ইঞ্জিল ১৪: ২-থিষল: 2:16 - Siloṭi Asmani Kitab (Latin lipi)

^16-17 Amrar gaibi baf Alla Pake ar shoyong Isa al-Mosie tumrar dilo nek utshaho dan ḳoroukka, hoḳol nomunar nek kam ar mat-ḳotar maze tir raḳoukka. Tain-u amrare mohobbot ḳorsoin, tain rohom ḳoria siroḳalin utshaho ar kushi-bashir asha dan ḳorsoin.

Siloṭi Asmani Kitab (Nagri lipi)

^16-17 ꠀꠝꠞꠣꠞ ꠉꠣꠁꠛꠤ ꠛꠣꠚ ꠀꠟ꠆ꠟꠣ ꠙꠣꠇꠦ ꠀꠞ ꠡ꠆ꠛꠄꠅꠋ ꠁꠍꠣ ꠀꠟ-ꠝꠍꠤꠄ ꠔꠥꠝꠞꠣꠞ ꠖꠤꠟꠅ ꠘꠦꠇ ꠃꠔꠡꠣꠢ ꠖꠣꠘ ꠇꠞꠃꠇ꠆ꠇꠣ, ꠢꠇꠟ ꠘꠝꠥꠘꠣꠞ ꠘꠦꠇ ꠇꠣꠝ ꠀꠞ ꠝꠣꠔ-ꠇꠕꠣꠞ ꠝꠣꠎꠦ ꠕꠤꠞ ꠞꠣꠈꠃꠇ꠆ꠇꠣ। ꠔꠣꠁꠘꠃ ꠀꠝꠞꠣꠞꠦ ꠝꠢꠛ꠆ꠛꠔ ꠇꠞꠍꠂꠘ, ꠔꠣꠁꠘ ꠞꠢꠝ ꠇꠞꠤꠀ ꠌꠤꠞꠇꠣꠟꠤꠘ ꠃꠔꠡꠣꠢ ꠀꠞ ꠈꠥꠡꠤ-ꠛꠣꠡꠤꠞ ꠀꠡꠣ ꠖꠣꠘ ꠇꠞꠍꠂꠘ।

ছিলটি আছমানি কিতাব (বাংলা লিপি)

^16-17 আমরার গাইবি বাফ আল্লা পাকে আর স্বয়ং ইছা আল-মসীয়ে তুমরার দিলো নেক উত্‍সাহ দান করউক্কা, হকল নমুনার নেক কাম আর মাত-কথার মাজে থির রাখউক্কা। তাইনউ আমরারে মহব্বত করছইন, তাইন রহম করিয়া চিরকালিন উত্‍সাহ আর খুশি-বাসির আশা দান করছইন।

ইঞ্জিল ১৪: ২-থিষল: 2:16 Iomraidhean Croise

Injil 3: Luk 16:25

Ibrahime ḳoila, ‘Babare, mono ḳoria deḳo, tumar shuk tumi duniat-u ḳamailiso, ar Lasare bout ḳoshṭo ḳorse. Oḳon ino aia he arame ase, ar tumi azabo aso.

Injil 4: Hannan 13:1

Azadi Idor tuṛa agor goṭona. Isae buzilila, tain i dunia saṛia tan gaibi bafor gese zaibar shomoy aichche. Duniat zera tan afon manush asla, tarare tain kub maya ḳorta ar hesh forzonto ola maya ḳoria-u gesoin.

Injil 4: Hannan 15:13

Ḳeu zudi nizor dustor lagi zan bilai dey, te tar taki ar beshi maya ḳar ase?

Injil 4: Hannan 15:9

Bafe amare zela maya ḳorsoin, ami-o oula tumrare maya ḳorsi. Tumra amar mayar maze ro.

Injil 4: Hannan 16:22

Ou laḳan tumra-o oḳon duk-koshṭo ḳorrae, oile hirbar zebla tumrar loge amar deḳa oibo, hou shomoy kushie tumrar dil borizibo, i kushi keu ḳaṛia nito farto nae.

Injil 4: Hannan 3:16

Alla Pake duniar manshore oto beshi maya ḳorla, i mayar ḳatire tan ḳas mayar zonre dan ḳorla. Ze manshe ou mayar zonor ufre iman ane, he binash oy na, borong aḳeri zindegi hasil ḳore.

Injil 4: Hannan 4:14

Oile amar deoa fani ze ḳaibo, tar kunu shomoy-u fias lagto nae. Borong i fani tar dilor maze zornar laḳan utlia uṭbo ar aḳeri zindegi dan ḳorbo.”

Injil 5: Sahabi Nama 15:11

Amra to mono ḳori, Hozrot Isar meherbanie amra zela guna taki mafi faisi, tara-o oula mafi faisoin.”

Injil 5: Sahabi Nama 18:27

Bade Apollos zebla Gris desho zaita saila, i shomoy imandar oḳole tanre utshaho dila, ar tanre kobul ḳorta ḳori ummot oḳlor gese siṭi-o dila. Teu tain gia Griso azir oila, ar Allar rohomote zera iman anchila tarar bout fayda oilo.

Injil 6: Ruman 1:7

Te ou Rum ṭauno Allar zoto mayar bonda oḳol asoin, Allae tan pak bonda oar lagi zerare daot ḳoria anchoin, tumra hoḳlor gese ami ou siṭikan leḳram. Amrar gaibi baf Alla Pak ar Hozrot Isa al-Mosie tumrare rohomot ar shanti dan ḳoroukka.

Injil 6: Ruman 4:16

Erlagi i oada ḳali manshor imanor mazdi fura ḳora oy, zate iṭa Allar rohomotor dan hishabe roy. Te Ibrahimor ḳandanor gese ze oada ḳora oise, ikan nichchoy fura ḳora oibo. Ḳali shoriot manra oḳlor lagi-u furon ḳora oito nae, zera Ibrahimor imanor loge shorik, tarar lagi-o i oada fura ḳora oy.

Injil 6: Ruman 4:4

Ḳamlae ḳam ḳoria ze beton fae, ikṭa kunu dan nae, ikṭa tar faona mozuri.

Injil 6: Ruman 5:8

Oile amra gunagar halote-u al-Mosie amrar lagi nizor zan kurbani disoin. Oḳan taki forman mile, Allae amrare ḳoto maya ḳoroin.

Injil 10: Ifisia 5:2

Al-Mosie zela amrare mohobbot ḳorsoin, tumra-o ola maya-mohobbotor fote solo. Tain amrare basaita ḳori nizor zanre kushboydar kurbani hishabe Allar name bilai disoin.

Injil 10: Ifisia 5:25

Tumra zera zamai oiso, huno, al-Mosie zela zomatre mohobbot ḳorsoin, ṭik olaḳan tumra-o zarzir boure mohobbot ḳorio. Tain to zomator lagi tan nizor zan kurbani disoin.

Injil 12: Kolosia 1:23

Te al-Mosir befare kush-ḳobri taki ze nichchit asha tumra faiso, ḳali ou ashar ufre imane tir roio, in taki loṛio na. Tumra to zano, i kush-ḳobri hara duniat toblig kora oise, ami Paulus-o ou kush-ḳobri tobligor ḳadim oisi.

Injil 12: Kolosia 1:5

Tumra age ze kush-ḳobri mani Allar hok kalam faiso, ou kalam hunia-u tumrar mono eḳ asha zonmise. Ou asha taki-u tumrar iman ar maya foyda oise. Ar tumra asha ḳorrae ze saman faitae, ita to behesto raḳa ase.

ইঞ্জিল ১৩: ১-থিষল: 1:3

Imanor lagi tumra ze ḳam ḳorrae, mohobbotor lagi tumra ze menot ḳorrae ar Hozrot Isa al-Mosir ufre asha-borosha ḳoria tumra ze sobor ḳorrae, ita amrar gaibi baf Allar dorbaro dua ḳorar shomoy hamesha mono ḳori.

ইঞ্জিল ১৩: ১-থিষল: 3:11

Te gaibi baf Allae ar Hozrot Isa al-Mosie zanu, tumrar gese zaoar lagi amrare shuzug dein.

ইঞ্জিল ১৪: ২-থিষল: 2:13

O bai oḳol, O Malik Isar mayar zon oḳol, tumrar lagi amra hamesha Allar dorbaro shukria adae ḳora dorḳar, Allae to tumrare foyla taki-u basia alog korsoin nazat faoar lagi. Pak Ruhu dia tumrare fobitro ḳorar mazdi, ar Allai kush-ḳobrir hokor ufre iman ania tumra nazat faiso.

Injil 17: Titas 1:2

Ami al-Mosir kezmot ḳoriar, aḳeri zindegi faoar ashae. Ze Allae kunu misa matoin na, hou Allae i zindegi deoar oada ḳorsoin, dunia foyda oar age-u.

Injil 17: Titas 2:13

Erloge amrar dilor forom asha furonor lagi bar sai, Allatala ar toraneala Isa al-Mosir shan-mohima zair oar kushi-bashi furonor lagi bar sai.

Injil 19: Ibrani 7:19

Musar shoriote to kuntare-u kamil banaito farse na. Ar aroḳbae oula eḳ mohan noya oada zari kora oise, i oadar zoriae amra Allar aro ḳasat aitam farmu.

Injil 23: 1-Hannan 3:16

Al-Mosie amrar lagi tan nizor zan bilai disla, oḳan taki-u amra buzchi, mohobbot ḳare ḳoy. Oḳon amrar bair lagi-o amrar zan bilai deoa zorur.

Injil 27: Zaira Kalam 22:5

Ar kunu rait oito nae, tarar lagi lemor ba shuruzor foror zorur oito nae, ḳaron Alla Mabudor nur-u oibo tarar for. Tara hor-hamesha siroḳal dori bashshai korba.

Injil 27: Zaira Kalam 3:9

Zera Ihudi koia nizor forisoy dey otoso asol Ihudi nae, Iblis-Shoytanor dolor hou beiman oḳolre ami tumrar gese anaimu, tumrar fao-o dorai kodombusi koraimu, ar tarare zanai dimu ami tumrare mohobbot ḳori.