ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:2 - Siloṭi Asmani Kitab (Latin lipi)

² Manush shartofor oizibo, ṭeḳa-foyshar lalosi, boṛai-beṭagiri deḳani, manshore elami kora, durnam gaoa, ma-bafor obaiddo, nimoḳ-harami korbo ar Allar naformani korbo.

Siloṭi Asmani Kitab (Nagri lipi)

² ꠝꠣꠘꠥꠡ ꠡ꠆ꠛꠣꠞꠕꠙꠞ ꠅꠁꠎꠤꠛ, ꠐꠦꠇꠣ-ꠙꠄꠡꠣꠞ ꠟꠣꠟꠌꠤ, ꠛꠠꠣꠁ-ꠛꠦꠐꠣꠉꠤꠞꠤ ꠖꠦꠈꠣꠘꠤ, ꠝꠣꠘꠡꠞꠦ ꠄꠟꠣꠝꠤ ꠇꠞꠣ, ꠖꠥꠞꠘꠣꠝ ꠉꠣꠅꠀ, ꠝꠣ-ꠛꠣꠚꠞ ꠅꠛꠣꠁꠖ꠆ꠖ, ꠘꠤꠝꠇ-ꠢꠣꠞꠣꠝꠤ ꠇꠞꠛ ꠀꠞ ꠀꠟ꠆ꠟꠣꠞ ꠘꠣꠚꠞꠝꠣꠘꠤ ꠇꠞꠛ।

ছিলটি আছমানি কিতাব (বাংলা লিপি)

² মানুষ স্বার্থপর অইযিবো, টেকা-পয়সার লালচি, বড়াই-বেটাগিরি দেখানি, মানষরে এলামি করা, দুর্নাম গাওয়া, মা-বাফর অবাইধ্য, নিমক-হারামি করবো আর আল্লার নাফরমানি করবো।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:2 Iomraidhean Croise

ꠎꠛꠥꠞ ꠡꠞꠤꠚ 10:3

Mondo zone tar monor bojjatir bahaduri deḳae, lubi manshe Mabudre tuchcho mono ḳoria galiae.

ꠁꠘ꠆ꠎꠤꠟ ১: ꠝꠕꠤ 15:6

te tar ma-bafre ar kunta ḳora lage na. Ou laḳan afnarar baf-dadar mongoṛa niom dia Allar kalam batil ḳorilisoin.

Injil 3: Luk 12:15

Tain manshore ḳoila, “Ḳobordar! Hokkol nomunar lub-lalos tone nizore basao. Ḳaron don-samana baia gele-o itae manshor zan basae na.”

Injil 3: Luk 16:14

Ikan hunia Forishi mozobor manshe Isare loia ḍong-tamsha lagaila, tara to ṭeḳa-foyshare kub maya ḳorta.

Injil 3: Luk 6:35

Te ami tumrare ḳoiram, tumra zarzir dushmonre-o maya ḳorio, tarar balai korio. Bodla faoar asha na ḳoria ḳorzo dio, teu tumrar lagi boṛo boḳshish ase. Tumra Alla Pakor aolad bonbae. Tain to nimoḳ-haram ar ḳaraf manshore-o doya ḳoroin.

Injil 5: Sahabi Nama 5:36

Huno, ou ḳoydin age Tuda name eḳzon manush aia kub boṛo-manshi deḳaisil, ar onuman sair-sho manush tar dolo hamaisil. Tare kun ḳora oilo, ar tar dolor hoḳol manush sairobae sitrigese, ḳeu dolo roise na.

Injil 6: Ruman 11:18

Oḳon tumi-o nizore hou ḳaṭia falail ḍal taki boṛo mono ḳorio na, iad rakio, tumi mul gasre ṭikai raḳso na, borong mul gase-u tumare ṭikaia raḳse.

Injil 8: 2-Korintia 5:15

Tain hoḳlor lagi mara gesla, zate zera zinda asoin, tara zanu ar nizor lagi na basoin. Borong tarar lagi zein mara gesla ar hirbar zinda oisla, tan lagi-u tara basoin.

Injil 11: Filifia 2:21

Baki hoḳole-u Isa al-Mosir befare sinta na ḳoria, tara zarzir dandae asoin.

Injil 12: Kolosia 3:5

Erlagi gunar zeta rifu oḳol tumrar zindegit ase, itare eḳdom binash ḳorilao. Ita oilo hokkol nomunar zina, nafaki, bod ḳaish, ku-sinta, ar lub-lalos, i lub-lalos oilo eḳlaḳan murtipuja.

ইঞ্জিল ১৪: ২-থিষল: 2:4

Baroia “Allar name” zotota ase, ita hokkoltar bifokke ar ebadoti korar zuka hokkoltar bifokke gia, he nizore boṛo mono ḳorbo. He ola-o ḳorbo, Allar ebadot ḳanat boia nizore Alla ḳoia dabi korbo.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:20

I dolo asoin, Huminas ar Sikondor. Erlagi ami itare Iblisor ato shofi disi, zate tara buzta faroin, kufuri mat mata ṭik nae.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:9

Amra to zani, i shoriot kunu forezgar manshor lagi deoa oise na. Ikan deoa oise, zetae Allar ain manoin na, Allare ḍorain na, naformani koroin, gunagar, kuni, nafak ar be-din, ma-bafor kuni,

ꠁꠘ꠆ꠎꠤꠟ ১৫: ১-ꠔꠤꠝꠕꠤ 3:3

Tain zanu modkur ar bod-mizazi na oin, borong tan shobab oibo norom, tain zanu mair-danga ḳorra ba ṭeḳa-foyshar lalosi na oin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:10

Ḳaron hoḳol nomunar bod ḳamor zonom oilo ṭeḳa-foyshar maya. Kunu kunu zon ṭeḳa-foyshar lalose Isayi iman taki horia gia, nizor ufre boṛo duḳ-mosibot ḍakia anche.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:4

he to misa ohonkari, he kunta-u buze na, motobed ḳora, behuda uftami kora tar eḳṭa bemar. Otar ḳarone ingsha-ninda, ḳaijja-fosad, ku-shondoy foyda oy.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:4

Manshe beimani, fuṭani ar beforua bab deḳaibo, Allar ashik na oia duniabi aram-ayeshor ashik oibo.

Injil 20: Iakub 2:8

Pak Kitabo leḳa ase, “Tumar ari-forire nizor laḳan maya ḳorio,” tumra zudi hasau Allar bashshair ou hukum amol ḳoro, te to bala-u ḳorrae.

Injil 20: Iakub 4:16

Oile tumra to boṛai koria fuṭani deḳairae. Ilaḳan fuṭani bala nae.

Injil 20: Iakub 4:6

Oile ita taki amrar ufre Allar rohomot aro beshi. Erlagi kitabor maze leḳa ase, “Boṛai korrar ufre Allae at tuloin, oile norom manshore rohom ḳoroin.”

ꠁꠘ꠆ꠎꠤꠟ ২১: ১-ꠙꠤꠔꠞ 5:5

Ou laḳan zuan oḳole-o tumrar murobbire mania solo. Gulamir beshe hoḳole-u eḳe-oinnor kezmot ḳoro, zela Allar kalamo ase, Allae ohonkarir birudde taḳoin, norom dilor manshore rohom ḳoroin.

ꠁꠘ꠆ꠎꠤꠟ ২২: ২-ꠙꠤꠔꠞ 2:12

Be-aḳol zongli zanuar oḳole na buzia zela nizor kushie sole ar dora ḳaia more, ou bonḍo ustad oḳol-o otar laḳan. Tara zeta buze na, otar-o bodnam gae. Erlagi ou zongli zanuaror laḳan tarar binash ase,

ꠁꠘ꠆ꠎꠤꠟ ২২: ২-ꠙꠤꠔꠞ 2:18

Tara boṛo boṛo beḳama mat mate. Ar zera tuṛa age ku-fot saṛia zan basanir lagi bagisoin, ota manshore shorilor ḳaishe solia bodmaishi korar indon dey.

ꠁꠘ꠆ꠎꠤꠟ ২২: ২-ꠙꠤꠔꠞ 2:3

Lub-lalos ḳoria sol-soturir mat matia, nizor labor ashae tara tumrare ḳamo lagaibo. Tarar faona shaza to bout din taki bar sar, tarar binash-o beshi deri nae.

Injil 26: Ehuda 1:16

Itae to hamesha-u na-sobri koroin, nizor ḳofalre dushoin ar tarar bod ḳaishor boshe soloin. Tarar hoḳol mato nizor boṛai-beṭagiri deḳain, sharto hasilor lagi manshor bozona ḳoroin.

Injil 27: Zaira Kalam 13:1

Bade ami deḳlam, doria taki eḳ zanuar uṭer, tar doshgu hing, shatgu ḳolla, forteḳ hingor matat eḳṭa ḳori taz, ar fortek kollar ufre nanan kufuri nam leḳa.

Injil 27: Zaira Kalam 16:11

Ou zala-zontrona ar shorilor bish fuṛar ḳarone tara behesti Allar birudde kufuri mato roilo, otar bade-o tarar bod ḳamor lagi touba ḳorlo na.

Injil 27: Zaira Kalam 16:21

Asman taki boṛo boṛo fattoror laḳan hil oḳol manshor ufre foṛat roilo. Ita eḳo fattoror uzon oilo, onuman eḳ mon. Ou hilor gozobor lagi manshe Allar birudde kufuri mat matilo, ita asil kub marattok gozob.

Injil 27: Zaira Kalam 16:9

Ou shomoy kub gorome manshor shoril zoligelo, ar ou gozob oḳlor ufre zan ḳemota ase, hou Allar birudde tara kufuri mat matilo. Ototar bade-o tara touba ḳorlo na, ba Allar tarif-o ḳorlo na.