ꠔꠃꠞꠣꠔ ২: ꠢꠤꠎꠞꠔ 13:5 - Siloṭi Asmani Kitab (Latin lipi)

⁵ Mabude tumrar baf-dadar gese oada ḳorsoin, Kenani, Hiṭṭi, Amuri, Hibbi ar Zibuzi oḳlor desho tumrare nibagi. I desh dud ar mour banḍar-ala desh. Te hono gia harle-o tumra forteḳ bosor Abib sandor ou id adae ḳorio.

Siloṭi Asmani Kitab (Nagri lipi)

⁵ ꠝꠣꠛꠥꠖꠦ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠉꠦꠍꠦ ꠅꠀꠖꠣ ꠇꠞꠍꠂꠘ, ꠇꠦꠘꠣꠘꠤ, ꠢꠤꠐ꠆ꠐꠤ, ꠀꠝꠥꠞꠤ, ꠢꠤꠛ꠆ꠛꠤ ꠀꠞ ꠎꠤꠛꠥꠎꠤ ꠅꠇꠟꠞ ꠖꠦꠡꠅ ꠔꠥꠝꠞꠣꠞꠦ ꠘꠤꠛꠣꠉꠤ। ꠁ ꠖꠦꠡ ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠖꠦꠡ। ꠔꠦ ꠢꠘꠅ ꠉꠤꠀ ꠢꠣꠞꠟꠦꠅ ꠔꠥꠝꠞꠣ ꠙꠞꠔꠦꠇ ꠛꠍꠞ ꠀꠛꠤꠛ ꠌꠣꠘ꠆ꠖꠞ ꠅꠃ ꠁꠖ ꠀꠖꠣꠄ ꠇꠞꠤꠅ।

ছিলটি আছমানি কিতাব (বাংলা লিপি)

⁵ মাবুদে তুমরার বাফ-দাদার গেছে ওয়াদা করছইন, কেনানী, হিট্টী, আমোরী, হিব্বী আর যিবুজী অকলর দেশো তুমরারে নিবাগি। ই দেশ দুধ আর মউর ভান্ডার আলা দেশ। তে হনো গিয়া হারলেও তুমরা পরতেক বছর আবীব চান্দর অউ ইদ আদায় করিও।

ꠔꠃꠞꠣꠔ ২: ꠢꠤꠎꠞꠔ 13:5 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 26:3

Ou desho tumi musafir oia ro. Ami tumar loge roia, tumare borkot nazil ḳormu. I desh oḳol ami tumare ar tumar oarish oḳolre dimu. Ar tumar baf Ibrahimor gese ami ze ḳosom ḳorslam, oḳṭa fura ḳormu.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 50:24

Bade Iusufe tan baiaintore ḳoila, “Amar to moutor oḳt aichche, nisoy Allae tumrar bae nozor raḳba. Tain Ibrahim, Isʼhak ar Iakubor gese ze desh dita ḳori kosom ḳorsoin, tumrare on taki hou desho loia zaiba.”

ꠔꠃꠞꠣꠔ ২: ꠢꠤꠎꠞꠔ 12:24

“Amar batail hukum mono ḳoria tumra ar tumrar aolad oḳole i idre adae ḳorio.

ꠔꠃꠞꠣꠔ ২: ꠢꠤꠎꠞꠔ 13:10

Erlagi forteḳ boros ou oḳt aile-u tumra i niom adae ḳorio.

ꠔꠃꠞꠣꠔ ২: ꠢꠤꠎꠞꠔ 13:11

“Mabude tumrar gese ar tumrar baf-dadaintor gese zela oada ḳorsoin, ou oada mafik tain tumrare Kenani oḳlor desh dan ḳorsoin. Te Mabude hono nia harle,

ꠔꠃꠞꠣꠔ ২: ꠢꠤꠎꠞꠔ 3:17

Oḳon tain ḳoira, Mishoror gulami taki tumrare basaia Kenani, Hiṭṭi, Amuri, Farizi, Hibbi ar Zibuzi oḳlor dud ar mour banḍar-ala desho tain tumrare nibagi.”

ꠔꠃꠞꠣꠔ ২: ꠢꠤꠎꠞꠔ 3:8

Dekia Mishori oḳlor at taki tarare basaitam ḳori ami nize lamia aisi. Te ami tarare Mishor taki horaia nimugi. Nia roshail zomir bout boṛo shundor eḳ desh dimu. Ikan dud ar mour banḍar-ala desh. Ou desh oilo oḳonkur Kenani, Hiṭṭi, Amuri, Farizi, Hibbi ar Zibuzi oḳlor desh.

ꠔꠃꠞꠣꠔ ২: ꠢꠤꠎꠞꠔ 32:13

Tumar afon gulam Ibrahim, Isʼhak ar Iakubor ḳota iad ḳoro. Tumi nizor name ḳosom ḳaia tarare ḳoislae, tarar oarish oḳolre tumi asmanor terar laḳan baṛaibae, ar tumar oada ḳora ou asta deshor malikana-o tarare dibae, ar tara hor-hameshakur lagi er doḳol faiba.”

ꠔꠃꠞꠣꠔ ২: ꠢꠤꠎꠞꠔ 33:1

Mabude Musare ḳoila, “Zao, tumi ou zerare Mishor taki ancho, erare loia oḳon-u i zaga saṛia zaogi. Amar oada ḳora hou desho zao. Ami Ibrahim, Isʼhak ar Iakubor gese oada ḳorslam, tarar oarish oḳolre ou desh oḳol dimu, te tumi tarare loia hono zaogi.

ꠔꠃꠞꠣꠔ ২: ꠢꠤꠎꠞꠔ 34:11

Ami aiz tumrare zeta hukum dimu, ita kial ḳori amol ḳoro. Ami Amuri, Kenani, Hiṭṭi, Farizi, Hibbi ar Zibuzi oḳolre tumrar samna taki kedai dimu.

ꠔꠃꠞꠣꠔ ২: ꠢꠤꠎꠞꠔ 6:4

Ami tarar loge ou oada ḳorslam, ami tumrare Kenan desh dimu, ze desho tumra musafir oia ro, ou desh-u ami tumrare dimu.

ꠔꠃꠞꠣꠔ ২: ꠢꠤꠎꠞꠔ 6:8

Ami Ibrahim, Isʼhak, Iakubor loge ze deshor ḳota oada ḳorsi, hou desho tumrare loia zaimu, tumra hou deshor malik oibae. Ami-u Mabud.”

ꠔꠃꠞꠣꠔ ৩: ꠟꠦꠛꠤꠀꠘ 20:24

erlagi-u ami tumrare oada dislam tarar deshre ami tumrar doḳole dimu, tarar hou dud ar mour banḍar-ala desh ami tumrare dan ḳormu. Ami Alla-u tumrar Mabud, zogotor hoḳol zati taki ami-u tumrare alada ḳorsi.

ꠔꠃꠞꠣꠔ ৪: ꠡꠥꠝꠣꠞꠤ 11:12

Ami kunu tarare feṭo loisi ni, ba tara amar feṭ taki zonmise ni? Tumi tarar baf-dadaintor gese ze desh dibar oada ḳorsilae, tarare hono nibar lagi amare ḳene tarar falok-bafor laḳan banaiso, ar tarare kulo ḳori nibar ḳota ḳene ḳoirae?

ꠔꠃꠞꠣꠔ ৪: ꠡꠥꠝꠣꠞꠤ 13:27

Tara Musare ḳoila, “Afne amrare ze desho faṭaisla, amra hono gia deḳlam, hi deshḳan hasau dud ar mour banḍar-ala desh. Ou deḳoukka, hou deshor fol.

ꠔꠃꠞꠣꠔ ৪: ꠡꠥꠝꠣꠞꠤ 14:16

Mabude Boni Israilre ze desh dibar oada ḳorsla, hi desho loia zaoar ḳemota tan nai, erlagi tain erare morubumit nia marilisoin.

ꠔꠃꠞꠣꠔ ৪: ꠡꠥꠝꠣꠞꠤ 14:30

Ami tumrare ze desh ditam ḳori oada ḳorslam, ḳali Zifunnir fua Kalut ar Nunor fua Iusa saṛa ar ḳeu gia hi desho hamanir ḳofal oito nae.

ꠔꠃꠞꠣꠔ ৪: ꠡꠥꠝꠣꠞꠤ 32:11

ami Mabude ze desh dibar lagi Ibrahim, Isʼhak ar Iakubor gese ḳosom ḳaislam, Mishor taki bar oia aoa manshor maze bish bosor ba er beshi boyoshi kunu zone i desh deḳar shuzug faita nae, ḳenena tara amar ḳota furafur shullo-ana manche na.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:29

“Tumra zoto zatire be-doḳol ḳorbae, tarare tumrar Mabud Allae tumrar samon taki kedaia harle, tumra zebla hou deshor doḳoldari faia hono boshot ḳorbae,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 19:1

Musa nobie tarare aro ḳoila, “Tumrar Mabud Allae zeta deshor doḳoldari dira, honor bashinda oḳolre tain binash ḳoria harle, tumra zebla tarar baṛi-gor ar ṭauno hamaia boshot ḳorbae,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:1

“O Boni Israil huno, tumrar Mabud Allae tumrare ze deshor malikana dira, tumra zebla hou deshor doḳol faia hono boshoti korbae,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:1

Hozrot Musae aro ḳoila, “Huno, tumra ze desh doḳol ḳorat zairae, tumrar Mabud Allae-u tumrare hono niba ar bout zatire tumrar samne taki kedaia hari ita doḳol ḳoraiba. Tain Hiṭṭi, Girgashi, Amuri, Kenani, Farizi, Hibbi ar Zibuzi zatire ḳedai diba, i shato zati-u forimane tumra taki boṛo ar bolala.