ইঞ্জিল ১৪: ২-থিষল: 2:2 - Siloṭi Asmani Kitab (Latin lipi)

² ḳeu zudi aia ḳoy Malik Isar din aia harse, he kunu gaibi doroshon deḳse, ba ohi nazil oise, ba amrar leḳa siṭi mono ḳoria-o tumra ḍoraia ostir oio na.

Siloṭi Asmani Kitab (Nagri lipi)

² ꠇꠦꠃ ꠎꠥꠖꠤ ꠀꠁꠀ ꠇꠄ ꠝꠣꠟꠤꠇ ꠁꠍꠣꠞ ꠖꠤꠘ ꠀꠁꠀ ꠢꠣꠞꠍꠦ, ꠢꠦ ꠇꠥꠘꠥ ꠉꠣꠁꠛꠤ ꠖꠞꠡꠘ ꠖꠦꠈꠍꠦ, ꠛꠣ ꠅꠢꠤ ꠘꠣꠎꠤꠟ ꠅꠁꠍꠦ, ꠛꠣ ꠀꠝꠞꠣꠞ ꠟꠦꠈꠣ ꠌꠤꠑꠤ ꠝꠘꠅ ꠇꠞꠤꠀꠅ ꠔꠥꠝꠞꠣ ꠒꠞꠣꠁꠀ ꠅꠡ꠆ꠕꠤꠞ ꠅꠁꠅ ꠘꠣ।

ছিলটি আছমানি কিতাব (বাংলা লিপি)

² কেউ যুদি আইয়া কয় মালিক ইছার দিন আইয়া হারছে, হে কুনু গাইবি দরশন দেখছে, বা ওহী নাজিল অইছে, বা আমরার লেখা চিঠি মনো করিয়াও তুমরা ডরাইয়া অস্থির অইও না।

ইঞ্জিল ১৪: ২-থিষল: 2:2 Iomraidhean Croise

ꠁꠘ꠆ꠎꠤꠟ ১: ꠝꠕꠤ 24:24

Ḳaron al-Mosi nam loia bout bonḍo aiba, nobi hazia-o bout bonḍo aiba. Itae bout boṛo boṛo asanok keramoti kam deḳaiba. Tara saiba, shuzug faile Allar fosond ḳora bondare duka dia be-fote nitagi.

Injil 2: Markus 13:7

Oile zuddor aoaz ar laṛair ḳobor hunia tumra ḍoraio na. Ita nisoy goṭbo, goṭle-o ita to shesh nae.

Injil 3: Luk 21:19

Tumra imane mozbut roile, nizor hasaror zindegi hasil ḳorbae.

Injil 3: Luk 21:9

Tumra zebla zuddo ar gonḍogulor ḳobor hunbae, ḍoraio na. Ḳaron foyla ita oibo-u oibo, oile ita to shesh nae.”

Injil 4: Hannan 14:1

Hozrot Isae ḳoila, “Tumra ar fereshan oio na. Allar ufre to tumrar ekin ase, te amar ufre-o ekin raḳo.

Injil 4: Hannan 14:27

“Ami tumrar lagi shanti rakia zaiar, amar shanti-u ami tumrare dia zaiargi. I duniae zemne shanti dey, ami ila dei na. Tumrar dilo zanu kunu fereshani ba ḍor-ḳof na ae.

Injil 7: 1-Korintia 1:8

Ami zani, amrar Hozrot Isa al-Mosie tumrare aḳer forzonto imane mozbut raḳba, zate tain aibar ag forzonto tumra furafur nikut roibae.

Injil 7: 1-Korintia 14:32

Firaki matrar ruhu to tarar nizor boshe taḳe,

Injil 7: 1-Korintia 7:26

Ou aḳeri zomanat zela mosibot aia azise, amar mone or tumra zein zela aso, ola-u ro.

Injil 10: Ifisia 5:6

Hushiar roio, misa mat matia ḳeu zanu tumrare be-fote na ney, Allar naforman bonia zera ita bod ḳam ḳore, tarar ufre Allar gozob lame.

ইঞ্জিল ১৩: ১-থিষল: 3:3

zate ou duḳ-mosibotor maze-o tumra ḳeu ḳoredi na zao. Tumrar zana ase, duḳ-mosibot amrar ufre ṭik-u aibo, ar ita shoijjo ḳora lagbo.

ইঞ্জিল ১৩: ১-থিষল: 4:15

Erlagi malikor kalam mafik tumrare ḳoiram, amra zera zinda asi ar malike toshrif anar ag forzonto zinda roimu, amra kunumonte-u hi murda oḳlor age zaitam fartam nae.

ইঞ্জিল ১৩: ১-থিষল: 5:2

Tumra nize-u to bala ḳori zano, raitkur bala zela aḳta-u sur ae, Malik Isa aibar dino ṭik ola-u aibo.

ইঞ্জিল ১৪: ২-থিষল: 2:15

Te O bai oḳol, tumra imane tir ro ar muke muke ba siṭir marfote amra ze talim disi, ita balamonte mono rakio.

ইঞ্জিল ১৪: ২-থিষল: 3:17

Huno, i salamor ḳota ami Pauluse nizor ate leḳsi. Oḳṭa-u amar forteḳ siṭir alamot, ami ou nomunae siṭi leki.

Injil 27: Zaira Kalam 19:20

Teu hou zanuarre doria aṭok kora oilo, ar ze bonḍo nobie tar fokko loia asanok kam deḳaito, tare-o dora oilo. Zeta manshe hou zanuaror sil lagaise, tar murtir puja ḳorse, ou bonḍo nobie tar asanok kam deḳaia ota manshore be-foti banaise. I duioṭare zinda halote, zalail gondoḳor agunir maze falani oilo.