ইঞ্জিল ১৪: ২-থিষল: 2:1 - Siloṭi Asmani Kitab (Latin lipi)

¹ O bai oḳol huno, amrar Malik Isa al-Mosi to hirbar aiba, aia amra hoḳolre ekḳano dola ḳoria tan gese niba. Te ou befare tumrare minot ḳori koiram,

Siloṭi Asmani Kitab (Nagri lipi)

¹ ꠅ ꠜꠣꠁ ꠅꠇꠟ ꠢꠥꠘꠅ, ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤ ꠔ ꠢꠤꠞꠛꠣꠞ ꠀꠁꠛꠣ, ꠀꠁꠀ ꠀꠝꠞꠣ ꠢꠇꠟꠞꠦ ꠄꠇꠈꠣꠘꠅ ꠖꠟꠣ ꠇꠞꠤꠀ ꠔꠣꠘ ꠉꠦꠍꠦ ꠘꠤꠛꠣ। ꠔꠦ ꠅꠃ ꠛꠦꠙꠣꠞꠦ ꠔꠥꠝꠞꠣꠞꠦ ꠝꠤꠘꠔ ꠇꠞꠤ ꠇꠁꠞꠣꠝ,

ছিলটি আছমানি কিতাব (বাংলা লিপি)

¹ ও ভাই অকল হুনো, আমরার মালিক ইছা আল-মসী তো হিরবার আইবা, আইয়া আমরা হকলরে একখানো দলা করিয়া তান গেছে নিবা। তে অউ বেয়াপারে তুমরারে মিনত করি কইরাম,

ইঞ্জিল ১৪: ২-থিষল: 2:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 49:10

Ehudar at tone to raz-laṭi horto nae; tar duio faor maz tone bisaror goda zaito nae; zotodin Shilo na aiba, ar hoḳol zati tan hukume solba.

ꠁꠘ꠆ꠎꠤꠟ ১: ꠝꠕꠤ 16:27

Ami bin-Adome zebla amar firista oḳolre loge loia amar gaibi bafor kudroti mohimae zogoto hirbar aimu, ou shomoy forteḳ manshore tar amol mafik fol dimu.

ꠁꠘ꠆ꠎꠤꠟ ১: ꠝꠕꠤ 16:28

Huno, ami tumrare hasa ḳota ḳoiram, ono ilaḳan ḳoyzon azir asoin, ami bin-Adom bashsha halote na aoa forzonto, kunumonte-u erar mout oito nae.”

ꠁꠘ꠆ꠎꠤꠟ ১: ꠝꠕꠤ 24:31

Ou shomoy zure zure shingar aoaz oibo, er loge loge-u duniar eḳ mata taki aroḳ matat tain firista oḳolre faṭaiba, era Allar fosond ḳora bonda oḳolre sairobae tone dola ḳorba.

ꠁꠘ꠆ꠎꠤꠟ ১: ꠝꠕꠤ 25:32

Ou shomoy duniar tamam zatir manshore tan samne ana oibo. Raḳale zela meṛa ar sagolre alada ḳore, tain-o oula hoḳol manshore algaia dui bag korba.

Injil 2: Markus 13:27

Tain firista oḳolre duniar eḳ mata taki aroḳ matat faṭaia, Allar fosond ḳora bonda oḳolre sairobae tone dola ḳorba.

Injil 6: Ruman 12:1

Erlagi O bai oḳol, Allae tumrare ola meherbani korae, ami tumrare ḳas minoti koriar, tumra zarzir shorilre Allar ato shofi deo, ila zinda fobitro kurbani Allar dorbaro kobul oy, oḳṭa-u oibo tumrar sohi-shuddo ebadot.

Injil 10: Ifisia 1:10

Tain to age-u oḳan ṭik koria raḳsila, zate shomoy fura oia harle, tan afon morzi mafik asman-zominor hokkoltare ekḳano ḳoria, al-Mosir aotae anba.

ইঞ্জিল ১৩: ১-থিষল: 2:19

Hasau amrar Malik Isae zebla toshrif anba, ou shomoy tan samne amrar asha, anondo ar gourobor joyor mala hishabe kita faimu? Ita to tumra-u nae ni?

ইঞ্জিল ১৩: ১-থিষল: 3:13

Ou laḳan tain tumrar dil furafur mozbut ḳoroukka, zate amrar Hozrot Isae zebla tan nizor pak bonda oḳol loia toshrif anba, ou shomoy amrar gaibi baf Allar nozoro tumra fobitro ar nikut ro.

ইঞ্জিল ১৩: ১-থিষল: 4:1

O baiain huno, Allare kushi korar lagi kemne zindegi kaṭani lage, i talim to tumra amrar ges taki age-u faiso ar tumra ola solrae-o. Erbade-o Hozrot Isar oia tumrare minot ḳoriar ar hushiar ḳoriar, tumra zela solrae, oula aro besh ḳori solo.

ইঞ্জিল ১৪: ২-থিষল: 1:3

Bai oḳol, amra hamesha tumrar lagi Allar shukria adae ḳora zorur. Tumrar imani bol bout baṛer ar eḳe-oinne maya-mohobbot-o baia foṛer, erlagi amra shukria adae ḳora dorḳar.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 4:1

Ami Alla Pakre shakki rakia, ar zein tamam zinda-murdar bisar ḳorba, hou Isa al-Mosire shakki rakia, duniat tan dusrabaror toshrif ana ar tan bashshair duai dia tumare ou ḳoṛa hukum diar.