ꠔꠃꠞꠣꠔ ২: ꠢꠤꠎꠞꠔ 11:3 - Siloṭi Asmani Kitab (Latin lipi)

³ Ou haloto Mishori oḳlor nozoro maya faite Mabude shaijjo ḳorla. Ermaze Mishor desho Feraunor uzir-nazir ar proza oḳlor gese Hozrot Musa kub ijjoti bonigela.

Siloṭi Asmani Kitab (Nagri lipi)

³ ꠅꠃ ꠢꠣꠟꠔꠅ ꠝꠤꠡꠞꠤ ꠅꠇꠟꠞ ꠘꠎꠞꠅ ꠝꠣꠄꠀ ꠙꠣꠁꠔꠦ ꠝꠣꠛꠥꠖꠦ ꠡꠣꠁꠎ꠆ꠎ ꠇꠞꠟꠣ। ꠄꠞꠝꠣꠎꠦ ꠝꠤꠡꠞ ꠖꠦꠡꠅ ꠚꠦꠞꠣꠃꠘꠞ ꠃꠎꠤꠞ-ꠘꠣꠎꠤꠞ ꠀꠞ ꠙ꠆ꠞꠎꠣ ꠅꠇꠟꠞ ꠉꠦꠍꠦ ꠢꠎꠞꠔ ꠝꠥꠍꠣ ꠈꠥꠛ ꠁꠎ꠆ꠎꠔꠤ ꠛꠘꠤꠉꠦꠟꠣ।

ছিলটি আছমানি কিতাব (বাংলা লিপি)

³ অউ হালতো মিসরী অকলর নজরো মায়া পাইতে মাবুদে সাইয্য করলা। এরমাজে মিসর দেশো ফেরাউনর উজির-নাজির আর প্রজা অকলর গেছে হজরত মুছা খুব ইজ্জতি বনিগেলা।

ꠔꠃꠞꠣꠔ ২: ꠢꠤꠎꠞꠔ 11:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 12:2

Tumar maz taki ami bout boṛo eḳ zati foyda ḳormu. Tumare rohom-borkot dimu. Ami tumare boṛo ijjoti banaimu, ar tumar usillae asta duniar manshe rohom-borkot faiba.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 39:21

Oile Iusufor ufre Mabudor saya asil, tain Iusufre boṛo zelar sabor gese mayar manush banaila.

ꠔꠃꠞꠣꠔ ২: ꠢꠤꠎꠞꠔ 12:35

Hoḳol Boni Israile Musar foramish moto, Mishori oḳlor shuna-rufar goyna-gaṭi ar ḳafoṛ-sufoṛ kuzia nila.

ꠔꠃꠞꠣꠔ ২: ꠢꠤꠎꠞꠔ 12:36

Mabude ag tone-u Mishori oḳlor dilor maze eḳ doya-maya foyda ḳorsla, zate Boni Israile zeta kuziba, ota-u zanu tarare dein. Ou laḳan ḳori tara Mishori oḳlor bout don-doulot-o ḳobza ḳorla.

ꠔꠃꠞꠣꠔ ২: ꠢꠤꠎꠞꠔ 3:21

Ar ami Mishori oḳlor dilor maze Boni Israilor bae emon eḳ doyar bab foyda ḳoraimu, era zanu Mishor taki kali ate na zain.

Injil 5: Sahabi Nama 7:22

Musa Mishorio ilim ar adob-ḳaislote boṛo oila, tain ḳotae ar ḳame himmoti asla.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:10

Hozrot Musar laḳan ila kunu nobi oḳon forzonto Boni Israilor maze zonom loisoin na, zan loge Mabude samna-samni oia batchit ḳorta.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:11

Mabude Musa nobire bezia Mishoror bashsha Feraun ar tar uzir-nazir, tar asta deshor ufre zoto laḳan kudroti nishana ar keramoti kam deḳaisoin, ita-o ar ḳeu ḳorsoin na.

Injil 27: Zaira Kalam 3:9

Zera Ihudi koia nizor forisoy dey otoso asol Ihudi nae, Iblis-Shoytanor dolor hou beiman oḳolre ami tumrar gese anaimu, tumrar fao-o dorai kodombusi koraimu, ar tarare zanai dimu ami tumrare mohobbot ḳori.