ꠁꠘ꠆ꠎꠤꠟ ২২: ২-ꠙꠤꠔꠞ 2:9 - Siloṭi Asmani Kitab (Latin lipi)

^9-10 Ota taki deḳa zar, Allae to forezgar manshore forikkar maz taki-o basaita faroin. Oile zera be-dini kam ḳore, ḳas ḳori zera ḳobisi kore, kunu shashon mane na, tarare shaza deoaṭa kiamot forzonto raḳta-o faroin. I bonḍo ustad oḳol kub bod-shaoshi. Tara nizor ichchamoto sole ar batuni shordar oḳlor bodnam gaite ḍorae na.

Siloṭi Asmani Kitab (Nagri lipi)

^9-10 ꠅꠔꠣ ꠕꠣꠇꠤ ꠖꠦꠈꠣ ꠎꠣꠞ, ꠀꠟ꠆ꠟꠣꠄ ꠔ ꠙꠞꠦꠎꠉꠣꠞ ꠝꠣꠘꠡꠞꠦ ꠙꠞꠤꠇ꠆ꠇꠣꠞ ꠝꠣꠎ ꠕꠣꠇꠤꠅ ꠛꠣꠌꠣꠁꠔꠣ ꠙꠣꠞꠂꠘ। ꠅꠁꠟꠦ ꠎꠦꠞꠣ ꠛꠦ-ꠖꠤꠘꠤ ꠇꠣꠝ ꠇꠞꠦ, ꠈꠣꠍ ꠇꠞꠤ ꠎꠦꠞꠣ ꠈꠛꠤꠍꠤ ꠇꠞꠦ, ꠇꠥꠘꠥ ꠡꠣꠡꠘ ꠝꠣꠘꠦ ꠘꠣ, ꠔꠣꠞꠣꠞꠦ ꠡꠣꠎꠣ ꠖꠦꠅꠀꠐꠣ ꠇꠤꠀꠝꠔ ꠙꠞ꠆ꠎꠘ꠆ꠔ ꠞꠣꠈꠔꠣꠅ ꠙꠣꠞꠂꠘ। ꠁ ꠜꠘ꠆ꠒ ꠃꠡ꠆ꠔꠣꠖ ꠅꠇꠟ ꠈꠥꠛ ꠛꠖ-ꠡꠣꠅꠡꠤ। ꠔꠣꠞꠣ ꠘꠤꠎꠞ ꠁꠌ꠆ꠍꠣꠝꠔ ꠌꠟꠦ ꠀꠞ ꠛꠣꠔꠥꠘꠤ ꠡꠞ꠆ꠖꠣꠞ ꠅꠇꠟꠞ ꠛꠖꠘꠣꠝ ꠉꠣꠁꠔꠦ ꠒꠞꠣꠄ ꠘꠣ।

ছিলটি আছমানি কিতাব (বাংলা লিপি)

^9-10 অতা থাকি দেখা যার, আল্লায় তো পরেজগার মানষরে পরিক্ষার মাজ থাকিও বাচাইতা পারইন। অইলে যেরা বে-দীনি কাম করে, খাছ করি যেরা খবিছি করে, কুনু শাসন মানে না, তারারে সাজা দেওয়াটা কিয়ামত পর্যন্ত রাখতাও পারইন। ই ভন্ড উস্তাদ অকল খুব বদ-সাওসি। তারা নিজর ইচ্ছামতো চলে আর বাতুনি সর্দার অকলর বদনাম গাইতে ডরায় না।

ꠁꠘ꠆ꠎꠤꠟ ২২: ২-ꠙꠤꠔꠞ 2:9 Iomraidhean Croise

ꠎꠛꠥꠞ ꠡꠞꠤꠚ 12:1

O Mabud, zane basaukka, oḳon ar nai kunu ashik bonda, adom zatir maze hok kunu zon tukaia miler na.

ꠎꠛꠥꠞ ꠡꠞꠤꠚ 32:6

Te mosibotor ḳalo forteḳ forezgare dua ḳorouk tumar-u dorbare, moha boinna oile-o faito nae to tarare.

ꠎꠛꠥꠞ ꠡꠞꠤꠚ 37:33

Mabude tanre saṛta nae naformanor ato, tan shaza oite dita nae adalotor bisaro.

ꠎꠛꠥꠞ ꠡꠞꠤꠚ 4:3

Mono rakio, Mabude tan ashik bondare nizor lagi alog korsoin, te ami ḍaḳle-u tain hunoin.

ꠁꠘ꠆ꠎꠤꠟ ১: ꠝꠕꠤ 10:15

Ami tumrare hasa ḳota ḳoiram, Hashoror din ou gaur dosha taki, hou lannoti Sadum ar Amura ṭaunor dosha bout bala oibo.

ꠁꠘ꠆ꠎꠤꠟ ১: ꠝꠕꠤ 6:13

Falaio na amrare forikkat, Shoytanor ḳobza taki koro ḳalas.

Injil 6: Ruman 2:5

Oile tumar fashan dil ar touba na ḳorar monobabor lagi, tumar ufre Allar gozob dola ḳori toirae, Allae zedin gozob zair ḳorba, hok bisar ḳorba, hou dinor lagi shaza dola ḳorrae.

Injil 7: 1-Korintia 10:13

Manshor zindegit zelaḳan forikka ae, otar baira noya kunu forikka to tumrar ufre or na. Alla Pak to hok-halal, tain tumrare shoijjor otirikto kunu forikkat falaita nae, borong forikka taki basibar fot-o batai diba, zate tumra ita shoijjo ḳortae faro.

ꠁꠘ꠆ꠎꠤꠟ ১৬: ২-ꠔꠤꠝꠕꠤ 3:12

Ashole Allar ḍor-ḳof bitre rakia, Isayi imandar bonia zera zindegi kaṭaito sae, tara to zulum-mosiboto foṛbo-u.

Injil 17: Titas 2:14

Isa al-Mosie to amrare basanir lagi tan nizor zan kurbani dilaisoin, zate hoḳol guna taki amrare ḳalas ḳori anta faroin, ar ou laḳan eḳdol manshore fak-fobitro ḳoroin, zera ḳali tan nizor oiba, zera nek kamor ashik oiba.

ꠁꠘ꠆ꠎꠤꠟ ২২: ২-ꠙꠤꠔꠞ 2:4

Emonki agor firista oḳole zebla guna ḳorsla, ou shomoy Allae tarare rehai disoin na, borong duzoḳor andairor gato falaia tarar bisar ḳorar lagi raḳsoin.

ꠁꠘ꠆ꠎꠤꠟ ২২: ২-ꠙꠤꠔꠞ 3:7

Ar hou kalamor bole, oḳonkur asman-zominre aguindi zalaibar lagi raḳa or. Aḳeri bisar din forzonto itare ola rokka ḳora or, hou din be-din oḳlor shorbonash oibo.

Injil 26: Ehuda 1:6

Ar zeta firista oḳole nizor day-dayitto adae na ḳoria, nizor ashon taki hori gesla, Allae tarare siroḳal dori shikoldi bandia goin andair goro raḳsoin Hashoror dinor lagi.

Injil 27: Zaira Kalam 3:10

Tumrare sobor ḳorar lagi ami ze hukum dislam ita tumra mancho; erlagi i duniar ufre mosibotor ze shomoy aia azer, hou shomoy taki ami tumrare hefazot ḳormu. Duniar manshore forikka ḳorar lagi ou mosibotor shomoy aibo.