ꠁꠘ꠆ꠎꠤꠟ ২২: ২-ꠙꠤꠔꠞ 2:4 - Siloṭi Asmani Kitab (Latin lipi)

⁴ Emonki agor firista oḳole zebla guna ḳorsla, ou shomoy Allae tarare rehai disoin na, borong duzoḳor andairor gato falaia tarar bisar ḳorar lagi raḳsoin.

Siloṭi Asmani Kitab (Nagri lipi)

⁴ ꠄꠝꠘꠇꠤ ꠀꠉꠞ ꠚꠤꠞꠤꠡ꠆ꠔꠣ ꠅꠇꠟꠦ ꠎꠦꠛꠟꠣ ꠉꠥꠘꠣ ꠇꠞꠍꠟꠣ, ꠅꠃ ꠡꠝꠄ ꠀꠟ꠆ꠟꠣꠄ ꠔꠣꠞꠣꠞꠦ ꠞꠦꠢꠣꠁ ꠖꠤꠍꠂꠘ ꠘꠣ, ꠛꠞꠋ ꠖꠥꠎꠈꠞ ꠀꠘ꠆ꠖꠣꠁꠞꠞ ꠉꠣꠔꠅ ꠚꠣꠟꠣꠁꠀ ꠔꠣꠞꠣꠞ ꠛꠤꠌꠣꠞ ꠇꠞꠣꠞ ꠟꠣꠉꠤ ꠞꠣꠈꠍꠂꠘ।

ছিলটি আছমানি কিতাব (বাংলা লিপি)

⁴ এমনকি আগর ফিরিস্তা অকলে যেবলা গুনা করছলা, অউ সময় আল্লায় তারারে রেহাই দিছইন না, বরং দোজখর আন্দাইরর গাতো ফালাইয়া তারার বিচার করার লাগি রাখছইন।

ꠁꠘ꠆ꠎꠤꠟ ২২: ২-ꠙꠤꠔꠞ 2:4 Iomraidhean Croise

ꠁꠘ꠆ꠎꠤꠟ ১: ꠝꠕꠤ 25:41

“Bade bashshae tan bau galar manshore ḳoiba, ‘O lannotir dol, amar samon taki bago. Iblis-Shoytan ar tar samsa zinnat oḳlor lagi duzoḳor ze aguin tiar ḳora oise, hono zao.

ꠁꠘ꠆ꠎꠤꠟ ১: ꠝꠕꠤ 8:29

Tara sillaia Isare ḳoilo, “O Allar ḳas mayar zon Ibnulla, amrar loge afnar kita dorḳar? Shomoy oar age-u afne amrare satanit aichchoin ni?”

Injil 2: Markus 5:7

ar sillaia ḳoilo, “O Isa, Allatalar ḳas mayar zon Ibnulla, afne ḳene amar gese aisoin? Ami Allar ḳosom ḳaia ḳoiar, afne amare satain na zanu.”

Injil 3: Luk 10:18

Isae tarare ḳoila, “Huno, ami deḳsi, Iblis-Shoytan megor zilkir laḳan behest taki foṛizar.

Injil 3: Luk 8:31

Teu hi fouz fale Isare minot-ḳajji koria ḳoila, tain zanu tarare roshatole na gaṛoin.

Injil 4: Hannan 8:44

Iblis-u tumrar baf ar tumra tar aolad, erdae tumra tar ḳaish fura ḳortae sairae. Iblis to foyla taki-u kuni. He kunudin hokor maze boshot ḳorse na, ḳaron tar maze kunu hok nai. He zebla misa mate, ou shomoy he niz taki-u mate. Ḳaron he beiman, ar hoḳol beimani tar maz taki-u foyda oise.

Injil 6: Ruman 11:21

Mono rakio, Allae zebla mul ḍal-falare-u rehai disoin na, te tumi kolomor ḍalre kunu rehai diba ni?

Injil 6: Ruman 8:32

Amra hoḳolre basanir lagi, Allae zebla tan ḳas mayar zon Ibnullare bilai dite-o naraz oila na, tanre moutor ato shofi dila, te ou mayar zonor loge hoḳolta-u amrare dan ḳorta nae ni?

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 29:20

Mabude kunumonte-u erare mafi dita nae, erar ufre tan gusar aguin dau dau ḳori zolia uṭbo. Ar ou kitabor maze zoto laḳan lannotor ḳota leḳa ase, ita hokkolta erar ufre ḍaliba, Mabude asta dunia taki tarar nam miṭailiba.

ꠁꠘ꠆ꠎꠤꠟ ২২: ২-ꠙꠤꠔꠞ 2:11

Firista oḳol shokti ar ḳemotae era taki bout boṛo oile-o, ou batuni shordaror bifokke Mabudor dorbaro bodnam gaia kunu nalish dein na.

ꠁꠘ꠆ꠎꠤꠟ ২২: ২-ꠙꠤꠔꠞ 2:5

Ar tain hou agor duniare-o rehai disoin na, borong ou be-din oḳolre boinnar fanidi marsoin. Oile Nuh nobi ar oinno shatzonre tain basaisoin. Ḳaron Nuh nobie forezgarir ḳota toblig korta.

ꠁꠘ꠆ꠎꠤꠟ ২২: ২-ꠙꠤꠔꠞ 2:9

Ota taki deḳa zar, Allae to forezgar manshore forikkar maz taki-o basaita faroin. Oile zera be-dini kam ḳore, ḳas ḳori zera ḳobisi kore, kunu shashon mane na, tarare shaza deoaṭa kiamot forzonto raḳta-o faroin. I bonḍo ustad oḳol kub bod-shaoshi. Tara nizor ichchamoto sole ar batuni shordar oḳlor bodnam gaite ḍorae na.

Injil 23: 1-Hannan 3:8

Oile gunar fotor ashik zera, tara Shoytanor murid, Iblis-Shoytane to foyla taki-u guna ḳorer. Tar ḳamre binash ḳorar niote, oḳon Allar ḳas mayar zon Ibnulla i duniat zair oila.

Injil 26: Ehuda 1:13

Ar tara oila tufanor ḳalor doriar ḍeur laḳan, doriar ḍeue zela fenare bashaia tule, tarar bod ḳamor shorom-o ola bashia uṭe. Tara oila sairobae sokkor deora terar laḳan, itar hesh dosha oilo hor-hameshakur lagi zoma raḳa goin andair.

Injil 26: Ehuda 1:6

Ar zeta firista oḳole nizor day-dayitto adae na ḳoria, nizor ashon taki hori gesla, Allae tarare siroḳal dori shikoldi bandia goin andair goro raḳsoin Hashoror dinor lagi.

Injil 27: Zaira Kalam 20:10

Ar ze Iblise erare be-foti banaisil, tare doria zalail gondoḳor agunir gato falail oilo. Hou zanuar ar bonḍo nobire age-u ou gato falail oisil. Hono tara siroḳal roiba, ar dine-raite zala-zontronar azab faiba.