ꠔꠃꠞꠣꠔ ২: ꠢꠤꠎꠞꠔ 13:16 - Siloṭi Asmani Kitab (Latin lipi)

¹⁶ Iṭa omon eḳ iadgarir id, at ba ḳofalo banda tabiz-ḳobzor laḳan zanu hamesha sokur samne roy, ar Mabude tan kudroti at dia amrare Mishor taki bar ḳori anchoin, oḳan mono roy.’ ”

Siloṭi Asmani Kitab (Nagri lipi)

¹⁶ ꠁꠐꠣ ꠅꠝꠘ ꠄꠇ ꠁꠀꠖꠉꠣꠞꠤꠞ ꠁꠖ, ꠀꠔ ꠛꠣ ꠇꠙꠣꠟꠅ ꠛꠣꠘ꠆ꠖꠣ ꠔꠣꠛꠤꠎ-ꠇꠛꠎꠞ ꠟꠣꠈꠣꠘ ꠎꠣꠘꠥ ꠢꠣꠝꠦꠡꠣ ꠌꠈꠥꠞ ꠍꠣꠝꠘꠦ ꠞꠄ, ꠀꠞ ꠝꠣꠛꠥꠖꠦ ꠔꠣꠘ ꠇꠥꠖꠞꠔꠤ ꠀꠔ ꠖꠤꠀ ꠀꠝꠞꠣꠞꠦ ꠝꠤꠡꠞ ꠕꠣꠇꠤ ꠛꠣꠞ ꠇꠞꠤ ꠀꠘꠍꠂꠘ, ꠅꠈꠣꠘ ꠝꠘꠅ ꠞꠄ।’ ”

ছিলটি আছমানি কিতাব (বাংলা লিপি)

¹⁶ ইটা অমন এক ইয়াদগারির ইদ, আত বা কপালো বান্দা তাবিজ-কবজর লাখান যানু হামেশা চখুর ছামনে রয়, আর মাবুদে তান কুদরতি আত দিয়া আমরারে মিসর থাকি বার করি আনছইন, অখান মনো রয়।’ ”

ꠔꠃꠞꠣꠔ ২: ꠢꠤꠎꠞꠔ 13:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 12:13

Oile tumrar duaror soukaṭo lefa lou deḳle ami buzmu i goro tumra ro. Erlagi ami Mishor desho gozob ḍalibar shomoy, lou lefa ou gor bad dia samnedi zaimu. Moutor gozob tone tumra rehai faibae.

ꠔꠃꠞꠣꠔ ২: ꠢꠤꠎꠞꠔ 12:41

Ṭik ou sair-sho tish boros fura oibar dino Mabudor hokkol bonda, sifai dolor laḳan hazia Mishor desh taki bar oila.

ꠔꠃꠞꠣꠔ ২: ꠢꠤꠎꠞꠔ 13:14

“Tumrar fuainte zebla zikaiba, ita kitar lagi kora lage? Tumra zuaf dio, ‘Mabude tan kudroti at dia amrare Mishoror gulami taki azad ḳori anchoin.

ꠔꠃꠞꠣꠔ ২: ꠢꠤꠎꠞꠔ 13:9

Ou laḳan tumra zarzir aolad oḳolre Mabudor hukum talim dio, zate tumrar mono roy, Mabude tan kudroti at dia tumrare Mishor desh taki bar ḳori anchoin. Tumrar ator ba ḳofalor tabiz-ḳobzor laḳan, ou talimre-o hamesha sokur samne rakio.

ꠔꠃꠞꠣꠔ ২: ꠢꠤꠎꠞꠔ 6:1

Mabude Musare ḳoila, “Feraunor kita dosha oy tumi dekio, amar ator zur deḳle-u he manshore saṛi dibo. Zurala ator kudrot deḳle-u he tar desh taki erare ḳedai dibo.”

ꠔꠃꠞꠣꠔ ২: ꠢꠤꠎꠞꠔ 6:6

Erlagi tumi gia Boni Israilre ḳo, Mabude ḳoisoin, ami Mabud, ami tumrare Mishori oḳlor tol taki bar ḳoria anmu, tarar gulami taki azad ḳormu. Tarare deḳar moto shaza dia, amar kudroti atdi tumrare ḳalas ḳormu.

ꠁꠘ꠆ꠎꠤꠟ ১: ꠝꠕꠤ 23:5

Tara ḳali manshore deḳanir lagi hoḳolta ḳoroin. Allar kalamor ayat dia boṛo boṛo tabiz bandoin ar nizor forezgari deḳanir lagi lamba lamba faugṛi bandoin.

Injil 5: Sahabi Nama 13:17

Ou Israil zatir Allae amrar baf-dada oḳolre fosond ḳorsla, zebla tara Mishor desho musafirit asla, ou shomoy tarare mohan ḳorsila, ar tan moha kudrote tarare hikan taki bar ḳori anchila.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 11:18

Erlagi tumrar monor maze, tumrar dilor bitre amar ou hukum ḳan gatia rakio, tumrar duio ato ita nishana hishabe bandia toio, ar ḳofalor maze-o lagaio.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 26:8

Ar tan bolala-mozbut at baṛaia, kub ḍor-ḳof deḳaia, kudroti lila-ḳela dia ar asanok gozob ḍalia Mishor desh taki amrare bar ḳori anla.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 5:15

Mono rakio, Mishor desho taḳte tumra-o ola gulam aslae, ar tumrar Mabud Allae tan bolala-mozbut kudroti atdi tumrare azad ḳori anchoin. Erlagi tain hukum disoin, tumra Zummabarre fobitro din mantae.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 6:21

Ou shomoy zuaf dio, Mishor desho amra Feraunor gulam aslam, oile Allae tan bolala kudroti at dia amrare bar ḳoria anchoin.