ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14 - Siloṭi Asmani Kitab (Latin lipi)

¹⁴ O Timoti, tumi mumin oḳolre amar ou talimḳan mono ḳorai deo. Allar samne tarare hushiar ḳoro, zate aze-baze mat loia torka-torki na ḳoroin, ita mator to kunu dam nai, ita zera hune, tarar shorbonash oy.

Siloṭi Asmani Kitab (Nagri lipi)

¹⁴ ꠅ ꠔꠤꠝꠕꠤ, ꠔꠥꠝꠤ ꠝꠥꠝꠤꠘ ꠅꠇꠟꠞꠦ ꠀꠝꠣꠞ ꠅꠃ ꠔꠣꠟꠤꠝꠈꠣꠘ ꠝꠘꠅ ꠇꠞꠣꠁ ꠖꠦꠅ। ꠀꠟ꠆ꠟꠣꠞ ꠍꠣꠝꠘꠦ ꠔꠣꠞꠣꠞꠦ ꠢꠥꠡꠤꠀꠞ ꠇꠞꠅ, ꠎꠣꠔꠦ ꠀꠎꠦ-ꠛꠣꠎꠦ ꠝꠣꠔ ꠟꠁꠀ ꠔꠞ꠆ꠇꠣ-ꠔꠞ꠆ꠇꠤ ꠘꠣ ꠇꠞꠂꠘ, ꠁꠔꠣ ꠝꠣꠔꠞ ꠔ ꠇꠥꠘꠥ ꠖꠣꠝ ꠘꠣꠁ, ꠁꠔꠣ ꠎꠦꠞꠣ ꠢꠥꠘꠦ, ꠔꠣꠞꠣꠞ ꠡꠞ꠆ꠛꠘꠣꠡ ꠅꠄ।

ছিলটি আছমানি কিতাব (বাংলা লিপি)

¹⁴ ও তিমথি, তুমি মুমিন অকলরে আমার অউ তালিম খান মনো করাই দেও। আল্লার ছামনে তারারে হুশিয়ার করো, যাতে আজে-বাজে মাত লইয়া তর্কা-তর্কি না করইন, ইতা মাতর তো কুনু দাম নাই, ইতা যেরা হুনে, তারার সর্বনাশ অয়।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:14 Iomraidhean Croise

ꠁꠘ꠆ꠎꠤꠟ ১: ꠝꠕꠤ 16:26

Kunu manshe asta dunia faia-o zudi tar asol zindegi kuailae, te tar kunu fayda oilo ni? Heshe asol zindegi faoar lagi he kun don bilaibo?

Injil 5: Sahabi Nama 13:10

“O Iblisor baichcha, hoḳol mumini kamor dushmon, tor bitre hoḳol laḳan sol-soturi ar naformanie bora, tui Mabudor sohi fotre teṛa ḳorar fikir bad dite nae ni?

Injil 5: Sahabi Nama 15:24

Amra hunlam zen, amrar maz taki koyzon manush gia tarar zobandi afnarare ostir banaia fereshani korar; oile amra to tarare ila ḳamor kunu hukum disi na.

Injil 6: Ruman 14:1

Tumrar mazor ze bai imane ḳomzur, tare-o afon hishabe shomzo, tar fosond-ofosond loia torka-torki korio na.

Injil 9: Galatia 1:7

Ashole to iṭa kunu kush-ḳobri-u nae. Oile ḳoyzon manush ase, zetae tumrar iman loia ḳeiṛ ḳelaira, tara al-Mosir kush-ḳobrire ulṭa-falṭa ḳorilta saira.

Injil 10: Ifisia 4:17

Erlagi ami amar malikor name tumrare hushiar ḳori diar, bin dormor manshe zela baze sinta ḳoria zindegi kaṭain, tumra ar ila zindegi kaṭaio na.

ইঞ্জিল ১৩: ১-থিষল: 4:1

O baiain huno, Allare kushi korar lagi kemne zindegi kaṭani lage, i talim to tumra amrar ges taki age-u faiso ar tumra ola solrae-o. Erbade-o Hozrot Isar oia tumrare minot ḳoriar ar hushiar ḳoriar, tumra zela solrae, oula aro besh ḳori solo.

ইঞ্জিল ১৪: ২-থিষল: 3:6

Bai oḳol, amrar Hozrot Isa al-Mosir name ou hukum diram, tumrar zomator kunu imandar baie zudi kuṛiami kore ar amra zeta talim disi, ita na mane, te tar loge sola-fira bad dilao.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:4

Tarare ḳoio, tara zate banoaṭ kichcha ar lamba lamba ḳandanor lisṭor bae kiali na oin. Itae to nanan nomunar doladolir zonom dey, Allar ḳamor kunu fayda oy na, Allai fayda mile ḳali imanor mazdi.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:6

Oile kisu manshe ita bad dia banoaṭ mat-ḳotar bae mon dilaise.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 4:8

Shorilor beyam ḳorle kisu fayda oy, oile dilor imani beyame hokkol bae taki fayda oy. Ermaze to ḳali i dunia nae, aḳerator asha-o ase.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 5:21

Huno, Alla Pak, Malik Isa al-Mosi, ar Allar mayar firista oḳolre shakki rakia tumare ou hukum diram, tumi nirofokko roia ita ḳam ḳorio, ḳeurore for ba afon mono ḳorio na.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:13

Oḳon Alla Pakor name, zein hokkoltar zan dein, ar zein hakim Fontio Filator samne nizor befare hok shakki disla, hou Isa al-Mosir name-o tumare ou minoti korram,

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:6

Erlagi oḳon tumare mono ḳorai diram, ami tumar shorilo at rakia ḳelafoti deoae, Allae tumare ze ḳas niamot dan ḳorsoin, i aguin zalaia tulo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:16

Allar birudi aze-baze mat taki duroi ro. Ila mate Allar bae manshor ḍor-ḳof ḳoma dorbo.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:23

Aze-baze be-aḳoli torka-torkit shamil oio na, tumar zana ase, itae ḳali kaijja-fosad baṛae.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:1

Ami Alla Pakre shakki rakia, ar zein tamam zinda-murdar bisar ḳorba, hou Isa al-Mosire shakki rakia, duniat tan dusrabaror toshrif ana ar tan bashshair duai dia tumare ou ḳoṛa hukum diar.

Injil 17: Titas 3:1

Allar bonda oḳolre mono ḳorai deo, tara zanu deshor raza ar shorḳari niomor odine roin, tara obaiddo na oin, manshor hoḳol nomunar ufoḳar ḳorar lagi zuit taḳoin.

Injil 19: Ibrani 13:9

Nanan nomunar noya noya talime zanu tumrare be-fote na ney, ḳana-finar kuṭinaṭi bishoy na tukaia, borong Allar rohomotor ufre ḳaim ro. Ila kuṭinaṭi niomor ufre zera borosha ḳorto, itae to tarar kunu lab oise na.

ꠁꠘ꠆ꠎꠤꠟ ২২: ২-ꠙꠤꠔꠞ 1:13

Ashole ami mono ḳorram, ami zotodin tambur laḳan ou shorile basia roimu, otodin tumrare ota mono ḳorai dia hozag raḳa usit.