ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8 - Siloṭi Asmani Kitab (Latin lipi)

⁸ Te amar forezgarir furuskar to zoma ase, hou hok-insafḳari malike Ruz Hashoror din amare joyor mala furuskar diba. Ita ḳali amare nae, zoto manush ashik oia tan lagi bar saira, tara hoḳolre-u diba.

Siloṭi Asmani Kitab (Nagri lipi)

⁸ ꠔꠦ ꠀꠝꠣꠞ ꠙꠞꠦꠎꠉꠣꠞꠤꠞ ꠙꠥꠞꠥꠡ꠆ꠇꠣꠞ ꠔ ꠎꠝꠣ ꠀꠍꠦ, ꠢꠃ ꠢꠇ-ꠁꠘꠍꠣꠚꠇꠣꠞꠤ ꠝꠣꠟꠤꠇꠦ ꠞꠥꠎ ꠢꠣꠡꠞꠞ ꠖꠤꠘ ꠀꠝꠣꠞꠦ ꠎꠄꠅꠞ ꠝꠣꠟꠣ ꠙꠥꠞꠥꠡ꠆ꠇꠣꠞ ꠖꠤꠛꠣ। ꠁꠔꠣ ꠈꠣꠟꠤ ꠀꠝꠣꠞꠦ ꠘꠣꠄ, ꠎꠔ ꠝꠣꠘꠥꠡ ꠀꠡꠤꠇ ꠅꠁꠀ ꠔꠣꠘ ꠟꠣꠉꠤ ꠛꠣꠞ ꠌꠣꠁꠞꠣ, ꠔꠣꠞꠣ ꠢꠇꠟꠞꠦꠃ ꠖꠤꠛꠣ।

ছিলটি আছমানি কিতাব (বাংলা লিপি)

⁸ তে আমার পরেজগারির পুরুস্কার তো জমা আছে, হউ হক-ইনছাফ কারি মালিকে রোজ হাশরর দিন আমারে জয়র মালা পুরুস্কার দিবা। ইতা খালি আমারে নায়, যত মানুষ আশিক অইয়া তান লাগি বার চাইরা, তারা হকলরেউ দিবা।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:25

Te afnar ḳam to oula nae, hok ar gunagarre eḳloge marilaoa, eḳ homan shaza deoa, afnar lagi to ṭik nae. Zein hara duniar bisar ḳoroin, tain kunu hok insaf ḳorta nae ni?”

ꠎꠛꠥꠞ ꠡꠞꠤꠚ 31:19

Tumar ashik bondar lagi zoma ase ḳoto doya, asroy loise zara tumar sayat aia, hoḳlor samne tarare deḳaiso tumar oto maya.

ꠎꠛꠥꠞ ꠡꠞꠤꠚ 7:11

Alla pake ḳoroin hok bisar, naformanor ufre gusa ḳoroin borabor,

আছমানি কিতাব: মালাখি 3:17

Ami Alla Rabbul Alamine tarar befare ḳoiram, amar ṭik kori raḳa din aile tara amar ḳas samana oiba, tara amar-u bonda oiba. Bafe tar kezmot ḳorra fuare zela maya ḳore, ou laḳan ami-o tarare maya ḳormu.

ꠁꠘ꠆ꠎꠤꠟ ১: ꠝꠕꠤ 24:36

“Hou din ar hi shomoyor befare ḳali amar gaibi baf Alla saṛa ar ḳeu zanoin na. Asmani firista ba Ibnullae-o zanoin na.

ꠁꠘ꠆ꠎꠤꠟ ১: ꠝꠕꠤ 7:22

Hou din aile boute ḳoiba, ‘Munib, munib, amra tumar name gaibi kobor ḳoisi na ni? Tumar name zin-but saṛaisi na ni? Tumar name bout keramoti deḳaisi na ni?’

Injil 3: Luk 10:12

Ami tumrare ḳoiram, kiamotor din lannoti Sadum ṭaunor dosha taki, hi gaur dosha aro ḳoṭin oibo.

Injil 6: Ruman 2:5

Oile tumar fashan dil ar touba na ḳorar monobabor lagi, tumar ufre Allar gozob dola ḳori toirae, Allae zedin gozob zair ḳorba, hok bisar ḳorba, hou dinor lagi shaza dola ḳorrae.

Injil 6: Ruman 8:23

Ḳali ikan nae, amra-o hou ze mohima bade faimu, er foyla kishti hishabe Allai Pak Ruhre oḳon faisi, faia baki kishtir lagi amra-o ola sillaiar. Ar hou kishti faoar dinor lagi bar saiar, ze din amrare Allar aolad hishabe zair ḳora oibo, mani ze din amrar shorilre binashor at taki kalas ḳora oibo.

Injil 7: 1-Korintia 2:9

Oile amra zani, Allar kalame ḳoy, Zara Allare mohobbot ḳoroin, tarar lagi tain zeta raḳsoin, ita ḳeu souke deḳse na, ḳane-o hunche na, dilor maze kunudin sinta-o ḳorse na.

Injil 7: 1-Korintia 3:13

te ḳe kila banaisoin, ita bala ḳori deḳa zaibo. Ruz Hashoror din ita zair oibo, hou din ogni-forikkar mazdi ita kula-mela oibo.

Injil 7: 1-Korintia 9:25

Douṛor ḳelat douṛaia hari manshe ola eḳ mala fae, ze mala bade nosṭo oizae, ar ou mala faoar lagi era bout ḳoṭin niom-ḳanun-o mane. Oile amra to asol okkoy mala faoar lagi ita ḳorram.

Injil 8: 2-Korintia 5:2

Ou ḍera-goro boshot ḳora halote amra lamba ḳori dom falaiar ar dile-zane asha ḳoriar, zate behesti hou noya goror maze amrare gura oy.

Injil 11: Filifia 3:11

Ar zekunu laḳan moron taki zinda oat-o shorik roi.

Injil 12: Kolosia 1:5

Tumra age ze kush-ḳobri mani Allar hok kalam faiso, ou kalam hunia-u tumrar mono eḳ asha zonmise. Ou asha taki-u tumrar iman ar maya foyda oise. Ar tumra asha ḳorrae ze saman faitae, ita to behesto raḳa ase.

ইঞ্জিল ১৩: ১-থিষল: 1:10

Ar murda oḳlor maz taki zenre zinda ḳori tula oise, hou Isa duniat aoar bar saitae faro. Tain oila Allar ḳas mayar zon Ibnulla, behest taki lamia aira, Allar ze gozob aia lamer, i gozob taki ou Isae amrare basaiba.

ইঞ্জিল ১৩: ১-থিষল: 5:4

Bai oḳol, tumra kunu andarir maze boshot ḳorrae ni zen, hou din aḳta-u suror laḳan tumrar ufre aito?

ইঞ্জিল ১৪: ২-থিষল: 2:8

Tain hori gele hou naforman Kane-Dorjal bar oibo. Hozrot Isae mukdi fu dia tare binash ḳorba, ar tan kudroti mohimae azir oia tar bol-shoktire ḳotom ḳorba.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:19

Teu tara nizor lagi emon don zoma ḳorbo, zeta bobishote tarar lagi ekkan mozbut bitor laḳan oibo. Ete hasaror zindegire tara shokto ḳori doria raḳto farbo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:10

Ar Allae oḳon ou rohomot zair ḳorsoin, amrar toraneala Isa al-Mosie duniat toshrif anar mazdi. Al-Mosie to moutor ḳemotare surmar ḳorsoin, tan kush-ḳobrir mazdi siroḳalin nurani zindegir fot kula-mela ḳorsoin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12

Erlagi-u ami ola duk-koshṭo faiar, ta-o ami shorminda nae. Ḳaron ami zani, ami kar ufre borosha ḳorsi. Amar furafur ekin ase, ami tan dorbaro zeta zoma ḳorsi, itare hefazote raḳar ḳemota tan ase, al-Mosie dusrabar toshrif anar din forzonto ita roibo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:18

Ami Ifis ṭauno taḳte tain kila amar kezmot ḳorsla, ita to tumi balamonte-u zano. Malik Isae ola ḳoroukka, zate tan toshrif anar din ein meherbani fain.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:5

Ou laḳan ḳelat lagia ḳeu zudi niom moto na ḳelae, te joyor mala he fae na.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:1

Ami Alla Pakre shakki rakia, ar zein tamam zinda-murdar bisar ḳorba, hou Isa al-Mosire shakki rakia, duniat tan dusrabaror toshrif ana ar tan bashshair duai dia tumare ou ḳoṛa hukum diar.

Injil 17: Titas 2:13

Erloge amrar dilor forom asha furonor lagi bar sai, Allatala ar toraneala Isa al-Mosir shan-mohima zair oar kushi-bashi furonor lagi bar sai.

Injil 19: Ibrani 12:11

Kunu shashonre-u kushir befar mono ḳora oy na, dukor befar-u mono oy, oile zera shashon mania sole, tara bade dindarir shantiala zindegi fae.

Injil 19: Ibrani 9:28

Ṭik ou laḳan, bout manshor gunar buza boibar lagi al-Mosire-o ḳali eḳbar-u kurbani deoa oise. Tain dusrabar toshrif anba, oile gunar kofora bonar lagi aita nae. Ḳali zera ashik oia tan lagi bar sar, tarare furafur nazat ḳorar lagi dusrabar aiba.

Injil 20: Iakub 1:12

Mubarok hou zon, ze zon forikkar shomoy mozbut roy. Forikkat kamiab oile joyor mala hishabe he aḳer faibo. Ou mala tan ashik oḳolre diba ḳori shoyong Alla Pake oada ḳorsoin.

ꠁꠘ꠆ꠎꠤꠟ ২১: ১-ꠙꠤꠔꠞ 1:4

Mani amra ola eḳ donor asha faisi, ze don kunudin nosṭo oito nae, hara zibon noya taḳbo, ermaze ḳaraf kunta taḳto nae. Nazator i don tumrar lagi behesto raḳa oise.

ꠁꠘ꠆ꠎꠤꠟ ২১: ১-ꠙꠤꠔꠞ 5:4

Teu hou fordan raḳal Isae zebla duniat hirbar toshrif anba, ou shomoy tumra furuskar hishabe ola eḳ joyor mala faibae zeta kunudin binash oito nae.

Injil 27: Zaira Kalam 1:7

Huno, tain megor saḳat oia toshrif anra, forteḳe tanre soukdi deḳbo, zara laḳṛidi banail solibo gatia tanre zane marilisil tara-o deḳbo, ar tan lagi duniar hoḳol zatie zure zure ḳandiba. Oula-u ouk, Amin.

Injil 27: Zaira Kalam 19:11

Bade ami deḳlam, behestor duar kula, ar hono dola eḳṭa guṛa ase. Hou guṛar ufre zein toshrif raḳsoin, tan nam oilo, hok ar hok-halali. Tain fak-forezgarie bisar-insaf ar zuddo ḳoroin.

Injil 27: Zaira Kalam 2:10

Tumra ze mosibotor maze foṛbae, i mosibotre eḳdom ḍoraio na. Zano ni, Iblise forikka ḳorar niote tumrar mazor ḳoyzonre zelo dibo, hono tumra dosh din ḳoshṭo faibae. Huno, imanor fote tumra moron forzonto hok-halal roio, teu joyor mala hishabe ami tumrare aḳeror zindegi dimu.

Injil 27: Zaira Kalam 22:20

Ou befar oḳol loia zein zobanbondi dira, tain ḳoira, “Hasau, ami kub zoldi airam.” Amin. Hozrot Isa, afne toshrif anoukka.

Injil 27: Zaira Kalam 4:10

ou shomoy zein toḳto boat asoin, zein siroḳalin zinda, en samne hou sobbishzon murobbi neta noto oia soizda ḳoroin. I neta oḳole zarzir matar taz shinghashonor samne kulia toia ḳoin,

Injil 27: Zaira Kalam 4:4

Ou toḳtor sairo ḳandabae aro sobbishḳan toḳt asil, hou toḳto boat asla sobbishzon murobbi neta. Erar lebas asil dola soḳsoḳa ar matat asil shunar taz.