ইঞ্জিল ১৪: ২-থিষল: 1:9 - Siloṭi Asmani Kitab (Latin lipi)

⁹ Malik Isae zebla toshrif anba, ou shomoy tarare omon shaza deoa oibo, zate tara tan didaror ar moha kudrotir bare foṛia hor-hamesha lannoti shaza faibo.

Siloṭi Asmani Kitab (Nagri lipi)

⁹ ꠝꠣꠟꠤꠇ ꠁꠍꠣꠄ ꠎꠦꠛꠟꠣ ꠔꠡꠞꠤꠚ ꠀꠘꠛꠣ, ꠅꠃ ꠡꠝꠄ ꠔꠣꠞꠣꠞꠦ ꠅꠝꠘ ꠡꠣꠎꠣ ꠖꠦꠅꠀ ꠅꠁꠛ, ꠎꠣꠔꠦ ꠔꠣꠞꠣ ꠔꠣꠘ ꠖꠤꠖꠣꠞꠞ ꠀꠞ ꠝꠢꠣ ꠇꠥꠖꠞꠔꠤꠞ ꠛꠣꠞꠦ ꠙꠠꠤꠀ ꠢꠞ-ꠢꠣꠝꠦꠡꠣ ꠟꠣꠘ꠆ꠘꠔꠤ ꠡꠣꠎꠣ ꠙꠣꠁꠛ।

ছিলটি আছমানি কিতাব (বাংলা লিপি)

⁹ মালিক ইছায় যেবলা তশরিফ আনবা, অউ সময় তারারে অমন সাজা দেওয়া অইবো, যাতে তারা তান দিদারর আর মহা কুদরতির বারে পড়িয়া হর-হামেশা লান্নতি সাজা পাইবো।

ইঞ্জিল ১৪: ২-থিষল: 1:9 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:8

Hainja bala tara Mabud Allar aoaz hunla, tain baganor maze faḳanit aira. Teu Adom ar tan bou Mabud Allar samne na foṛar lagi baganor gasor aoṛe luḳaila.

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 4:16

Erbade Kabil Mabudor samon taki horia Adanor fubedi Nud [mani, gura-fira] desho gelogi.

ꠎꠛꠥꠞ ꠡꠞꠤꠚ 16:11

Deḳairae zindegir fot amare tumi, tumar didaror maze ase furafur furti, tumar ḍain ḳandat ase siroḳalin shuk-shanti.

ꠁꠘ꠆ꠎꠤꠟ ১: ꠝꠕꠤ 16:27

Ami bin-Adome zebla amar firista oḳolre loge loia amar gaibi bafor kudroti mohimae zogoto hirbar aimu, ou shomoy forteḳ manshore tar amol mafik fol dimu.

ꠁꠘ꠆ꠎꠤꠟ ১: ꠝꠕꠤ 22:13

Teu bashshae tan gulam oḳolre hukum dila, ‘Ogur at-fao bandia bare nia andair gato falai deo.’ Hono manshe ḳanda-ḳaṭi korba ar zala-zontronae dat kiṛimiṛi kaiba.”

ꠁꠘ꠆ꠎꠤꠟ ১: ꠝꠕꠤ 24:30

Ou shomoy asmanor maze ami bin-Adomor nishana deḳa zaibo. Duniar hoḳol manshe ahazari korba. Tara deḳba, Allar kudroti shokti ar nuror mohimae, ‘megor kuṭit oia bin-Adom duniat aira.’

ꠁꠘ꠆ꠎꠤꠟ ১: ꠝꠕꠤ 25:41

“Bade bashshae tan bau galar manshore ḳoiba, ‘O lannotir dol, amar samon taki bago. Iblis-Shoytan ar tar samsa zinnat oḳlor lagi duzoḳor ze aguin tiar ḳora oise, hono zao.

ꠁꠘ꠆ꠎꠤꠟ ১: ꠝꠕꠤ 25:46

Heshe Isae ḳoila, “Ou naforman oḳole aḳerato siroḳal shaza faiba, oile allaoala manshe aḳeri zindegi faiba.”

ꠁꠘ꠆ꠎꠤꠟ ১: ꠝꠕꠤ 26:24

Ami bin-Adomor moutor befare Asmani Kitabo zela leḳa ase, amar mout to oula-u oibo. Oile afsus hou zonor lagi, zegie amare doraia dibo. Duniat tar zonom na oa-u, tar lagi bout bala asil.”

ꠁꠘ꠆ꠎꠤꠟ ১: ꠝꠕꠤ 7:23

Oile ami tarare zuaf dimu, ‘Dur, Iblisor dol! Ami to tumrare sini-u na, amar ges taki bago.’

Injil 3: Luk 13:27

Oile tain ḳoiba, ‘Haere naforman oḳol, amar ges taki bago. Tumra kuai taki aiso, ami to sini-u na.’

Injil 4: Hannan 5:14

Bade Isae ou beṭare Baytul-Mukaddoso faia ḳoila, “Huno, tumi to bemar taki bala oigeso. Te ar kunu guna ḳorio na, zate tumar shorbonash na oy.”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:2

Toshrif anla Mabud Allae Tur faṛ taki, amra hoḳole deḳa failam nure elahi. Seir ar Faran faṛ taki deḳain nuror tez, laḳo laḳo firista kiba aro besh. Didar dila Mabude erar maz tone, ḍain ato bora asil nuror aguine.

Injil 11: Filifia 3:19

Tarar ḳofalo ase binash. Tarar feṭ-u tarar Alla. Naformani kam loia tara boṛai kore, ḳali duniar dandae fagol.

ইঞ্জিল ১৩: ১-থিষল: 5:3

I zogotor manshe zebla ḳoiba, “Hoḳolta shanti oigese, kunu ḍor-boy nai,” ou shomoy, beṭintor hurutta oar bedona zela aḳta-u dore, oula ota manshor shorbonash aḳta-u oibo. Tara kunumonte-u rehai faito nae.

ইঞ্জিল ১৪: ২-থিষল: 2:8

Tain hori gele hou naforman Kane-Dorjal bar oibo. Hozrot Isae mukdi fu dia tare binash ḳorba, ar tan kudroti mohimae azir oia tar bol-shoktire ḳotom ḳorba.

Injil 17: Titas 2:13

Erloge amrar dilor forom asha furonor lagi bar sai, Allatala ar toraneala Isa al-Mosir shan-mohima zair oar kushi-bashi furonor lagi bar sai.

Injil 19: Ibrani 10:29

Te sinta ḳori deḳoukka, ze zone Allar ḳas mayar zon Ibnullare gin ḳore, he aro ḳoto boṛo azabor bagi oise! Ze lour usillae he fak-saf oise, Allai hou usillar loure he elami korse, ar ze Pak Ruhe rohomot boḳshia dein, hou ruhre-o beijjot ḳorse.

ꠁꠘ꠆ꠎꠤꠟ ২২: ২-ꠙꠤꠔꠞ 2:17

Ita manush to fanir hukna kuar laḳan ar batashor kuṛullar laḳan. Tarar lagi goin andair zoma raḳa ase.

ꠁꠘ꠆ꠎꠤꠟ ২২: ২-ꠙꠤꠔꠞ 3:7

Ar hou kalamor bole, oḳonkur asman-zominre aguindi zalaibar lagi raḳa or. Aḳeri bisar din forzonto itare ola rokka ḳora or, hou din be-din oḳlor shorbonash oibo.

Injil 26: Ehuda 1:13

Ar tara oila tufanor ḳalor doriar ḍeur laḳan, doriar ḍeue zela fenare bashaia tule, tarar bod ḳamor shorom-o ola bashia uṭe. Tara oila sairobae sokkor deora terar laḳan, itar hesh dosha oilo hor-hameshakur lagi zoma raḳa goin andair.

Injil 27: Zaira Kalam 20:11

Bade ami deḳlam, boṛo ekkan dola toḳt, ou toḳto eḳzon boat asoin. Tan samna taki asman ar dunia bagigelo, kunuḳano erar zaga roilo na.

Injil 27: Zaira Kalam 20:14

Heshe mout ar ḳoyborre-o agunir gato falail oilo. Ou agunir gato foṛa-u oilo dusrabar mout mani, aḳeri mout.

Injil 27: Zaira Kalam 21:8

Oile ḳa-purush, beiman, haramkur, kuni, zinakur, zadugir, murtipuja ḳorra, ar hoḳol nomunar misa matra oḳol zalail aguin ar gondoḳor gato roiba. Er nam-u oilo dusrabaror mout.”

Injil 27: Zaira Kalam 22:15

Kukror laḳan zogoinno manush, zadugir, zinakur, kuni, murtipuja ḳorra, ar zetae misa mat fosond ḳore, misar maze sole, ita hokkolṭi bare foṛi roise.