ইঞ্জিল ১৪: ২-থিষল: 2:9 - Siloṭi Asmani Kitab (Latin lipi)

⁹ Hi Kane-Dorjal zebla aibo, tar loge roibo shoytani kemota. Ou shoytani kemotae he hoḳol misa keramoti ar muzeza ḳam deḳaibo.

Siloṭi Asmani Kitab (Nagri lipi)

⁹ ꠢꠤ ꠈꠣꠘꠦ-ꠖꠞ꠆ꠎꠣꠟ ꠎꠦꠛꠟꠣ ꠀꠁꠛ, ꠔꠣꠞ ꠟꠉꠦ ꠞꠁꠛ ꠡꠄꠔꠣꠘꠤ ꠈꠦꠝꠔꠣ। ꠅꠃ ꠡꠄꠔꠣꠘꠤ ꠈꠦꠝꠔꠣꠄ ꠢꠦ ꠢꠇꠟ ꠝꠤꠍꠣ ꠇꠦꠞꠣꠝꠔꠤ ꠀꠞ ꠝꠥꠎꠦꠎꠣ ꠇꠣꠝ ꠖꠦꠈꠣꠁꠛ।

ছিলটি আছমানি কিতাব (বাংলা লিপি)

⁹ হি খানে-দর্জাল যেবলা আইবো, তার লগে রইবো শয়তানি খেমতা। অউ শয়তানি খেমতায় হে হকল মিছা কেরামতি আর মোজেজা কাম দেখাইবো।

ইঞ্জিল ১৪: ২-থিষল: 2:9 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 7:22

Mishori zadugir oḳole-o tarar zadu-montro saṛia oula ḳorlo, ete Feraunor dil fashan roilo. He erar mato ḳan dilo na, zela Mabude age ḳoisla.

ꠔꠃꠞꠣꠔ ২: ꠢꠤꠎꠞꠔ 8:18

Ar zadugir oḳole-o tarar zadu-montro dia oula mosha banaito sailo, oile farlo na. Manush ar zanuaror maze mosha roilo.

ꠔꠃꠞꠣꠔ ২: ꠢꠤꠎꠞꠔ 8:7

Oile zadugir oḳole-o tarar zadu-montro dia Mishoro oula beng anlo.

ꠁꠘ꠆ꠎꠤꠟ ১: ꠝꠕꠤ 12:22

Bade manshe zinor asor-ala eḳ beṭare Isar gese loia ailo. I beṭa asil anda ar buba. Tain ou beṭare bala ḳorla. He bala oia mat-ḳota matilo ar souke-o deḳlo.

ꠁꠘ꠆ꠎꠤꠟ ১: ꠝꠕꠤ 24:24

Ḳaron al-Mosi nam loia bout bonḍo aiba, nobi hazia-o bout bonḍo aiba. Itae bout boṛo boṛo asanok keramoti kam deḳaiba. Tara saiba, shuzug faile Allar fosond ḳora bondare duka dia be-fote nitagi.

ꠁꠘ꠆ꠎꠤꠟ ১: ꠝꠕꠤ 4:10

Isae zuaf dila, “Dur Shoytan, bag! Allar kalamo ase, tumi kali tumar Mabud Allare-u ḍoraio, ḳali tan ebadot ḳorio.”

Injil 2: Markus 13:22

Ḳaron bout bonḍoe aia ḳoibo, ami-u al-Mosi, ar bout bonḍo nobi-o aiba. Shombob oile tara Allar fosond ḳora bonda oḳolre-o duka dia be-fote nita ḳori bout keramoti-muzeza deḳaiba.

Injil 3: Luk 11:25

Firot aia hari deḳe, hi zaga shundor ḳori hazai-faṛai toa.

Injil 4: Hannan 4:48

Isae ou ofisarre ḳoila, “Kunu nishana ba keramoti kam na deḳle afnara kunumonte-u iman anta nae.”

Injil 4: Hannan 8:41

Tumrar nizor bafe zeta ḳore, tumra-o ota ḳorrae.” Ou tara Isare ḳoila, “Amra to funga fua nae. Amrar eḳzon-u baf asoin, ein oila Alla.”

Injil 4: Hannan 8:44

Iblis-u tumrar baf ar tumra tar aolad, erdae tumra tar ḳaish fura ḳortae sairae. Iblis to foyla taki-u kuni. He kunudin hokor maze boshot ḳorse na, ḳaron tar maze kunu hok nai. He zebla misa mate, ou shomoy he niz taki-u mate. Ḳaron he beiman, ar hoḳol beimani tar maz taki-u foyda oise.

Injil 5: Sahabi Nama 13:10

“O Iblisor baichcha, hoḳol mumini kamor dushmon, tor bitre hoḳol laḳan sol-soturi ar naformanie bora, tui Mabudor sohi fotre teṛa ḳorar fikir bad dite nae ni?

Injil 8: 2-Korintia 11:14

Ete taijjub oar kunta nae, Iblise-o to nizore nuror firista deḳanir lagi tar surot bodlae.

Injil 8: 2-Korintia 11:3

Oile ami ḍoraiar, hou hafe zela ku-buddi dia Bibi Haoare be-fote nisilgi, olaḳan tumrare-o al-Mosir ges taki horailito fare, he tumrar dilor ḳaṭi bab ar monor nishana alailibo.

Injil 8: 2-Korintia 4:4

Ou zogotor devta Iblise o-imandar oḳlor dilre anda banailise, zate tara kush-ḳobrir nur na deḳe. Ou kush-ḳobrir mazdi al-Mosir gourob zair oise, ar ou al-Mosi-u oila Allar obikol surot.

Injil 10: Ifisia 2:2

Zogotor babor maze foṛia tumra-o eḳ shomoy hou naformani ar gunar fote sola-fira ḳortae. Ze bod ruhu asmanor hoḳol taki shoktiala raza, hou bod ruhe naforman oḳlor bitre ḳam ḳore, ar tumra-o hou bod ruhur murid aslae.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:8

Mishoror Feraunor zadugir-gunin Zanni ar Zamborie zela Musa nobir birudita ḳorsila, ṭik ou laḳan oguinte-o Allai hokor birudita ḳore. Itar bibeḳ fosi gese, tarar bitre imanor balai nai.

Injil 20: Iakub 3:15

Ilaḳan hekmot behest tone ae na, ita dunia, ḳaraf nofs, ar Iblis taki-u ae.

Injil 27: Zaira Kalam 12:17

Erlagi i danob-hafe beṭir bae aro beshi gusa ḳorlo, he beṭir oinno aolad oḳolre, mani zera Allar hukume sole ar Hozrot Isar fokke zobanbondi dey, tarar loge zuddo ḳorat gelo.

Injil 27: Zaira Kalam 12:9

Hou danobre ar tar sela-samsa oḳolre duniat falai deoa oilo. Ou danob oilo hou furana haf, zegur nam Iblis-Shoytan, he duniar hoḳol manshore be-foti banae.

Injil 27: Zaira Kalam 18:23

Tumar maze kunudin kunu battir for zolto nae. Daman-koinar golar aoaz ar kunudin tumar maze huna zaito nae. Ḳaron asta zogotor maze tumar shodagor oḳol namḳora asil, zogotor hoḳol zati tumar sol-soturir zadue fagol oizito.

Injil 27: Zaira Kalam 19:20

Teu hou zanuarre doria aṭok kora oilo, ar ze bonḍo nobie tar fokko loia asanok kam deḳaito, tare-o dora oilo. Zeta manshe hou zanuaror sil lagaise, tar murtir puja ḳorse, ou bonḍo nobie tar asanok kam deḳaia ota manshore be-foti banaise. I duioṭare zinda halote, zalail gondoḳor agunir maze falani oilo.

Injil 27: Zaira Kalam 20:10

Ar ze Iblise erare be-foti banaisil, tare doria zalail gondoḳor agunir gato falail oilo. Hou zanuar ar bonḍo nobire age-u ou gato falail oisil. Hono tara siroḳal roiba, ar dine-raite zala-zontronar azab faiba.

Injil 27: Zaira Kalam 9:11

Habia duzoḳor firista asla ou fongofalor raza. Ibrani bashae i firistar nam oilo Abaddon, ar Iunani ba Grik bashae er nam oilo Apollion, mani gozobi firista.