ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:8 - Siloṭi Asmani Kitab (Latin lipi)

⁸ Mishoror Feraunor zadugir-gunin Zanni ar Zamborie zela Musa nobir birudita ḳorsila, ṭik ou laḳan oguinte-o Allai hokor birudita ḳore. Itar bibeḳ fosi gese, tarar bitre imanor balai nai.

Siloṭi Asmani Kitab (Nagri lipi)

⁸ ꠝꠤꠡꠞꠞ ꠚꠦꠞꠣꠃꠘꠞ ꠎꠣꠖꠥꠉꠤꠞ-ꠉꠥꠘꠤꠘ ꠎꠣꠘ꠆ꠘꠤ ꠀꠞ ꠎꠣꠝ꠆ꠛꠞꠤꠄ ꠎꠦꠟꠣ ꠝꠥꠍꠣ ꠘꠛꠤꠞ ꠛꠤꠞꠥꠗꠤꠔꠣ ꠇꠞꠍꠤꠟꠣ, ꠑꠤꠇ ꠅꠃ ꠟꠣꠈꠣꠘ ꠅꠉꠥꠁꠘ꠆ꠔꠦꠅ ꠀꠟ꠆ꠟꠣꠁ ꠢꠇꠞ ꠛꠤꠞꠥꠗꠤꠔꠣ ꠇꠞꠦ। ꠁꠔꠣꠞ ꠛꠤꠛꠦꠇ ꠙꠌꠤ ꠉꠦꠍꠦ, ꠔꠣꠞꠣꠞ ꠜꠤꠔꠞꠦ ꠁꠝꠣꠘꠞ ꠜꠣꠟꠣꠁ ꠘꠣꠁ।

ছিলটি আছমানি কিতাব (বাংলা লিপি)

⁸ মিসরর ফেরাউনর যাদুগির-গুনিন যান্নি আর যাম্বরিয়ে যেলা মুছা নবীর বিরুধিতা করছিলা, ঠিক অউ লাখান অগুইন্তেও আল্লাই হকর বিরুধিতা করে। ইতার বিবেক পচি গেছে, তারার ভিতরে ইমানর ভালাই নাই।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:8 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 7:11

Ou Feraune-o tar gunin ar zadugir oḳolre anailo, tara-o tarar zadu-montro dia oula deḳaila.

ꠔꠃꠞꠣꠔ ২: ꠢꠤꠎꠞꠔ 7:22

Mishori zadugir oḳole-o tarar zadu-montro saṛia oula ḳorlo, ete Feraunor dil fashan roilo. He erar mato ḳan dilo na, zela Mabude age ḳoisla.

ꠔꠃꠞꠣꠔ ২: ꠢꠤꠎꠞꠔ 8:18

Ar zadugir oḳole-o tarar zadu-montro dia oula mosha banaito sailo, oile farlo na. Manush ar zanuaror maze mosha roilo.

ꠔꠃꠞꠣꠔ ২: ꠢꠤꠎꠞꠔ 8:7

Oile zadugir oḳole-o tarar zadu-montro dia Mishoro oula beng anlo.

Injil 5: Sahabi Nama 15:24

Amra hunlam zen, amrar maz taki koyzon manush gia tarar zobandi afnarare ostir banaia fereshani korar; oile amra to tarare ila ḳamor kunu hukum disi na.

Injil 6: Ruman 1:28

Manshe tar dil taki Alla Pakre maner na dekia, Allae-o tarare ola bod ḳaishor ḳobisi dilor ato saṛi disoin, erlagi tara ota ḳorat roy.

Injil 6: Ruman 16:18

Ḳaron itae amrar malik al-Mosir gulami na ḳoria, tarar feṭor gulami kore. Miṭa miṭa mat matia ar tel malish ḳoria shorol-shuza manshore be-foti banae.

Injil 10: Ifisia 4:14

Teu amra ar huruttar laḳan roitam nae. Manshe shoytani aḳol ḳaṭaia be-fote nibar lagi manshore ze bul talim dey, ou bul talime zanu amrare fanir aula-zaula ḍeur laḳan du-dila na banae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:19

Erloge nizor iman ar forishkar bibeḳre basaio. Kunu kunu manshe bibeḳor buli na mania, nizor imanre nosṭo ḳorilise.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:2

Zeta beiman oḳlor bibeḳ-buddi oshaṛ oigese, otar bonḍamir dae ola oibo.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:5

Ar oshaṛ bibeḳ-ala manshor maze hamesha gulmal lagail-u taḳe. Ita manshor maze Allai hok nai. Tara Isayi imanre duniabi labor ufae mono ḳore.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:15

Te tar befare tumi hushiar roio, he ḳomor bandia amrar toblig kamor birudita ḳorsil.

Injil 17: Titas 1:10

Ḳaron bout beshamal manush asoin, zetae ḳeurore manoin na, beḳama mat matoin, sol-soturi koroin. Zetae mosolmani kam ḳoranir lagi zura-zuri koroin, ami kas ḳori otar ḳota-u ḳoiram.

Injil 17: Titas 1:16

Tara mukdi dabi koroin Allare manoin, oile tarar ḳamor mazdi tanre oshikar ḳoroin. Iguin to noforoti ar obaiddo. Itare kunu bala ḳamo lagail zae na.

ꠁꠘ꠆ꠎꠤꠟ ২২: ২-ꠙꠤꠔꠞ 2:14

Tarar souk zinae bora, gunar ḳam kunu shomoy bond ḳore na. Ostir manshore be-fote ṭania ney. Tarar mon lub-lalosor ustad. Iguin to lannoti!

Injil 23: 1-Hannan 2:18

Baba oḳolre, kiamot daro aichche. Te tumra nichchoy huncho, Kane-Dorjal aoar shomoy oigese. Ar asol ḳota oilo, ermaze bout dorjal aia harsoin. Ota dekia amra buziar, hasau kiamot daro aichche.

Injil 23: 1-Hannan 4:1

O shuna oḳol, duniat bout bonḍo nobi bar oisoin. Erlagi keu zudi aia ḳoy, ami ruhur bole matiram, te tumra zoldi bishash ḳorio na, borong zasai koria deḳo, i ruhu Allar ges taki aise ki na.

Injil 27: Zaira Kalam 2:20

Oile tumra to Izabel namor ou beṭire asroy dirae, erlagi tumrar birudde amar ekkan ḳota ase, tai nizore nobi koia forisoy dey. Amar bonda oḳolre tai zina ḳora ar devtar samnor foshad ḳaoa hikaia be-fote nergi.

Injil 27: Zaira Kalam 2:6

Tumrar to eḳṭa gun ase, Nikulayti oḳole zeta ḳam ḳoroin tumra itare ginna ḳoro, ar ami-o itare gin ḳori.