ꠁꠘ꠆ꠎꠤꠟ ২২: ২-ꠙꠤꠔꠞ 2:15 - Siloṭi Asmani Kitab (Latin lipi)

¹⁵ Tara Balam bin Bauror laḳan sohi fot saṛia be-fote gesegi. Ou bonḍo pir Balam to haram ḳamai-ruzgaror fagol asil,

Siloṭi Asmani Kitab (Nagri lipi)

¹⁵ ꠔꠣꠞꠣ ꠛꠣꠟꠣꠝ ꠛꠤꠘ ꠛꠣꠃꠞꠞ ꠟꠣꠈꠣꠘ ꠍꠢꠤ ꠙꠕ ꠍꠣꠠꠤꠀ ꠛꠦ-ꠙꠕꠦ ꠉꠦꠍꠦꠉꠤ। ꠅꠃ ꠜꠘ꠆ꠒ ꠙꠤꠞ ꠛꠣꠟꠣꠝ ꠔ ꠢꠣꠞꠣꠝ ꠇꠣꠝꠣꠁ-ꠞꠥꠎꠉꠣꠞꠞ ꠙꠣꠉꠟ ꠀꠍꠤꠟ,

ছিলটি আছমানি কিতাব (বাংলা লিপি)

¹⁵ তারা বালাম বিন বাউরর লাখান ছহি পথ ছাড়িয়া বে-পথে গেছেগি। অউ ভন্ড পীর বালাম তো হারাম কামাই-রুজগারর পাগল আছিল,

ꠁꠘ꠆ꠎꠤꠟ ২২: ২-ꠙꠤꠔꠞ 2:15 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 22:23

Mabudor firistae toluar ato loia, fotor maze ubai roisoin dekia, gadiṭa fot saṛia zominedi lami gelo. Gadire hirbar foto tular lagi Balame taire mair-doir ḳorla.

ꠔꠃꠞꠣꠔ ৪: ꠡꠥꠝꠣꠞꠤ 22:28

Ou shomoy Mabude gadir mukor zoban kuli dila. Tai Balamre ḳoilo, “Ami afnare kita ḳorsi, afne tin-tinbar amare marla?”

ꠔꠃꠞꠣꠔ ৪: ꠡꠥꠝꠣꠞꠤ 22:32

Teu Mabudor firistae tanre zikaila, “Tumar gadire ḳene tin-tinbar marlae? Tumi amar samne amar birudde ḳam ḳorat zairaegi dekia, ami tumare aṭḳaibar lagi ono aisi.

ꠔꠃꠞꠣꠔ ৪: ꠡꠥꠝꠣꠞꠤ 31:16

Mono nai ni, oguinte Piyur faṛor ufre Balam piror foramishe, Boni Israilre Mabudor ges taki duroi horaisil, erlagi to Mabudor bonda oḳlor ufre gozobi bemar nazil oisil.

ꠁꠘ꠆ꠎꠤꠟ ১: ꠝꠕꠤ 26:9

I fuṭin besile to bout ṭeḳa faia gorib oḳolre bilai deoa gelo one.”

Injil 5: Sahabi Nama 1:18

Ou nafaki kamor ṭeḳa dia he eḳzora zomi loisil, ar ou zomino ufoit oia foṛia tar feṭ faṭia at-boṛ bar oilo.

Injil 5: Sahabi Nama 13:10

“O Iblisor baichcha, hoḳol mumini kamor dushmon, tor bitre hoḳol laḳan sol-soturi ar naformanie bora, tui Mabudor sohi fotre teṛa ḳorar fikir bad dite nae ni?

ꠁꠘ꠆ꠎꠤꠟ ২২: ২-ꠙꠤꠔꠞ 2:13

ḳarafir bodla babot tarar lagi-o ḳarafi ase. Dinor belae-o mouz-furti koria mod ḳaite tarar bala lage. Tara to tumrar ḳanir talor tu ar gu. Tara zebla tumrar loge boia mezbani kae, ou shomoy tara bonḍami korte kub aram fae.

Injil 26: Ehuda 1:11

Ita to lannoti! Iguin Baba Adomor lannoti fut Kabilor laḳan bonchoin. Duniabi labor ashae tara hou bonḍo nobi Balamor ḳaishor ato nizore shofi dise. Ar Musa nobir bae bigṛi zaora hou neta Kurahor laḳan tarar binash ase.

Injil 27: Zaira Kalam 2:14

Ta-o tumrar birudde amar kisu mat ase. Tumrar ono ola kisu manush asoin, zetae Musa nobir amolor bonḍo nobi Balamor talime soloin. Ou Balame bashsha Balakre hikaisil, zate he devtar murtir samnor foshad ḳaoaia ar zina ḳoraia, Boni Israilre gunar fote ney.