ইঞ্জিল ১৪: ২-থিষল: 2:3 - Siloṭi Asmani Kitab (Latin lipi)

³ Ḳeu zanu kunumonte-u tumrare ṭogia iman luṭito na fare. Ḳaron hou din aoar age beshir bag manush Alla Pakor birudde zaibo, tara Allar ges taki duroi horizibo, ar duzoki zon, hou naforman Kane-Dorjal bar oibo.

Siloṭi Asmani Kitab (Nagri lipi)

³ ꠇꠦꠃ ꠎꠣꠘꠥ ꠇꠥꠘꠥꠝꠘ꠆ꠔꠦꠃ ꠔꠥꠝꠞꠣꠞꠦ ꠐꠉꠤꠀ ꠁꠝꠣꠘ ꠟꠥꠐꠤꠔ ꠘꠣ ꠙꠣꠞꠦ। ꠇꠣꠞꠘ ꠢꠃ ꠖꠤꠘ ꠀꠅꠀꠞ ꠀꠉꠦ ꠛꠦꠡꠤꠞ ꠜꠣꠉ ꠝꠣꠘꠥꠡ ꠀꠟ꠆ꠟꠣ ꠙꠣꠇꠞ ꠛꠤꠞꠥꠖ꠆ꠖꠦ ꠎꠣꠁꠛ, ꠔꠣꠞꠣ ꠀꠟ꠆ꠟꠣꠞ ꠉꠦꠍ ꠕꠣꠇꠤ ꠖꠥꠞꠁ ꠢꠞꠤꠎꠤꠛ, ꠀꠞ ꠖꠥꠎꠈꠤ ꠎꠘ, ꠢꠃ ꠘꠣꠚꠞꠝꠣꠘ ꠈꠣꠘꠦ-ꠖꠞ꠆ꠎꠣꠟ ꠛꠣꠞ ꠅꠁꠛ।

ছিলটি আছমানি কিতাব (বাংলা লিপি)

³ কেউ যানু কুনুমন্তেউ তুমরারে ঠগিয়া ইমান লুটিতো না পারে। কারন হউ দিন আওয়ার আগে বেশির ভাগ মানুষ আল্লা পাকর বিরুদ্ধে যাইবো, তারা আল্লার গেছ থাকি দুরই হরিযিবো, আর দোজখি জন, হউ নাফরমান খানে-দর্জাল বার অইবো।

ইঞ্জিল ১৪: ২-থিষল: 2:3 Iomraidhean Croise

Injil 4: Hannan 17:12

Ami zotodin tarar loge aslam, otodin tumar deoa ou namor gune tarare basaisi. Tarare fara dia raḳsi, tara ḳeu binash oise na. Ḳali zar binash oar ḳota, he-u binash oise, zate Allar kalamor ḳota fole.

Injil 7: 1-Korintia 6:9

Ashole tumra zano na ni, Allar bashshait naforman ḳobis oḳlor kunu ṭai nai. Te tumrar bul sinta dur ouk, zeta manshor shobab ḳaraf, zetae zina ḳoroin, murtipuja ḳoroin, gaṭua nasain, shomḳami,

Injil 10: Ifisia 5:6

Hushiar roio, misa mat matia ḳeu zanu tumrare be-fote na ney, Allar naforman bonia zera ita bod ḳam ḳore, tarar ufre Allar gozob lame.

Injil 23: 1-Hannan 2:18

Baba oḳolre, kiamot daro aichche. Te tumra nichchoy huncho, Kane-Dorjal aoar shomoy oigese. Ar asol ḳota oilo, ermaze bout dorjal aia harsoin. Ota dekia amra buziar, hasau kiamot daro aichche.

Injil 23: 1-Hannan 4:3

Oile ze ruhe ou Isare shikar ḳore na, i ruhu Allar ges taki aise na. Ita oilo Kane-Dorjalor ruhu, ou dorjalor ruhu aibar ḳota tumra age huncho, ar oḳono he ou zogoto ase.

Injil 27: Zaira Kalam 17:11

Hou ze zanuar age asil oḳon nai, he shatzonor mazor eḳzon oile-o, he ashole aṭ nombor raza. Bade he hor-hamesha siroḳal shaza faibo.

Injil 27: Zaira Kalam 17:8

Tumi ze zanuar deḳsilae, igu age asil, oḳon nai, bade he habia duzoḳ taki uṭia aia siroḳalor lagi shaza faibo. Hou zera ou zogotor manush, zetar nam duniar foyla taki-u Allar zindegi katat leḳa nai, tara ou zanuarre dekia taijjub oiziba, ḳaron igu age asil, oḳon nai, otoso hirbar deḳa dibo.