ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:17 - Siloṭi Asmani Kitab (Latin lipi)

¹⁷ zate Allar bonda oḳol ufozukto bonia hoḳol nek kamor lagi zuit oin.

Siloṭi Asmani Kitab (Nagri lipi)

¹⁷ ꠎꠣꠔꠦ ꠀꠟ꠆ꠟꠣꠞ ꠛꠘ꠆ꠖꠣ ꠅꠇꠟ ꠃꠙꠎꠥꠇ꠆ꠔ ꠛꠘꠤꠀ ꠢꠇꠟ ꠘꠦꠇ ꠇꠣꠝꠞ ꠟꠣꠉꠤ ꠎꠥꠁꠔ ꠅꠁꠘ।

ছিলটি আছমানি কিতাব (বাংলা লিপি)

¹⁷ যাতে আল্লার বন্দা অকল উপযুক্ত বনিয়া হকল নেক কামর লাগি জুইত অইন।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:17 Iomraidhean Croise

Injil 5: Sahabi Nama 9:36

Jafa shohoro Ṭabita name eḳzon mumin beṭi asla, Iunani bashae Ṭabita namor orto Dorka, mani horini, tain hoḳol shomoy bala ḳam ḳorta ar goribre shaijjo ḳorta.

Injil 8: 2-Korintia 9:8

Allae tumrare hoḳol laḳan rohom-borkot dita faroin. I ḳemota tan ase, zate tumrar dorḳari hoḳolta hamesha tumrar gese taḳe, ar nek kamor lagi kula ate ita bilaitae faro.

Injil 10: Ifisia 2:10

Amra to Alla Pakor ator foyda. Tain al-Mosir ummot hishabe amrare hirbar noya ḳori foyda ḳorsoin, zate amra nek kam ḳori. Ou nek kam tain age taki-u ṭik koria raḳsila zate amra ola zindegi kaṭai.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11

Oile tumi to Allar bonda, tumi ita bod ḳam taki horia ro. Tumi fak-forezgar zindegi, Allar ḍor-ḳof, iman, mohobbot, sobor, ar norom shobabor bae kiali o.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:21

Te zeta manush ou nisa ḳamor ashbabor laḳan, itar ges taki horia aia ḳeu zudi nizore fak-saf ḳorilae, te he shommani zinish bonizae. Tare fobitro hishabe alada ḳori raḳa oibo. He tar malikor ḳamo lagbo ar hoḳol nomunar nek kamor lagi zuit oibo.

Injil 17: Titas 1:16

Tara mukdi dabi koroin Allare manoin, oile tarar ḳamor mazdi tanre oshikar ḳoroin. Iguin to noforoti ar obaiddo. Itare kunu bala ḳamo lagail zae na.

Injil 17: Titas 2:14

Isa al-Mosie to amrare basanir lagi tan nizor zan kurbani dilaisoin, zate hoḳol guna taki amrare ḳalas ḳori anta faroin, ar ou laḳan eḳdol manshore fak-fobitro ḳoroin, zera ḳali tan nizor oiba, zera nek kamor ashik oiba.

Injil 17: Titas 3:1

Allar bonda oḳolre mono ḳorai deo, tara zanu deshor raza ar shorḳari niomor odine roin, tara obaiddo na oin, manshor hoḳol nomunar ufoḳar ḳorar lagi zuit taḳoin.

Injil 19: Ibrani 10:24

Amra eḳe-oinnor lagi kial ḳori, mohobbot ar nek kam ḳorar lagi eḳe-oinnore shaosh-foramish dei.

Injil 19: Ibrani 13:21

Hoḳol nek kamor tofik deukka, tan morzi zugaia solar, ar tain zeta fosond ḳoroin, dilo otar eshki deukka, Isa al-Mosir zoriae, en mohima hor-hamesha rouk, Amin.