ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:24 - Siloṭi Asmani Kitab (Latin lipi)

²⁴ Malik Isar gulame ḳaijja-fosad ḳora ṭik nae, ein borong hoḳlor bae doyal oite oibo, ein manshore talim deoar ḳemota ar sobor-shokti taḳte oibo.

Siloṭi Asmani Kitab (Nagri lipi)

²⁴ ꠝꠣꠟꠤꠇ ꠁꠍꠣꠞ ꠉꠥꠟꠣꠝꠦ ꠇꠣꠁꠎ꠆ꠎꠣ-ꠚꠍꠣꠖ ꠇꠞꠣ ꠑꠤꠇ ꠘꠣꠄ, ꠄꠁꠘ ꠛꠞꠋ ꠢꠇꠟꠞ ꠛꠣꠄ ꠖꠄꠀꠟ ꠅꠁꠔꠦ ꠅꠁꠛ, ꠄꠁꠘ ꠝꠣꠘꠡꠞꠦ ꠔꠣꠟꠤꠝ ꠖꠦꠅꠀꠞ ꠈꠦꠝꠔꠣ ꠀꠞ ꠍꠛꠞ-ꠡꠇ꠆ꠔꠤ ꠕꠣꠇꠔꠦ ꠅꠁꠛ।

ছিলটি আছমানি কিতাব (বাংলা লিপি)

²⁴ মালিক ইছার গুলামে কাইজ্জা-ফসাদ করা ঠিক নায়, এইন বরং হকলর বায় দয়াল অইতে অইবো, এইন মানষরে তালিম দেওয়ার খেমতা আর ছবর-শক্তি থাকতে অইবো।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:24 Iomraidhean Croise

ꠁꠘ꠆ꠎꠤꠟ ১: ꠝꠕꠤ 12:19

Tain kunu torka-torki ba silla-silli korta nae, fote-gaṭe kunu manshe tan aoaz hunto nae.

Injil 4: Hannan 6:52

Ikan hunia Ihudi neta oḳlor maze torka-torki lagigelo. Tara eḳe-oinne ḳoilo, “I beṭae ḳemne tar shorilor gust amrare ḳaoaibo?”

Injil 5: Sahabi Nama 15:2

Ita loia Hozrot Paulus ar Barnabasor loge ou manush oḳlor kub ḳota ḳaṭaḳaṭi oilo. Bade ṭik oilo, Paulus ar Barnabas Antiokiar ḳoyzon imandarre loge loia Zeruzalemo zaiba, gia tara sahabi ar zomator murobbi oḳlor loge i bishoye batchit ḳorba.

Injil 5: Sahabi Nama 23:9

I gonḍogul bout boṛo oigelo, teu Forishi dolor ḳoyzon moulanae ubaia torka-torki kori koila, “Amra to i manshor kunu dush deḳram na. Kunu ruhu ba firistae to tar loge ila batchit ḳorta faroin.”

Injil 5: Sahabi Nama 7:26

Bador din Musae duizon Israilire mair ḳorat dekia, tarare mil-mish ḳorar niote ḳoila, ‘Oi tumra to bai bai, te tumra ḳene eḳzone aroḳzonor loge maramari korrae?’

Injil 8: 2-Korintia 10:1

O mumin baiain, al-Mosir norom ar doyalu babor ḳota iad ḳoria, ami Pauluse tumrare minot ḳoriar, manshe ḳoin, ami zebla tumrar loge roi, ou shomoy ami bule ḍorai ḍorai taki, ar horia gia harle shaoshi oizai.

Injil 8: 2-Korintia 10:4

Duniabi sifaie zeta ostro-shostro dia laṛai koroin, amra to ita dia laṛai kori na, Allai bole amrar ostro-shostroe faṛor ufror bankar-o bangilto fare.

Injil 8: 2-Korintia 6:4

Borong hoḳol befare amra forman deḳairam, amra Allar kezmotḳari. Bout duk-koshṭo, zulum-mosibot, ar bifod-afod shoijjo ḳoria itar forman diram.

Injil 9: Galatia 5:22

Oile Pak Ruhe sola zindegir fol oilo mohobbot, kushi-bashi, shanti, sobor ḳora, doyalu bab, bala-manshi kora, hok-halali roa,

Injil 10: Ifisia 4:2

Tumrar asar-bebohar zanu furafur miṭa ar norom oy. Forteḳe sobor ḳoro ar dilo mohobbot rakia eḳe-oinnore shoijjo ḳoro.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:5

Mabudor zoban mafik, tan gulam Musa nobir ufat ou Muab desho-u oilo.

Injil 11: Filifia 2:14

Tumra kunuzat torka-torki ba ḳaijja-fosad na ḳoria hoḳol ḳam ḳoro.

Injil 11: Filifia 2:3

Nizor labor asha ba beṭagiri deḳanir lagi kunta ḳorio na, borong noto oia nizor saite oinnore beshi dam deo.

Injil 12: Kolosia 3:13

Eḳe-oinnore shoijjo ḳoro, ḳeuror birudde tumrar kunu nalish taḳle tare maf ḳori deo. Malike zela tumrare maf ḳorsoin, tumra-o oula eḳe-oinne maf ḳora zorur.

ইঞ্জিল ১৩: ১-থিষল: 2:7

Amra ichcha ḳorle to al-Mosir sahabi hishabe tumrar ufre dabi kaṭaitam farlam one. Oile er bodla, maʼe zela nizor huruttainre zoy-zoton ḳoroin, tumrar loge taḳar shomoy amra-o ola norom bebohar ḳorsi.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:11

Oile tumi to Allar bonda, tumi ita bod ḳam taki horia ro. Tumi fak-forezgar zindegi, Allar ḍor-ḳof, iman, mohobbot, sobor, ar norom shobabor bae kiali o.

Injil 17: Titas 1:1

Ami Paulus to Alla Pakor gulam ar Hozrot Isa al-Mosir eḳzon sahabi. Amar dayitto oilo, Allar fosond ḳora bonda oḳolre imanor fote ana, ar Allare mania solar maze ze hokikot ase, ou hokikotre sinai deoa.

Injil 17: Titas 1:7

Allai kamor zimmadari faoae zekunu saloḳdar zanu bodnam saṛa nikut oin. Tain zanu shoirasar, bodragi, nishakur, maramari korra ba haram ruzi-ruzgaror lalosi na oin.

Injil 17: Titas 1:9

Alla Pakor ze hok kalam talim faisoin, tain itare mozbut ḳori doria raḳoin, ar ṭik ou laḳan ḳaṭi talim toblig korta faroin. Erloge zera tan bifokke ase, tarar bul-beaḳoli-o dorai dein.

Injil 17: Titas 3:2

Tara zanu ḳeuror bodnam na gain, ḳaijja-fosad na ḳoroin, borong shanto-shisṭo roia hoḳlor loge norom bebohar ḳoroin.

Injil 20: Iakub 1:1

Ami Iakub, Alla ar Hozrot Isa al-Mosir gulam, duniar nanan desho sitrail Boni Israilor baro gusṭir manshore salam zanairam.

Injil 20: Iakub 3:17

Oile behest taki ze hekmot ae, ikṭa oilo ḳaṭi. Ikṭa shantie bora, soborala ar norom mizazi, doya ar hok kame bora, tar maze kunu har-for ba bonḍami nai.

Injil 20: Iakub 4:2

Zeta tumrar nae, ota tumra mone mone sao, erlagi tumra kun ḳoro. Ar lalos ḳoro oile fao na, erdae tumra mair-dorbar ar ḳaijja ḳoro. Tumra to sao na, erdae fao na.

ꠁꠘ꠆ꠎꠤꠟ ২১: ১-ꠙꠤꠔꠞ 3:8

Heshe hoḳolre ḳoiram, tumra hoḳol eḳ-dila o, eḳe-oinnor duke duki o, baiaintore maya ḳoro, doyalu ar norom dilor manush o.

Injil 26: Ehuda 1:3

O mayar dust oḳol, amra hoḳole mili ze nazator bagi oisi, ou nazator befare ami kub kiali oia tumrar gese leḳtam saisi. Ermaze buzlam, aro dorḳar ase imanor lagi laṛair befare lekia tumrare utshaho deoa. Allae tan pak bonda oḳolre siroḳalor lagi ze imani don disoin, ou Isayi imanor fokke dile-zane laṛai kora to zorur.