ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:13 - Siloṭi Asmani Kitab (Latin lipi)

¹³ Te tumi amar muk taki zoto talim huncho, ou hok talimre zanor ḳoboz mono ḳoria, al-Mosir ufror iman ar mohobbote doria raḳo.

Siloṭi Asmani Kitab (Nagri lipi)

¹³ ꠔꠦ ꠔꠥꠝꠤ ꠀꠝꠣꠞ ꠝꠥꠈ ꠕꠣꠇꠤ ꠎꠔ ꠔꠣꠟꠤꠝ ꠢꠥꠘꠍ, ꠅꠃ ꠢꠇ ꠔꠣꠟꠤꠝꠞꠦ ꠎꠣꠘꠞ ꠇꠛꠎ ꠝꠘꠅ ꠇꠞꠤꠀ, ꠀꠟ-ꠝꠍꠤꠞ ꠃꠙꠞꠞ ꠁꠝꠣꠘ ꠀꠞ ꠝꠢꠛ꠆ꠛꠔꠦ ꠗꠞꠤꠀ ꠞꠣꠈꠅ।

ছিলটি আছমানি কিতাব (বাংলা লিপি)

¹³ তে তুমি আমার মুখ থাকি যত তালিম হুনছো, অউ হক তালিমরে জানর কবজ মনো করিয়া, আল-মসীর উপরর ইমান আর মহব্বতে ধরিয়া রাখো।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:13 Iomraidhean Croise

Injil 6: Ruman 2:20

Be-aḳolre hedayot ḳoriar, huruttainre talim diar. Tumi buzrae, shoriotor bitre hok ar aḳol-buddi ase.

Injil 6: Ruman 6:17

Alla Pakor shukur, age zudio tumra gunar gulam aslae, ta-o Isayi torikar talim faia hari, dile-zane itar ashik oiso.

Injil 11: Filifia 1:27

Asol befar oilo, tumra zarzir zindegire ou nomunae ḳaṭao, ze zindegi al-Mosir kush-ḳobrir laḳ. Teu ami nize aia deki ba duroi taki huni, ami buzmu, tumra dile-zane milia mozbut aso. Ar kush-ḳobrir mazdi ze iman foyda oy, ou imanor lagi hoḳole milia eḳ dile menot ḳorrae.

Injil 11: Filifia 4:9

Tumra amar ges taki ze talim faiso, zeta huncho, zeta deḳso, ar zeta kobul ḳorso ota oḳon amol ḳoro. Teu shanti deora Alla-o tumrar loge loge roiba.

ইঞ্জিল ১৩: ১-থিষল: 5:21

borong hoḳolta zasai kori dekia, balaḳan bitre haraio.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:10

zinakur, shomoḳami, bandi-gulamor ḳarbari, misa matra, misa shakki deora, ek kotae gunogane doni Alla Pakor mohan kush-ḳobrir talimor birudi zeta manush, otar lagi-u i shoriot deoa oise. Ar ou mohan kush-ḳobri tobligor bar tain amare dan ḳorsoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 1:14

Amrar munibe amare ḳoto boṛo meherbani korsoin, Isa al-Mosir torika kobul ḳorle ze iman ar mohobbot foyda oy, ita to amare furafur dan ḳorsoin.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:3

Ḳeu zudi ita bad dia dusra kunu talim dey, ar amrar Malik Isa al-Mosir ḳaṭi talim ar Allar ḍor-ḳofor talimre na mane,

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:1

Ami Paulus to Alla Pakor morzie Hozrot Isa al-Mosir sahabi. Al-Mosir usillae Allar oada ḳora aḳeri zindegir ḳota tobligor lagi sahabi fod faisi.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:14

Allae ze samana hefazote raḳar lagi tumar zimmae disoin, amrar dilor mazor Allai Pak Ruhur bole tumi itar hefazot ḳoro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:2

Ar bout shakkir samne amar mukor zeta talim huncho, ou talimre olaḳan hok-halal manshor ato deo, zera oinno manshore-o talim deoar ufozukto.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:14

Te tumi zeta talim faiso, faia dile-zane ekin ḳorso, er ufre tir taḳo, ḳaron tumi nize zano, i talim ḳar ges taki faiso.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:3

Agedi ola shomoy aibo, zebla hasa talim manshor shoijjo oito nae, borong nizor monor ḳaish furaita ḳori tara olaḳan ustad dorba, zetae tarar mon zugaia mongoṛa talim diba.

Injil 17: Titas 1:9

Alla Pakor ze hok kalam talim faisoin, tain itare mozbut ḳori doria raḳoin, ar ṭik ou laḳan ḳaṭi talim toblig korta faroin. Erloge zera tan bifokke ase, tarar bul-beaḳoli-o dorai dein.

Injil 17: Titas 2:1

Titas huno, tumi manshore olaḳan talim deo, zate tumar mator maze nikut hok talim taḳe.

Injil 17: Titas 2:8

Ḳeu zanu tumar zobanor kunu dush na fae. Tumar oula sal-cholon dekia dushmon oḳol shorminda oiba ar amrar bodnam ḳorar kunu kut faita nae.

Injil 19: Ibrani 10:23

Mumin hishabe amrar dilo ze borosha ase ḳoia shikar ḳori, ao, ou boroshae furafur mozbut roia tan torikae soli, ḳaron zein oada ḳorsoin ein to shullo-ana hok-halali.

Injil 19: Ibrani 3:6

Oile al-Mosi to Allar gor-shongsharor zimmadar hishabe nirbor ḳorar zuka futor laḳan asla. Oḳon amra-o zudi zarzir dilor asha ar himmot rakia mout forzonto ḳaim roi, te deḳa zaibo zen, amra-o Allar gor-shongsharor bagi oisi.

Injil 19: Ibrani 4:14

Amra to ola eḳ fordan imam faisi, zein tamam asman far oia hari Allar arsho toshrif nisoin, tain-u Allar ḳas mayar zon, Isa Ibnulla. Te aukka, amra tan kolimare mozbut ḳori mani.

Injil 26: Ehuda 1:3

O mayar dust oḳol, amra hoḳole mili ze nazator bagi oisi, ou nazator befare ami kub kiali oia tumrar gese leḳtam saisi. Ermaze buzlam, aro dorḳar ase imanor lagi laṛair befare lekia tumrare utshaho deoa. Allae tan pak bonda oḳolre siroḳalor lagi ze imani don disoin, ou Isayi imanor fokke dile-zane laṛai kora to zorur.

Injil 27: Zaira Kalam 2:25

Ḳali tumrar zeta ase, ami na aoa forzonto oḳnainre tumra mozbut ḳori doria roio.

Injil 27: Zaira Kalam 3:11

Huno, ami kub zoldi airam. Tumrar zeta ase otare mozbut ḳori doria raḳo, zate tumrar joyor mala ḳeu ḳaṛia nito na fare.

Injil 27: Zaira Kalam 3:3

Erlagi tumra zeta faiso ar zeta huncho, ota iad raḳo ar amol ḳoro. Tumrar oḳonkur halot taki dil bodlao. Tumra zudi hozag na o, te ami suror laḳan lukaia aimu, kun bala tumrar gese aimu, tumra ṭer-u faitae nae.