ইঞ্জিল ১৪: ২-থিষল: 2:10 - Siloṭi Asmani Kitab (Latin lipi)

¹⁰ Tar hoḳol nomunar beimani kaṭaia beiman manshore ṭogibo. Ita manush binash oiziba, ḳaron zan basanir lagi tara Allai hokre fosond ḳorse na, ar ḳobul-o ḳorse na.

Siloṭi Asmani Kitab (Nagri lipi)

¹⁰ ꠔꠣꠞ ꠢꠇꠟ ꠘꠝꠥꠘꠣꠞ ꠛꠦꠁꠝꠣꠘꠤ ꠈꠣꠐꠣꠁꠀ ꠛꠦꠁꠝꠣꠘ ꠝꠣꠘꠡꠞꠦ ꠐꠉꠤꠛ। ꠁꠔꠣ ꠝꠣꠘꠥꠡ ꠛꠤꠘꠣꠡ ꠅꠁꠎꠤꠛꠣ, ꠇꠣꠞꠘ ꠎꠣꠘ ꠛꠣꠌꠣꠘꠤꠞ ꠟꠣꠉꠤ ꠔꠣꠞꠣ ꠀꠟ꠆ꠟꠣꠁ ꠢꠇꠞꠦ ꠙꠍꠘ꠆ꠖ ꠇꠞꠍꠦ ꠘꠣ, ꠀꠞ ꠇꠛꠥꠟꠅ ꠇꠞꠍꠦ ꠘꠣ।

ছিলটি আছমানি কিতাব (বাংলা লিপি)

¹⁰ তার হকল নমুনার বেইমানি খাটাইয়া বেইমান মানষরে ঠগিবো। ইতা মানুষ বিনাশ অইযিবা, কারন জান বাচানির লাগি তারা আল্লাই হকরে পছন্দ করছে না, আর কবুলও করছে না।

ইঞ্জিল ১৪: ২-থিষল: 2:10 Iomraidhean Croise

ꠁꠘ꠆ꠎꠤꠟ ১: ꠝꠕꠤ 13:11

Tain ḳoila, “Behesti bashshair gufon rohoisho zanar shuzug tumrare deoa oise, oile baki manshor gese ita batuni roise.

Injil 4: Hannan 3:17

“Allae manshore dushi forman ḳorar lagi tan mayar zonre duniat faṭaisoin na. Ou mayar zonor ḳatire manshe zate nazat fae, erlagi-u faṭaisoin.

Injil 4: Hannan 5:34

Ar ami kunu manshor shakkir ufre borosha ḳori na, oile afnara zate nazat faia zan basaita faroin, erdae ita ḳoiram.

Injil 6: Ruman 10:1

Te O bai oḳol, Boni Israilor lagi amar dilor ou foriad ase, ami Allar dorbaro dua ḳoriar, tara zanu nazat fain.

Injil 6: Ruman 16:18

Ḳaron itae amrar malik al-Mosir gulami na ḳoria, tarar feṭor gulami kore. Miṭa miṭa mat matia ar tel malish ḳoria shorol-shuza manshore be-foti banae.

Injil 6: Ruman 6:17

Alla Pakor shukur, age zudio tumra gunar gulam aslae, ta-o Isayi torikar talim faia hari, dile-zane itar ashik oiso.

Injil 7: 1-Korintia 1:18

Zara gozobi fotedi douṛar, al-Mosir solibor ufror kurbani tarar gese to ḳali be-aḳoli mono oy, oile amra zara nazator fote douṛairam, amrar gese ita oilo Allai bol.

Injil 7: 1-Korintia 16:22

Malik Isare zudi keu mohobbot na ḳore, te tar ufre lannot foṛouk. Marana ta! Mani, O amrar malik, toshrif anoukka!

Injil 8: 2-Korintia 11:13

Ashole to ita oila bonḍo sahabi ar ṭog kamlain. Tara nizore al-Mosir sahabi deḳaito ḳori nizor surot bodlilae.

Injil 8: 2-Korintia 11:15

Erlagi zeguinte Iblisor kezmot ḳoroin, tara-o zudi nizor surot bodlaia deḳain tara nek kam ḳorra, te taijjub oar kita ase? Tarar ḳamor fol tara aḳerato faibo.

Injil 8: 2-Korintia 2:15

Zera nazat hasil ḳorra ar zera binash oira, ou duio dolor lagi amra oilam al-Mosir ek geran, ou geranre al-Mosie Allar dorbaro kurbanir laḳan shofia dira.

Injil 8: 2-Korintia 2:17

Nizor labor lagi zela bout zone Allar kalam loia bebsha ḳore, amra to itar laḳan nae. Amra borong Allar faṭail zon hishabe shorol mone al-Mosir name Allare azir-nazir rakia toblig koriar.

Injil 10: Ifisia 4:14

Teu amra ar huruttar laḳan roitam nae. Manshe shoytani aḳol ḳaṭaia be-fote nibar lagi manshore ze bul talim dey, ou bul talime zanu amrare fanir aula-zaula ḍeur laḳan du-dila na banae.

ইঞ্জিল ১৩: ১-থিষল: 2:16

Tara amrare nished dira, zate bin-dormi manshor gese amra Allai nazator kush-ḳobri toblig na ḳori. Ou laḳan tara zarzir gunar buza boṛo ḳorra. Erlagi tarar ufre Allar ḳaṛa gozob lamche.

ইঞ্জিল ১৪: ২-থিষল: 2:12

Ete Allai hokor ufre iman na ania zetae naformanire fosond ḳorsoin, tarare kiamotor din dushi shaibosto ḳora oibo.

ইঞ্জিল ১৪: ২-থিষল: 2:13

O bai oḳol, O Malik Isar mayar zon oḳol, tumrar lagi amra hamesha Allar dorbaro shukria adae ḳora dorḳar, Allae to tumrare foyla taki-u basia alog korsoin nazat faoar lagi. Pak Ruhu dia tumrare fobitro ḳorar mazdi, ar Allai kush-ḳobrir hokor ufre iman ania tumra nazat faiso.

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:4

Alla Pakor kial oilo, zate hoḳol manshe nazat fain, ar al-Mosir torikar hokkolta shullo-ana buzoin.

Injil 19: Ibrani 3:13

Itar bodla zotodinre aiz ḳoia ḍaḳa oy, otodin tumra eḳe-oinnore shaosh deo, zate ḳeu gunar fando foṛia nizor dilre fashan na banae.

ꠁꠘ꠆ꠎꠤꠟ ২২: ২-ꠙꠤꠔꠞ 2:12

Be-aḳol zongli zanuar oḳole na buzia zela nizor kushie sole ar dora ḳaia more, ou bonḍo ustad oḳol-o otar laḳan. Tara zeta buze na, otar-o bodnam gae. Erlagi ou zongli zanuaror laḳan tarar binash ase,

ꠁꠘ꠆ꠎꠤꠟ ২২: ২-ꠙꠤꠔꠞ 2:18

Tara boṛo boṛo beḳama mat mate. Ar zera tuṛa age ku-fot saṛia zan basanir lagi bagisoin, ota manshore shorilor ḳaishe solia bodmaishi korar indon dey.