ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12 - Siloṭi Asmani Kitab (Latin lipi)

¹² Erlagi-u ami ola duk-koshṭo faiar, ta-o ami shorminda nae. Ḳaron ami zani, ami kar ufre borosha ḳorsi. Amar furafur ekin ase, ami tan dorbaro zeta zoma ḳorsi, itare hefazote raḳar ḳemota tan ase, al-Mosie dusrabar toshrif anar din forzonto ita roibo.

Siloṭi Asmani Kitab (Nagri lipi)

¹² ꠄꠞꠟꠣꠉꠤꠃ ꠀꠝꠤ ꠅꠟꠣ ꠖꠥꠈ-ꠇꠡ꠆ꠐ ꠙꠣꠁꠀꠞ, ꠔꠣ-ꠅ ꠀꠝꠤ ꠡꠞꠝꠤꠘ꠆ꠖꠣ ꠘꠣꠄ। ꠇꠣꠞꠘ ꠀꠝꠤ ꠎꠣꠘꠤ, ꠀꠝꠤ ꠇꠣꠞ ꠃꠙꠞꠦ ꠜꠞꠡꠣ ꠇꠞꠍꠤ। ꠀꠝꠣꠞ ꠙꠥꠞꠣꠙꠥꠞ ꠄꠇꠤꠘ ꠀꠍꠦ, ꠀꠝꠤ ꠔꠣꠘ ꠖꠞꠛꠣꠞꠅ ꠎꠦꠔꠣ ꠎꠝꠣ ꠇꠞꠍꠤ, ꠁꠔꠣꠞꠦ ꠢꠦꠚꠣꠎꠔꠦ ꠞꠣꠈꠣꠞ ꠈꠦꠝꠔꠣ ꠔꠣꠘ ꠀꠍꠦ, ꠀꠟ-ꠝꠍꠤꠄ ꠖꠥꠍꠞꠣꠛꠣꠞ ꠔꠡꠞꠤꠚ ꠀꠘꠣꠞ ꠖꠤꠘ ꠙꠞ꠆ꠎꠘ꠆ꠔ ꠁꠔꠣ ꠞꠁꠛ।

ছিলটি আছমানি কিতাব (বাংলা লিপি)

¹² এরলাগিউ আমি অলা দুখ-কষ্ট পাইয়ার, তা-ও আমি শরমিন্দা নায়। কারন আমি জানি, আমি কার উপরে ভরসা করছি। আমার পুরাপুর একিন আছে, আমি তান দরবারো যেতা জমা করছি, ইতারে হেফাজতে রাখার খেমতা তান আছে, আল-মসীয়ে দুছরা বার তশরিফ আনার দিন পর্যন্ত ইতা রইবো।

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:12 Iomraidhean Croise

ꠎꠛꠥꠞ ꠡꠞꠤꠚ 25:2

ḳali tumar ufre-u borosha ḳori, ogo amar Alla. Shorminda ḳorio na more dushmonor samne, bahaduri na ḳorouk tara amar ufre.

ꠎꠛꠥꠞ ꠡꠞꠤꠚ 31:5

Amar ruhu tumar ato shofia dilailam, O Mabud, hok Alla, basaiso to amar zan.

ꠎꠛꠥꠞ ꠡꠞꠤꠚ 9:10

Tumare sine zara, tumar ufre borosha ḳore tara, Mabud go, tumar tallash ḳorra ashikor log tumi saṛso na.

ꠁꠘ꠆ꠎꠤꠟ ১: ꠝꠕꠤ 12:21

Duniar hoḳol zatie tan ufre-u borosha ḳorba.

ꠁꠘ꠆ꠎꠤꠟ ১: ꠝꠕꠤ 24:36

“Hou din ar hi shomoyor befare ḳali amar gaibi baf Alla saṛa ar ḳeu zanoin na. Asmani firista ba Ibnullae-o zanoin na.

ꠁꠘ꠆ꠎꠤꠟ ১: ꠝꠕꠤ 7:22

Hou din aile boute ḳoiba, ‘Munib, munib, amra tumar name gaibi kobor ḳoisi na ni? Tumar name zin-but saṛaisi na ni? Tumar name bout keramoti deḳaisi na ni?’

Injil 3: Luk 10:12

Ami tumrare ḳoiram, kiamotor din lannoti Sadum ṭaunor dosha taki, hi gaur dosha aro ḳoṭin oibo.

Injil 3: Luk 23:46

Heshe Isae zure aoaz ḳoria ḳoila, “Baba, amar ruhu tumar ato shofia dilailam.” Oḳan ḳoia-u aḳeri dom falaia inteḳal ḳorla.

Injil 4: Hannan 17:15

Ami tumar gese abdar ḳorram na, tumi tarare dunia taki nitaegi, borong ou abdar ḳorram, tumi tarare Iblisor at taki hefazot ḳoro.

Injil 4: Hannan 6:44

Amar ze gaibi bafe amare faṭaisoin, tain ashik na banaile kunu manush-u amar gese aito fare na. Ar ami-u tare Ruz Hashoro zinda halote tulmu.

Injil 5: Sahabi Nama 13:46

Teu Paulus ar Barnabase shaosh ḳoria zuaf dila, “Allar kalam foyla afnaintor gese toblig kora dorḳar asil; oile afnara zebla ita ṭelia horai dira, ar aḳeri zindegi kamai kora dorḳar mono ḳorra na, te amra-o o-Ihudi oḳlor bae nozor firaillam.

Injil 5: Sahabi Nama 13:50

Oile Ihudi oḳole tarar forezgar ḳandani beṭintore ar ṭaunor boṛo boṛo murobbi oḳolre uskaia dilo tara Paulus ar Barnabasor ufre zulum ḳoraia, tarar shimana taki kedaia bar ḳori dilo.

Injil 5: Sahabi Nama 21:13

Pauluse ḳoila, “Tumra ita kita lagailae? Ḳandia amar mon bangi dirae ḳene? Hozrot Isar lagi ami Zeruzalemo ḳali bondi oa-u nae, morte-o tiar asi.”

Injil 5: Sahabi Nama 7:59

Manshe zebla Stifanre fattor marra, ou shomoy tain dua ḳoria ḳoila, “O Malik Isa, amar ruhre kobul ḳoroukka.”

Injil 5: Sahabi Nama 9:16

Ami tare deḳaimu, amar namor lagi tare ḳoto zala-zontrona shoijjo ḳora lagbo.”

Injil 6: Ruman 1:16

Ḳaron Hozrot Isa al-Mosir befare kush-ḳobri toblig korte ami kunu shorom mono ḳori na, ou kush-ḳobri hunia zera iman ane, tarar zan basanir lagi iṭa oilo Allai bol. Foyla Boni Israilor lagi zera eḳ Alla manoin, bade be-din bin zati oḳlor lagi.

Injil 6: Ruman 9:33

I befare Asmani Kitabo leḳa ase, Huno, ami Zeruzalemo ola eḳ fattor boaisi, ze fattoro manshe usṭa ḳaia foṛbo. Oile ze zone tan ufre iman anbo, he kunumonte-u shorminda oito nae.

Injil 7: 1-Korintia 1:8

Ami zani, amrar Hozrot Isa al-Mosie tumrare aḳer forzonto imane mozbut raḳba, zate tain aibar ag forzonto tumra furafur nikut roibae.

Injil 7: 1-Korintia 3:13

te ḳe kila banaisoin, ita bala ḳori deḳa zaibo. Ruz Hashoror din ita zair oibo, hou din ogni-forikkar mazdi ita kula-mela oibo.

Injil 11: Filifia 1:20

Amar kub mozbut ekin ase, ami kunumonte-u shorom faitam nae. Ami furafur shaosh ḳoria age zela al-Mosir gourob zair ḳorsi, ami mori ba basi oḳono ola zair oibo.

Injil 11: Filifia 3:10

Te ami al-Mosire sintam sai, ze kudroti bole tanre mora taki zinda ḳora oisil, ou bolre-o sintam sai. Ami tan duḳ-mosibotor bagi oitam sai, tain zela nizor zan kurbani disla, ami-o ou mouto shorik oitam sai.

Injil 11: Filifia 3:21

Tain aia amrar ou ḳomzur ḳaya bodlaia, tan ḳayar laḳan ḳemota-ala nuror ḳaya diba. Ze kudroti bole tain hokkolta ḳorta faroin, hou bole-u tain ita ḳorba.

Injil 11: Filifia 3:8

Ashole ami zar lagi i keti shikar ḳoriar, ein-u amar Malik Isa al-Mosi. Tanre zanar maze-u hoḳol taki boṛo fayda, tan tulonae bad-baki hokkoltare-u ami keti mono ḳori. Ami zate al-Mosire fai, ar amare zate al-Mosir loge ekḳano milail deḳa zae, ou niote-u ami ita hokkoltare moylar laḳan horaia falaisi.

ইঞ্জিল ১৩: ১-থিষল: 2:16

Tara amrare nished dira, zate bin-dormi manshor gese amra Allai nazator kush-ḳobri toblig na ḳori. Ou laḳan tara zarzir gunar buza boṛo ḳorra. Erlagi tarar ufre Allar ḳaṛa gozob lamche.

ইঞ্জিল ১৩: ১-থিষল: 5:4

Bai oḳol, tumra kunu andarir maze boshot ḳorrae ni zen, hou din aḳta-u suror laḳan tumrar ufre aito?

ꠁꠘ꠆ꠎꠤꠟ ১৫: ১-ꠔꠤꠝꠕꠤ 6:20

O Timoti, tumar zimmae ze shompod deoa oise, i shompod tumi balamonte hefazot ḳoro. Aze-baze aḳolor beḳama biddar bulir du-nosla talim taki horia ro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:14

Allae ze samana hefazote raḳar lagi tumar zimmae disoin, amrar dilor mazor Allai Pak Ruhur bole tumi itar hefazot ḳoro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:16

Bai Anisor foribaror ufre Malik Isae rohom-borkot deukka. Ein bout bar amar zano aram disoin, ami zelo hamaile-o tain kunu shorom mono ḳorsoin na.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:18

Ami Ifis ṭauno taḳte tain kila amar kezmot ḳorsla, ita to tumi balamonte-u zano. Malik Isae ola ḳoroukka, zate tan toshrif anar din ein meherbani fain.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:8

Erlagi amrar Malik Isar befare shakki dite shormaio na, ar tan namor lagi ami zen zelo bondi asi, amare loia-o shormaio na. Borong Allar deoa bole kush-ḳobri tobligor ḳamo amar loge roia duk-koshṭo shoijjo ḳoro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:9

Ar ou kush-ḳobri toblig korae-u ami duk-koshṭo faiar. Dagi ashamir laḳan amare bondi raḳa oise, oile Allar kalam to bondi oise na.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:8

Te amar forezgarir furuskar to zoma ase, hou hok-insafḳari malike Ruz Hashoror din amare joyor mala furuskar diba. Ita ḳali amare nae, zoto manush ashik oia tan lagi bar saira, tara hoḳolre-u diba.

Injil 17: Titas 3:8

Ikan to furafur hasa. Ami saiar, tumi ou befare furafur zur deo, zate Allar ufre zera iman anche, tara nek kam ḳorar kiali oy. Ila nek kam ḳora to hoḳlor lagi bala ar ufoḳari.

Injil 19: Ibrani 12:2

Aukka, amrar nozor raki Malik Isar bae, aual taki aḳer forzonto tain oila amrar imanor mul kuṭi. Tan lagi ze kushi raḳa oise, ou kushir baedi saia, duk-koshṭor solibor ufror moutre-o kobul ḳorla, i beijjotire kunu dam dila na. Ar oḳon arshe-azimo Allar ḍainor toḳto tain toshrif raḳsoin.

Injil 19: Ibrani 2:18

Tain nize forikkat foṛia duk-koshṭo shoijjo ḳorsoin, erlagi-u zera forikkat foṛoin tarare-o tain shaijjo ḳorta faroin.

Injil 19: Ibrani 7:25

Erlagi-u zera tan usilla loia Allar ḳasat ae, Allae tarare furafur nazat dan ḳoroin, ḳaron tarar fokke sufarish ḳorar lagi tain hamesha zinda asoin.

ꠁꠘ꠆ꠎꠤꠟ ২১: ১-ꠙꠤꠔꠞ 1:5

Tumra furafur nazat na faoa forzonto, Allai shoktie imanor mazdi tumrare hefazote raḳa oise. Ou nazat ṭik kora oise, aḳerator shomoy zair oar lagi.

ꠁꠘ꠆ꠎꠤꠟ ২১: ১-ꠙꠤꠔꠞ 4:16

Oile ḳeu zudi Isayi imandar hishabe duk-koshṭo ḳore, te he shorminda na ouk, borong Isayi forisoyor lagi Allar tarif ḳorouk.

ꠁꠘ꠆ꠎꠤꠟ ২১: ১-ꠙꠤꠔꠞ 4:19

Oile Allar morzie zera duk-koshṭo ḳorer, tara nek kam ḳori kori nizor zanre hou hok-halal foyda ḳorrar ato shofi deuk.

Injil 26: Ehuda 1:24

Ar ze Allae tumrare usṭa ḳaoa taki basain, zein nikut halote tumrare kushi-bashie tan shan-tozollir samne azir ḳorta faroin,