dibar zaga nai dekia, amrare martae ḳori ou morubumit loia aiso ni? Tumi ita kita ḳorlae? Ḳene amrare Mishor taki bar ḳorlae?

ꠔꠃꠞꠣꠔ ২: ꠢꠤꠎꠞꠔ 17:3

Manshe fanir fiase ḳahil oia Musar birudde gali-galaz ḳori koila, “Tumi amrare martae ḳori Mishor desh taki ancho ni? Amrare, amrar huruttaintore, amrar foshur falre ana-fanie martae ḳori ono ancho ni?”

ꠔꠃꠞꠣꠔ ২: ꠢꠤꠎꠞꠔ 2:23

Bout din bade Mishoror bashsha morigela. Boni Israile gulamir lagi kator oia ḳanda-ḳaṭi korlo. Tarar ḳandon Allar gese kobul oigelo.

ꠔꠃꠞꠣꠔ ২: ꠢꠤꠎꠞꠔ 5:21

Subedar oḳole ḳoila, “Mabude afnarar faona shaza diba, afnara Feraun ar tar uzir-naziror gese amrare fosa-ganda banaia, amrare kun ḳorar lagi toluar nia tarar ato disoin.”

ꠔꠃꠞꠣꠔ ৪: ꠡꠥꠝꠣꠞꠤ 11:15

Tumi zudi amare i moshkilo falao, te tumar duai dia ḳoiar, oḳon-u amare zane marilao. Ar ḳoiram, ami zudi tumar rohomotor tole taki, te nizor souke nizor behalloti dosha amare deḳaio na.”

ꠔꠃꠞꠣꠔ ৪: ꠡꠥꠝꠣꠞꠤ 11:20

fura eḳ mash bori kaiba. Ḳaite ḳaite tarar naḳedi bar oibo, bade ar zane kulaito nae. Ami ila goṭaimu, ḳaron tumrar loge ze Mabud boshot ḳoroin, ou Mabudre tumra mancho na. Tan samne ḳanda-ḳaṭi koria ḳoiso, Mishor taki horia aoa bule tumrar lagi ṭik oise na.”

ꠔꠃꠞꠣꠔ ৪: ꠡꠥꠝꠣꠞꠤ 14:2

Hozrot Musa ar Harunor birudde bout ḳota-barta matilo. Tara hoḳole milia Musa ar Harunre ḳoilo, “Haere hae! Amra ḳene hou Mishor desho ba morubumit morlam na? Hono mora-u to bala asil.

ꠔꠃꠞꠣꠔ ৪: ꠡꠥꠝꠣꠞꠤ 14:3

Mabude ḳene amrare zuddor moydano marar niote ou desho nira? Honor dushmon oḳole amrar bou-baichchainre ḳaṛia niba. Er taki Mishoro firia zaoa-u amrar lagi bala nae ni?”

ꠔꠃꠞꠣꠔ ৪: ꠡꠥꠝꠣꠞꠤ 16:13

Tumi ou morubumit ania martae ḳori, dud ar mour banḍar-ala hou Mishor desh taki amrare bar ḳori ancho, hi desho to kuntar-u obab asil na. Er bade-o amrar ufre beṭagiri deḳanit lagso.

ꠔꠃꠞꠣꠔ ৪: ꠡꠥꠝꠣꠞꠤ 16:41

Oile bador din-u Boni Israilor manshe Hozrot Musa ar Harunor birudde ber-beri lagailo, tara ḳoilo, “Mabudor bonda oḳolre tumra-u marso.”

ꠔꠃꠞꠣꠔ ৪: ꠡꠥꠝꠣꠞꠤ 21:5

Musa nobi ar Alla Pakor birudde mata-mati lagaila, tara ḳoila, “Amrare Mishor desh taki kene bar ḳori anlae, ou morubumit ania marar lagi ni? Ino to ḳani-o nai, fani-o nai. Ar ola baze ḳani amra dui souke deḳtam fari na.”

Injil 5: Sahabi Nama 26:29

Pauluse ḳoila, “Ami Allar gese ou dua ḳorram, zoldi ouk ba derie ouk, ḳali afne nae, zoto manshe amar aizkur i zobanbondi hunra, era hokkol-u amar laḳan bonizaukka. Ḳali ou shikol bad dia.”

Injil 7: 1-Korintia 4:8

Tumrare dekia to mono or, tumra age-u hokkolta faia doni oigeso, amrare bad dia-u tumra bashsha bonigeso! Tumra hasaror bashsha oile bala-u oito, amra-o tumrar loge bashsha oitam fartam.

Injil 8: 2-Korintia 11:1

O mumin bai oḳol, ami sairam, amar tuṛa be-aḳoli tumra shoijjo ḳoro, ar hasau tumra amare shoijjo ḳorrae-o.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:67

Tumra monor ḍore, zanor maire, souke kunu kul-kinar na dekia ḳali hae hae ḳorbae. Bian oile ḳoibae zoldi rait ouk, ar rait oile ḳoibae zoldi din ouk.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 8:3

Tumrar moy-murobbire ḳani-kuraki na dia ufash raḳla, bade ze ḳani tara sinta na, manna namor ou ḳani kaoaia tain tumrar boṛai-beṭagiri bangisoin. Tain tumrare hikaita saila, ḳali ruṭi kaile-u manush base na, borong Allar fortek kalame-u manshor zan base.