ইঞ্জিল ১৪: ২-থিষল: 2:13 - Siloṭi Asmani Kitab (Latin lipi)

¹³ O bai oḳol, O Malik Isar mayar zon oḳol, tumrar lagi amra hamesha Allar dorbaro shukria adae ḳora dorḳar, Allae to tumrare foyla taki-u basia alog korsoin nazat faoar lagi. Pak Ruhu dia tumrare fobitro ḳorar mazdi, ar Allai kush-ḳobrir hokor ufre iman ania tumra nazat faiso.

Siloṭi Asmani Kitab (Nagri lipi)

¹³ ꠅ ꠜꠣꠁ ꠅꠇꠟ, ꠅ ꠝꠣꠟꠤꠇ ꠁꠍꠣꠞ ꠝꠣꠄꠀꠞ ꠎꠘ ꠅꠇꠟ, ꠔꠥꠝꠞꠣꠞ ꠟꠣꠉꠤ ꠀꠝꠞꠣ ꠢꠣꠝꠦꠡꠣ ꠀꠟ꠆ꠟꠣꠞ ꠖꠞꠛꠣꠞꠅ ꠡꠥꠇꠞꠤꠀ ꠀꠖꠣꠄ ꠇꠞꠣ ꠖꠞꠇꠣꠞ, ꠀꠟ꠆ꠟꠣꠄ ꠔ ꠔꠥꠝꠞꠣꠞꠦ ꠙꠄꠟꠣ ꠕꠣꠇꠤꠃ ꠛꠣꠍꠤꠀ ꠀꠟꠉ ꠇꠞꠍꠂꠘ ꠘꠣꠎꠣꠔ ꠙꠣꠅꠀꠞ ꠟꠣꠉꠤ। ꠙꠣꠇ ꠞꠥꠢꠥ ꠖꠤꠀ ꠔꠥꠝꠞꠣꠞꠦ ꠙꠛꠤꠔ꠆ꠞ ꠇꠞꠣꠞ ꠝꠣꠎꠖꠤ, ꠀꠞ ꠀꠟ꠆ꠟꠣꠁ ꠈꠥꠡ-ꠈꠛꠞꠤꠞ ꠢꠇꠞ ꠃꠙꠞꠦ ꠁꠝꠣꠘ ꠀꠘꠤꠀ ꠔꠥꠝꠞꠣ ꠘꠣꠎꠣꠔ ꠙꠣꠁꠍ।

ছিলটি আছমানি কিতাব (বাংলা লিপি)

¹³ ও ভাই অকল, ও মালিক ইছার মায়ার জন অকল, তুমরার লাগি আমরা হামেশা আল্লার দরবারো শুকরিয়া আদায় করা দরকার, আল্লায় তো তুমরারে পয়লা থাকিউ বাছিয়া আলগ করছইন নাজাত পাওয়ার লাগি। পাক রুহ দিয়া তুমরারে পবিত্র করার মাজদি, আর আল্লাই খুশ-খবরির হকর উপরে ইমান আনিয়া তুমরা নাজাত পাইছো।

ইঞ্জিল ১৪: ২-থিষল: 2:13 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 1:1

Foyla-u Allae asman ar dunia foyda ḳorla.

Injil 4: Hannan 1:1

Foyla-u kalam asla, kalam Allar loge asla ar ou kalam nize-u Alla asla.

Injil 4: Hannan 14:6

Isae ḳoila, “Ami-u fot, ami-u hok ar ami-u zindegi. Amar usilla saṛa kunu manush-u gaibi bafor gese zaito fare na.

Injil 5: Sahabi Nama 13:48

O-Ihudi oḳole ita hunia kushi oila ar malikor kalamor tarif ḳorla; ar zoto manshore Allae aḳeri zindegi hasilor lagi fosond ḳori raḳsila, tara iman anla.

Injil 5: Sahabi Nama 15:9

Tain amrar ar tarar maze alada kunta raḳsoin na, ḳaron tara iman anchoin ḳori, tarar dil-o saf ḳorilisoin.

Injil 6: Ruman 6:17

Alla Pakor shukur, age zudio tumra gunar gulam aslae, ta-o Isayi torikar talim faia hari, dile-zane itar ashik oiso.

Injil 6: Ruman 8:33

Ar Allae tan nizor lagi zerare fosond ḳorsoin, erar birudde nalish dibar shaiddo ḳar? Allae nize-u tarare be-ḳosur ḳalas ḳoia goinno ḳorsoin.

Injil 6: Ruman 9:11

era maʼr feṭo taḳa halote zebla bala-bura kichchu ḳorsoin na, hou shomoy Allae Rebekare ḳoisla, “Tumar boṛo fua to huru fuar gulam oibo.” On taki buza zae, Allae tan munsha fura ḳorar kiale manshore fosond ḳoroin, ḳeuror amolor bae na saia, tan nizor fosond mafik basia nein.

Injil 7: 1-Korintia 1:21

Allae tan nizor aḳol dia foysala ḳorsoin, zate duniae zanu tar aḳol dia tanre sinto na fare. Erlagi be-aḳolir ou kush-ḳobri tobligor mazdi Allae mumin oḳlor zan basaita saila.

Injil 9: Galatia 3:1

O be-aḳol Galati oḳol, tumrare ḳegie zadu ḳorse? Tumrar gese to kula-mela ar saf-sofa toblig kora oise, Isa al-Mosire gaso loṭḳaia zane mara oisil.

Injil 10: Ifisia 2:8

Allar rohomote iman anae tumra nazat faiso. Ita tumrar nizor kunu amolor fol nae, ḳali Allar deoa dan.

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:12

Bin-Iamin ḳandanor befare tain ḳoila: Mabudor mayar bonda shae-shantie roibo, nirafode roibo he tan ḍaḳnar tolo. Hara din hara rait sayat raḳba tare, zindegi guzoribo tar tan bogol tole.

Injil 12: Kolosia 1:5

Tumra age ze kush-ḳobri mani Allar hok kalam faiso, ou kalam hunia-u tumrar mono eḳ asha zonmise. Ou asha taki-u tumrar iman ar maya foyda oise. Ar tumra asha ḳorrae ze saman faitae, ita to behesto raḳa ase.

Injil 12: Kolosia 3:12

Te Allae zarare fosond ḳoria tan nizor lagi alog korsoin, tan hou mayar bonda hishabe tumrar dilor maya-momota, doya, norom bebohar, norom shobab ar sobor dia nizore hazao.

ইঞ্জিল ১৩: ১-থিষল: 1:4

O bai oḳol, Allar mayar bonda oḳol, amra zani, Allae-u tumrare fosond ḳorsoin.

ইঞ্জিল ১৩: ১-থিষল: 2:12

zate Allar bonda hishabe tumra ufozukto oia solo. Allae tumrare daot dira, tan nizor bashshai ar gourobor bagi oar lagi.

ইঞ্জিল ১৩: ১-থিষল: 4:7

Allae kunu amrare daot disoin ni naformanir fote solar lagi? Tain to amrare fak-fobitro oia solar lagi koisoin.

ইঞ্জিল ১৩: ১-থিষল: 5:9

Mono rakio, Allae amrare shaza dibar lagi ḍakia anchoin na, borong amrar Malik Isa al-Mosir usillae nazat faoar lagi-u ḍakisoin.

ইঞ্জিল ১৪: ২-থিষল: 1:3

Bai oḳol, amra hamesha tumrar lagi Allar shukria adae ḳora zorur. Tumrar imani bol bout baṛer ar eḳe-oinne maya-mohobbot-o baia foṛer, erlagi amra shukria adae ḳora dorḳar.

ইঞ্জিল ১৪: ২-থিষল: 2:10

Tar hoḳol nomunar beimani kaṭaia beiman manshore ṭogibo. Ita manush binash oiziba, ḳaron zan basanir lagi tara Allai hokre fosond ḳorse na, ar ḳobul-o ḳorse na.

ইঞ্জিল ১৪: ২-থিষল: 2:12

Ete Allai hokor ufre iman na ania zetae naformanire fosond ḳorsoin, tarare kiamotor din dushi shaibosto ḳora oibo.

ইঞ্জিল ১৪: ২-থিষল: 2:16

Amrar gaibi baf Alla Pake ar shoyong Isa al-Mosie tumrar dilo nek utshaho dan ḳoroukka, hoḳol nomunar nek kam ar mat-ḳotar maze tir raḳoukka. Tain-u amrare mohobbot ḳorsoin, tain rohom ḳoria siroḳalin utshaho ar kushi-bashir asha dan ḳorsoin.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 1:9

Allae amrar zan basaisoin, ar fak-fobitro oia zindegi kaṭanir lagi daot disoin. Ita to amrar kunu nek kamor gune nae, borong tan morzi ar rohomotor gune-u ḳorsoin. Amrare i rohomot dan ḳorsoin to, dunia foyda ḳorar age Hozrot Isa al-Mosir usillae.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 2:15

Tumi Allar kushi mafik nizore forezgar halote tan samne azir ḳoro, ou laḳan ḳamla bono, ze ḳamlae Allar dorbaro shorom faoar kunu ḳaron nai. Ze ḳamlae shoṭik babe hok kalam talim dein, ou laḳan o.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:15

Tumi to huruman tone-u Allar kalamor talim faiso, ar ou kalame-u tumare Isa al-Mosir ufre iman anar usillae, nazat hasilor fot batai dibo.

Injil 19: Ibrani 1:10

Allae aro ḳoira, O malik, tumi-u foyla duniar ian kuṭi gaṛiso, asman oḳol-o tumar ate foyda ḳorse.

Injil 20: Iakub 1:18

Tain nizor kushie amrare hok kalam dia tan bonda banaisoin, amra zanu ashraful moḳlukat, shrisṭir shera manush oi.

Injil 23: 1-Hannan 4:10

Ar amra zen Alla Pakre mohobbot ḳorslam ila kunta nae, borong tain nize-u amrare mohobbot ḳoria, amrar gunar kofora oibar lagi, tan ḳas mayar zon Ibnullare zogoto faṭai dila, oḳṭare-u ḳoy mohobbot.

Injil 23: 1-Hannan 4:19

Te amra Alla Pakre mohobbot ḳori, ḳaron tain amrare foyla mohobbot ḳorsoin.